A Concellaría de Acción Cultural do Concello de Santiago e a Asociación de Escritoras e Escritores en Lingua Galega (AELG) organizan un ciclo de percorridos literarios por Compostela que procura outra ollada á historia e xeografía da cidade. No segundo itinerario do ciclo, Daniel Asorey guía ás persoas asistentes pola Compostela de Nordeste, a novela que lle valeu o premio de Narrativa Breve Repsol 2016.
Os Paseos Literarios por Compostela son unha iniciativa da AELG que procura outra ollada á historia e xeografía da cidade. O xoves día 14 de setembro o percorrido estará dedicado a Isaac Díaz Pardo, con Esperanza Mariño Davila como guíal
A participación é gratuíta, e limitada a 50 prazas. A inscrición debe facerse neste correo: comunicacion@auditoriodegalicia.org.
O prazo para a inscrición finaliza o día 13 de setembro.
Este percorrido teatral sobre a historia do Barco e de Viloira transcorre entre a praza Maior e a Casa Grande en sete escenas nas que interveñen personaxes históricos e nas que se representan algúns momentos salientables da historia local. A peza foi escrita por Gustavo Docampo e realizada por Gargallada Teatro baixo a dirección de José Luis García Alejandre “Alex”. É unha produción do Concello do Barco que a inclúe na programación das Festas do Cristo.
Acompañados por Xosé Luna Sanmartín, os asistentes a este roteiro, o último do ciclo Roteiros Literarios pola Provincia de Pontevedra organizados pola AELG, descubrirán a biografía e a obra de Avelina Valladares.
O roteiro centrarase na edición de ‘Da Terra Asoballada' de 1917, de Ramón Cabanillas, incluíndo a lectura dos poemas de dita edición. Abarcará os lugares máis significativos da vila de Cambados como son Fefiñáns, A Calzada, O Convento, A Pastora, Santomé, e a Rúa do Hospital, vencellados ao nacemento, infancia, vida e morte do poeta, así como aos seus coetáneos, Asorei, Valle-Inclán e Plácido Castro.
Acompañados por Héitor Mera, os asistentes a este novo evento do ciclo de Roteiros Literarios pola provincia de Pontevedra descubrirán o peso da cultura mariñeira na obra de Bernardino Graña.
O roteiro parte cara á zona da Congorza coas paradas precisas para ir explicando e recitando textos de Bernardino ao longo do percorrido. Ademais do patrimonio marítimo, daranse varias referencias literarias e biográficas do autor. O final terá lugar nunha tasca onde todas as persoas asistentes recitarán o ‘Gato da tasca mariñeira'.
O segundo dos Roteiros Literarios organizados pola AELG na provincia de Pontevedra percorrerá o Monte Aloia. Os visitantes serán acompañados por Vítor Vaqueiro.
Este é o primeiro dos eventos do ciclo de Roteiros Literarios pola provincia de Pontevedra 2017, que organiza a AELG. Todos os roteiros teñen entrada de balde, pero un número de prazas limitadas, polo que hai que facer reserva previa.
O Museo de Pontevedra organiza unhas visitas guíadas polo persoal do Gabinete Didáctico onde se falará da importancia do convento e das características da súa fundación e do estilo gótico que representa. Ademáis de coñecer o seu estado actual, se pode saber o uso que se lle da á infraestructura durante estes anos.
Este convento é o edificio máis antigo que contempla o museo e no seu interior ten obxectos de diferentes épocas da historia de Pontevedra.
O Castelo Conta é unha andaina polas seis aldeas de Castelo, a parroquia de Culleredo na que naceu e vive Xosé Antonio Touriñán. Unha andaina especial, na que participarán os mellores cómicos do noso país, acompañando aos camiñantes, contando contos e historias en improvisados escenarios no medio da ruta. Non faltará a música polo camiño. Á noite, e logo dunha saborosa cea para repoñer forzas, a xornada rematará cun exclusivo espectáculo de monólogos e dous concertos ata ben entrada a madrugada.
