Visita guiada/Roteiro

Situadas unha fronte a outra, separadas polo río Miño, en Tui e Valença hai numerosas pegadas da súa historia, que remite á época medieval. Este itinerario une as dúas vilas, nun percorrido que comeza por Tui, as súas murallas, o seu pasado medieval e bélico, a súa Catedral fortaleza, para despois cruzar á fronteira máis antiga de Europa, pola antiga ponte internacional. 

O roteiro ten uns 6 km e é de dificultade baixa. Interpretado polo historiador Fran Alonso de Estela.

Percorrer a beira do río Eume: iso é o que propón esta andaina, cunha dureza media/baixa aínda que con zonas técnicas de perdas. O percorrido durará 3 horas e abarcará 10 quilómetros, con dúas paradas (no medio e no final) de avituallamento. 

Terá un prezo de 12 euros por adulto e de 6 euros por neno.

Organizado polo Colectivo Lugrisián In Nave Civitas e a Asociación Cultural O Mural, o 23 de decembro é o día grande de celebración do VIII Día Lugrís. Os actos da xornada comezarán ás 11.30, na parada do autobús de Obelisco. Os participantes acudirán a Rutis para participar na I Rota Lugrís por Vilaboa, que percorrerán os cadros da igrexa e os frescos das escolas parroquiais (habitualmente pechados ao público) e tamén espazos ligados á vida do artista. 

O concello de Allariz, xunto co concello de Baños de Molgas e a cooperativa Xeitura, organizan para os días 9 e 10 de decembro as Xornadas Prerrománico, Románico e Turismo.

A arte prerrománica será a través destas xornadas foco de atracción para visitantes e veciños, co obxectivo de contribuir á dinamización económica do sector turístico provincial fóra da tempada alta.

Difundir o valor das cantigas medievais de Martín Códax e afondar na súa vinculación co mar a través do patrimonio natural e paisaxístico da ría de Vigo son os principais obxectivos do ciclo de travesías marítimas Ondas do mar de Vigo.  As viaxes en barco inícianse o 28 de outubro e prolongaranse nas tres seguintes fins de semana. Os percorridos desenvolveranse os sábados e domingos de 16:00 a 19:00 horas e saen desde o peirao do Museo do Mar de Galicia.

O Día Internacional da Biblioteca nace en memoria da destrución en 1992 da Biblioteca de Sarajevo, incendiada no conflito balcánico. Neste día inténtase intensificar na opinión pública a importancia das bibliotecas nas comunidades, a súa labor de socialización, de formación, e de convivencia educativa intercultural. Por este motivo as bibliotecas son un lugar de encontro e aprendizaxe, e neste día especial fanse actividades específicas, visitas guiadas e agasállase ós usuarios e visitantes con libros. Un día para aproveitar a coñecer as bibliotecas de proximidade.

Vive unhas noites de venres diferentes no Museo Gaiás! Sesión DJ, petiscos e viño para gozar dunha experiencia distinta con visitas comentadas a Flor Novoneyra (6 e 13 de outubro) e Da árbore á cadeira (20 e 27 de outubro).

Unha noite distendida de lecer, música e moita arte, incluída a túa, xa que terás a oportunidade de probar a facer túa propia creación en láser-grafiti.

Coñecer a cidade da man dos escritores que escribiron sobre ela,  esta é a idea dos Paseos pola Coruña literaria, que durante o outono percorrerán a cidade guiados por catro escritores.

Os Paseos pola Pontevedra literaria. Outono 2017 son unha iniciativa da AELG desenvolvida coa colaboración e patrocinio do Concello de Pontevedra.

Para a inscrición, as persoas interesades deben enviar os datos (nome completo, teléfono e correo electrónico) a pontevedraliteraria@gmail.com. Inscrición por orde de chegada ao correo. Prazas limitadas.

A voz secreta das pedras é un roteiro guiado polo escritor Xesús Constela, que escribiu sobre Pontevedra. O punto de partida será o cruceiro da Igrexa de Santa María. 

A Concellaría de Acción Cultural do Concello de Santiago e a Asociación de Escritoras e Escritores en Lingua Galega (AELG) organizan un ciclo de percorridos literarios por Compostela que procura outra ollada á historia e xeografía da cidade. No segundo itinerario do ciclo, Daniel Asorey guía ás persoas asistentes pola Compostela de Nordeste, a novela que lle valeu o premio de Narrativa Breve Repsol 2016.