Cultura no Camiño

Espectáculo de maxia teatralizada, con comedia e humor indicado para público familiar.

O famoso detective Sherlock Holmes enfrontaráse esta vez a un complicado e emocionante caso. As xoias da Mansión dos Patterson foron roubadas. Sospeitase de todo o persoal que traballa na casa, de todo aquel que estivera polas cercanías da Mansión o día do roubo. Coa axuda do público o famoso detective tentará descubrir ao culpable e recuperar as xoias.

Ilusionimo teatral con comedia, maxia musical, manipulación de cartas, malabarismo, clown, mentalismo, hipnose.

Moendo Muiñeiras é un espectáculo que xira ó redor da muiñeira, no que se misturan a partes iguais teatro, baile e música. Os protagonistas da historia farán un percorrido polas catro formas de muiñeiras conservadas a día de hoxe: muiñeira nova, muiñeira vella, carballesa e regueifa, levados por unha apaixoante trama ao ritmo da zanfona e o violín.

Sipnose:

O veleiro Gyrovâgus, un carriño de bebé adaptado as necesidades do espectáculo, navega autónomo polas rúas das festas hasta atracar no lugar da representación. Todas as maniaobras serán supervisadas polo capitán Arenas e poderemos asistir o desembarco de criaturas marabillosas con habilidases fascinantes.

Lafayette Show é un espectáculo de maxia con comedia e humor adicado a público familiar. Un espectáculo onde un só artista interpreta todos os personaxes que saen a escena.

Combina o encanto da maxia e o ilusionismo co teatro, a comedia, a interpretación, a música, a danza, a hipnose, o mentalismo e unha mestura de artes afins. Este show, pensado para público de todas as idades, mostra con grandes doses de humor e teatro o lado máis espectacular e fascinante da maxia.

En"Un avó especial"abórdase o tema da enfermidade do Alzheimer co obxectivo de axudar  a comprender situacións que moitas familias poden vivir no seu contorno. Malia a seriedade do tema que trata ten un enfoque humorístico que persegue fomentar actitudes optimistas para afrontar os problemas da doenza e amosar a importancia que teñen os/as nenos/as para que os maiores vivan momentos felices.

“Vai ser boa!”é un espectáculo baseado no libro-disco “Pan de millo”, editado pola Editorial Kalandraka e coa produción musical a cargo de Paulo Nogueira e Magoia Bodega, do grupo Treixadura.

• Contos de risa, trasnos e carapuchiñas. A tradición oral da man da literatura infantil. Co ritmo das ondas no noso maxín, entraremos no mundo da fantasía e da imaxinación...

  "Contos nas orellas" engloba cinco sesións diferentes para escoller, cada unha delas arredor dun tema: a diversidade, O Nadal, a risa, a tradición oral e os primeiros contos para bebés. Ditos, cancións e pequenos xogos tradicionais salpican todas as sesións, que teñen como finalidade o gozo da literatura por parte dos pequenos/as.

En "Cantacontos" os contos tradicionais ou de creación propia son arrequentados con cancións, música ou sons que contribúen a espertar emocións nos nenos e nenas. Todos os contos tratan cuestións próximas ós/ás nenos/as e convídanos a participar no seu desenlace. As cancións complementan os seus contidos.

María dos Contos: MARÍA CAMPOS
Señor Dorremí: CARLOS YUS

A partir do libro “Un avó especial”, que trata sobre a relación entre un avó e a súa neta, vanse entrelazando cancións e ditos infantís de tradición oral recollidos na páxina web www.orellapendella.org

Segundo traballo de estudio e terceiro da discografía de Caxade, tendo en conta o DVD/CD gravado en directo coa Banda de Música de A Bandeira. A canción “E isto é o Amor” é unha letra de Séchu Sende que Alonso Caxade musicou.

Un directo poderoso e envolvente que gusta por igual ao público “indie” e ao “folkie” e que non deixa a ninguén indiferente. A consolidación dun son e dunha voz que insufla aires pop na música tradicional galega.