Seminario co que se pretende revisar un aspecto da comunicación fundamental para a normalización da nosa lingua, atendendo o aspecto diacrónico e de evolución, e fotografando o estado actual, desde os puntos de vista das empresas, da teoría da comunicación, da publicidade e da lingua.
Moito se ten escrito e reflexionado sobre a obra do Mestre B. J. Feijoo, pero cada época ten o seu propio xeito de considerar as cousas e, mesmo, de reinterpretar a súa historia. Por iso, o século XXI, coas súas convulsións e cambios, pode e debe, tamén, volver ollar coa súa particular circunstancia o pensamento e a época de Feijoo. Isto é que pretende este seminario organizado polo Consello da Cultura Galego(CCG) no que participan Francisco Díaz-Fierros Viqueira, Luis Rodríguez Ennes, Inmaculada Urzainqui, Xosé Ramón Barreiro Fernández e Antonio Lafuente.
Con motivo do 25 aniversario da sección galega do PEN Internacional, a VI Bienal Literaria reunirán en Compostela narradores, xornalistas, escritores, poetas, novelistas e un nutrido grupo de representantes da nosa escrita. Tres mesas redondas, un recital poético-musical e unha conferencia maxistral a cargo do escritor arxentino Roberto Alifano sobre Borges compoñen a sexta edición dun dos eventos culturais máis destacados do panorama galego.
A Cidade da Cultura de Galicia pon en macha este programa que persegue proporcionarlles formación de calidade aos emprendedores culturais interesados en deseñar e xestionar proxectos empresariais creativos e viables.
O curso ofrece formación en procedementos e técnica na xestión de pemes, contidos especialmente adaptados para facelos comprensibles a público non experto. Ademais, inclúe módulos sobre técnicas útiles no eido do emprendemento, como ferramentas de marketing online, coaching, comunicación empresarial ou estratexias de venda.
A Asociación de Escritores e Escritoras en Lingua Galega (Aelg) e a Asociación Socio-Pedagóxica Galega celebran por cuarto ano as Xornadas de Literatura e Ensino, que nesta edición se centra no papel das mulleres nas letras. Baixo o título A Xeración Nós-Outr@s, a Cidade da Cultura acolle unha xornada na que participarán recoñecidas autoras como Rosa Aneiros, Inma López Silva ou Berta Dávila nun completo programa que inclúe charlas, obradoiros e mesas redondas.
Carlos Zanón, Kiko Amat, Ainhoa Rebolledo e Iago Martínez falan sobre subxectividade, emoción e perspectiva no traballo do escritor. Acontece dentro do marco das actividades do Festival WOS INC.
Actividade inscrita dentro do programa do festival WOS INC que se celebra en diferentes lugares emblemáticos de Santiago de Compostela. Trátase dun cartel de luxo formado por Xavi Puig, creador e director de El Mundo Today; El Hematocrítico, creador do blog co mesmo nome, El Hematocrítico de Arte, o Hematocrítico de Cine, Drama en el Portal e unha longa lista de éxitos de masas; Noel Ceballos, experto en cómics de culto, ciencia-ficción, comedias e novas tecnoloxías…; Iago Fernández, periodista e editor de VICE en Madrid; Querido Antonio
Contrastarase as distintas evolucións, situacións e perspectivas sociolingüísticas e glotopolíticas das tres linguas cooficiais das respectivas nacionalidades –do catalán (nos seus diversos dominios, pero con foco en Cataluña), do vasco (nos seus distintos dominios, con foco en Euskadi) e do galego (incluíndo as variedades estremeiras)– e unha lingua sen recoñecemento oficial (o asturiano).
Coordinado por Rafael Doctor, o Encontro de Artistas Novos ‘Cidade da Cultura’ busca favorecer a convivencia entre artistas emerxentes galegos e procedentes doutros lugares, ademais de poñer en contacto aos participantes con outros axentes do sector como críticos, comisarios ou art followers. Unha edición máis, o Encontro trae ao Gaiás artistas e creadores xa consolidados para compartir as súas experiencias e reflexións ao redor da arte: Lois Patiño, Din Matamoro, José Manuel Ballester e Dora García.
As exposicións temporais convertéronse nos últimos anos nunha das principais estratexias de programación dos espazos culturais para dinamizar a súa oferta e atraer a públicos diversos, renovando con cada proxecto a razón para que o visitante regrese.
A súa produción e xestión implican unha serie de procesos que se foron protocolizando de xeito paralelo á profesionalización do sector, xerando unha metodoloxía de traballo. A análise desta praxe é o obxecto das xornadas Produción e xestión de exposicións temporais.
