Aínda que cando se pensa en Rosalía de Castro habitualmente asociamos a poeta a Santiago de Compostela e Padrón, Rosalía tamén ten vínculos con Vigo. En Vigo estaba a imprenta de Juan Compañel, o impresor dos autores do Rexurdimento. O roteiro percorrerá o Casco Vello rememorando o Vigo do XIX e os puntos ligados a Rosalía.
Guiado por Xurxo Martínez González. Non é preciso inscrición previa.
Cada primeiro mércores de mes entre febreiro e xuño os cidadáns poden descubrir o interior do Arquivo do Reino de Galicia nunha visita guiada.
É preciso facer antes unha reserva no teléfono 881 960 360 ou no correo electrónico arq.reino.galicia@xunta.gal
Este mes as visitas explicarán as exposicións Modelo x Armar. Arte en Galicia na Colección CGAC, Eduardo Batarda. Mise en abyme e a nova exposición Estratexias do desprazamento, do artista Antoni Muntadas, acompañados por mediadoras especializadas en Belas Artes e Historia da Arte.
Duración aproximada: 1h e media
Lonxitude: 1,5 km
Dificultade: Baixa
Cangas é mar, salitre, ondas, peixe. Do mar naceu e o mar foi sempre o motor e a fonte da riqueza dos seus habitantes. Non podemos falar de como foi crecendo Cangas sen falar da pesca tradicional e dos primeiros exportadores; de como se pasou da pesca de subsistencia á industrialización e con ela aos primeiros movementos mariñeiros da nosa vila, nin de como eses movementos tomaron forma de sociedades, de alianzas...
Situadas unha fronte a outra, separadas polo río Miño, en Tui e Valença hai numerosas pegadas da súa historia, que remite á época medieval. Este itinerario une as dúas vilas, nun percorrido que comeza por Tui, as súas murallas, o seu pasado medieval e bélico, a súa Catedral fortaleza, para despois cruzar á fronteira máis antiga de Europa, pola antiga ponte internacional.
O roteiro ten uns 6 km e é de dificultade baixa. Interpretado polo historiador Fran Alonso de Estela.
Percorrer a beira do río Eume: iso é o que propón esta andaina, cunha dureza media/baixa aínda que con zonas técnicas de perdas. O percorrido durará 3 horas e abarcará 10 quilómetros, con dúas paradas (no medio e no final) de avituallamento.
Terá un prezo de 12 euros por adulto e de 6 euros por neno.
Organizado polo Colectivo Lugrisián In Nave Civitas e a Asociación Cultural O Mural, o 23 de decembro é o día grande de celebración do VIII Día Lugrís. Os actos da xornada comezarán ás 11.30, na parada do autobús de Obelisco. Os participantes acudirán a Rutis para participar na I Rota Lugrís por Vilaboa, que percorrerán os cadros da igrexa e os frescos das escolas parroquiais (habitualmente pechados ao público) e tamén espazos ligados á vida do artista.
O concello de Allariz, xunto co concello de Baños de Molgas e a cooperativa Xeitura, organizan para os días 9 e 10 de decembro as Xornadas Prerrománico, Románico e Turismo.
A arte prerrománica será a través destas xornadas foco de atracción para visitantes e veciños, co obxectivo de contribuir á dinamización económica do sector turístico provincial fóra da tempada alta.
Difundir o valor das cantigas medievais de Martín Códax e afondar na súa vinculación co mar a través do patrimonio natural e paisaxístico da ría de Vigo son os principais obxectivos do ciclo de travesías marítimas Ondas do mar de Vigo. As viaxes en barco inícianse o 28 de outubro e prolongaranse nas tres seguintes fins de semana. Os percorridos desenvolveranse os sábados e domingos de 16:00 a 19:00 horas e saen desde o peirao do Museo do Mar de Galicia.
O Día Internacional da Biblioteca nace en memoria da destrución en 1992 da Biblioteca de Sarajevo, incendiada no conflito balcánico. Neste día inténtase intensificar na opinión pública a importancia das bibliotecas nas comunidades, a súa labor de socialización, de formación, e de convivencia educativa intercultural. Por este motivo as bibliotecas son un lugar de encontro e aprendizaxe, e neste día especial fanse actividades específicas, visitas guiadas e agasállase ós usuarios e visitantes con libros. Un día para aproveitar a coñecer as bibliotecas de proximidade.
