A modo de coloquio, catro personalidades do mundo do deseño e a publicidade permitirannos coñecer dunha forma creativa e orixinal a súa experiencia, cos seus problemas e dificultades e pero tamén os seus acertos. A interacción entre público e relatores facilitarase nunha sesión de networking informal posterior, onde todos os presentes poderán intercambiar experiencias e coñecementos ao redor das degustacións que ofrecerá o Instituto Galego do Viño.
Programa:
Este curso traza un panorama xeral sobre a revolución que supuxeron os novos cinemas nos anos sesenta, as súas intuicións na década dos cincuenta e os seus ecos na posterior década dos setenta. Unha revolución que se opuxo ao chamado cinema clásico e que marcou o comezo da modernidade, ese movemento que supuxo, en palabras de Domènec Font, “unha auténtica sismografía no interior dese edificio que chamamos Historia do cinema”.
Horario: mércores de 19:00 a 20:30 h
Neste segundo bloque abordarase NOUVELLE VAGUE: RIBEIRA DEREITA:
O universo galego de Julio Cortázar centra a nova sesión do ciclo ‘En Paralelo: Noites de literatura e cine 2015’, nunha xornada promovida pola Consellería de Cultura, Educación e Ordenación e a Deputación Provincial de Pontevedra. Nela afondarase na estreita vinculación de Cortázar con Galicia e cos galegos a través do relatorio que ofrecerá o escritor ourensán Francisco X. Fernández Naval, así como da proxección do audiovisual ‘Cortázar Galicia’, dirixido por Juan de la Colina.
Neste ano no que se celebra o centenario de Julio Cortázar, a Consellería de Cultura, Educación e Ordenación Universitaria da Xunta de Galicia propón esta xornada de achegamento ao universo galego dun dos escritores latinoamericanos máis relevantes da literatura de todos os tempos.
O retrato de Eduardo Blanco Amor como escritor é grande, pero insuficiente. O autor de A esmorga mantivo relacións estensas con outras artes. Divulgar estas relacións, apreciar o que o guiaba no seu vínculo co cine e o teatro , e afondar nas vivencias a través dos amigos que o frecuentaban son os obxectivos destas xornadas que organizan a Consellería de Cultura, Educación e Ordenación Universitaria, a Deputación Provincial de Ourense e o Centro PEN Galicia, en colaboración co Liceo de Ourense.
Organizada pola Secretaría Xeral de Cultura e Axencia para a Modernización Tecnolóxica de Galicia (AMTEGA), esta xornada técnica conta con relatorios e unha mesa redonda ao redor da actualidade arquivística.
Camus foi unha das figuras do existencialismo que constituíu un referente de ideas, valores e formas de vida. Os problemas que abordou (a soidade, a culpa, a acción, o nexo entre política e ética…) continúan a ter plena vixencia hoxe en día. As xornadas Albert Camus, que organiza a sección de Pensamento e Sociedade do Consello da Cultura Galega (CCG), serven para revisar o ideario e a obra desta figura brillante da modernidade, pero tamén para analizar a pegada que deixaron en Galicia.
O Consello da Cultura Galega celebra unha xornada dedicada á escultora Elena Colmeiro (Silleda, Pontevedra, 1932), como unha relectura a unha obra chea de liberdade creativa, fóra de modas e modismos, pero integrada dentro do eido da escultura actual e que achega un estilo propio á realidade da historia da escultura galega contemporánea.
Información e inscrición
O Consello da Cultura Galega propón unha xornada de reflexión sobre o teatro amador, co fin de atender esta actividade escénica e de abrir liñas de reflexión que a dignifiquen e a sitúen como parte esencial do tecido teatral galego.
Inscrición e programa no web do Consello da Cultura Galega
El Corte Inglés, Estrella Galicia, Afundación, Martín Códax, Red Bull, SuperBock son marcas privadas que comparten un denominador común: ser dinamizadoras da industria musical. Representantes de marketing e comunicación destas empresas participarán mañá na xornada o financiamento de proxectos musicais a partir do patrocinio privado.
A xornada pódese seguir en directo a través do web do Consello da Cultura Galega.
