Visita guiada/Roteiro

Descubre a maxia das estrelas e as noites de Compostela no complexo deseñado por Peter Eisenman. A través de telescopios e prismáticos,  e seguindo as explicacións técnicas dos monitores do Observatorio Astronómico Ramón María Aller, aprende a observar a lúa, os planetas, fenómenos curiosos como o das estrelas dobres, nebulosas… Unha outra forma de observar o ceo e de pasar unha noite distinta en familia.

Inscricións de balde en http://www.cidadedacultura.gal/gl/evento/visitas-astronomicas-2017

Visitas guiadas na sala de Exposicións do Arquivo de Galicia, na que se atopa á exposición Vicente Álvarez de Neira, arquiveiro.

Esta actividade forma parte do programa do Arquivo de Galicia àra festexar o Día Internacional dos Arquivos.

Durante o percorrido falarase do deseño do edificio e da estreita relación formal e conceptual co parque de Bonaval e coa cidade compostelá.

O grupo formarase por orde de chegada (até un máximo de 25 persoas), a entrada é de balde e terán unha duración aproximada de 50 minutos.

Máis información: http://www.facebook.com/CGACSantiago/?hc_ref=NEWSFEED&fref=nf

O Concello de Ourense organiza unha ampla e variada programación para festexar as Letras Galegas, que este ano se lle dedica a Carlos Casares. Por este motivo, o mesmo 17 de maio celebrarase un roteiro vital e literario polos lugares máis vinculados ao escritor.

'A ruta Carlos Casares e Compostela' é unha oportunidade para coñecer de preto a relación deste escritor ourensán –a quen se lle dedica este ano o Día das Letras Galegas– coa cidade de Santiago de Compostela.

Natureza, deporte e coñecemento. Para recibir a primavera, a Cidade da Cultura convídate a descubrir o seu rico patrimonio natural a través duns roteiros guiados polas zonas verdes do complexo. Unha andaina dunha hora e media de duración na que ademais de camiñar polo monte, coñecerás a flora que poboa o Monte Gaiás ao tempo que descubres características, anécdotas e lendas asociadas a cada especie.

Para descubrir os vestixios dunha frutífera actividade arredor do órgano na cidade de Compostela e o rico legado organístico que aínda se conserva nela, propóñense novos itinerarios nos que descubrirmos algúns dos órganos que integran estas descoñecidas paisaxes.

Nesta nova edición renóvase a oferta de espazos visitados: os órganos das igrexas da Compañía, de San Miguel dos Agros, de San Paio de Antealtares e de San Martiño Pinario.

Visitas guiadas á biblioteca: venres 21 de abril ás 12:00 h. e ás 17:00 h.

O grupo Chévere inventouse entre bares, rúas e escolas de Compostela en 1987, xusto antes de iniciarse a transformación da cidade. Chévere aprendeu o oficio teatral explorando a cidade, paseándoa, perdéndose nela. Meteuse dentro e sentiuna latexar. Acabou por ocupar o lugar que lle correspondía nun barrio marxinal que estaba xa camiño de Fisterra, provocando que os traxectos de moitos veciños e veciñas tomasen un rumbo non previsto por urbanistas nin políticos. E a súa práctica teatral converteuse nunha ferramenta para documentar o proceso de transformación vivido.

O próximo mércores 11 celebramos o Día do Usuario, e nomearemos aos nosos "Superlectores", que serán aqueles 3 usuarios infantís e 3 usuarios adultos con máis préstamos durante o ano 2016.

Ao longo deste ano, os “Superlectores” adultos poderán retirar en préstamo un maior número de obras: ata 25 exemplares para escoller entre 10 libros prestables de adultos, 10 libros prestables infantís, 15 materiais especiais (música, películas, xogos de ordenador e de videoconsola) e 6 publicacións periódicas prestables.