16:00 horas: ROTEIRO TEATRAL,POÉTICO E MUSICAL noCASTELO DEPAMBRE.
18:30 horas,naCasadeCulturadePalas: O Obradoiro Municipal deTeatro de Palas, A Aula deTeatro do IESde Cacheiras, A Aula de Teatro do CPIFonte Díaz deTouro e A Aula de Teatro do IES Antonio Fraguas Fraguas presentan:
REVIRACONTOS.
Actividade gratuíta para a que non se necesita inscrición previa. Entre as 12.30 e 13.30 horas haberá un monitor dispoñible no museo para a realización das visitas guiadas. As visitas céntranse na exposición permanente que ofrece un percorrido pola conquista do mar e a explotación dos seus recursos.
O 1 de maio as bibliotecas da rede celebramos o Día da banda deseñada. Anímate a apúntate ás visitas guiadas que temos preparadas para os días 3 e 4 de maio. Nelas falarémosvos sobre historia e tipos de cómic, como está organizado o noso espazo e mesmo daremos algunhas recomendacións adaptadas ó gusto de cada persoa. Tanto se xa che interesa o cómic como se non sabes por onde comezar este é o teu momento para animarte a pasar pola comicteca. Agardámoste.
Martes 3 de maio ás 11.00 h e mércores 4 de maio ás 17.00 h
Actividade pensada para maiores de 14 anos.
A través dun paseo polo centro histórico de Ribadavia descubriremos a historia e as historias do viño Ribeiro; a súa elaboración, orixe, paisaxe, exportacións... Todo iso acompañado da beleza monumental da cidade con paradas en diferentes puntos como Porta Nova, Miradoiros de Praza Buján, Rúa dúas Fornos, García Boente, Praza Maior. O roteiro finaliza cunha actuación musical na Praza Maior.
Recoméndase traer roupa e calzado cómodo
O Dezasete, é unha actividade previa ao Festiletras que a Fundación Eduardo Pondal, co apoio da Consellería de Cultura, Educación e Universidade , prepara para os días 14, 15, 16 e 17 de maio como parte da programación das Letras Galegas 2022.
Se estás a argallar un plan en Compostela, hai un que che vai resultar irresistible: a descuberta dun xeito diferente da arquitectura e funcionamento da Cidade da Cultura de Galicia. Ademais de abraiarte cunha panorámica arquitectónica do recinto, poderás coñecer a fondo, da man do noso equipo de guías, todos os segredos que agocha, incluíndo espazos habitualmente restrinxidos ao público.
Seguindo coa nosa campaña de “Inverno Cultural” Vigo Turístico organiza unha nova ruta da Reconquista, faranse do venres 25 ao luns 28 de marzo ás 17h.
Pouca xente sabe da verdadeira magnitude e trascendencia da nosa festa. Retomaremos da man de personaxes míticos as horas cruciais dalquel 28 de marzo e analizaremos o contexto histórico e a enorme repercusión que supuxo esta victoria para a nosa cidade.
Festexamos os 10 primeiros anos do Museo Centro Gaiás lanzando un programa de visitas comentadas singulares que vos levará a coñecer as entrañas e os recantos agochados deste sofisticado edificio —preparado para acoller exposicións de grande formato ou propostas culturais e eventos de natureza moi diversa— entrando ata en zonas normalmente restrinxidas ao público.
Esta fin de semana,nos días 4, 5 e 6 celebramos a Festa da Arribada 2022, que volve logo da pandemia.
A Casa da Navegación participa no evento con visitas comentadas nos días 4 ao 6, para grupos de mínimo 8 persoas, ás 11:00 e ás 18:00 cada día. É necesario inscribirse previamente no teléfono 986 356688 ou no enderezo electrónico: casa.navegacion@baiona.gal
Vestirse de época ten premio: as persoas que nos visiten vestindo atuendo de época, terán entrada de balde.
Un percorrido pola cidade da man das mulleres que a habitaron. Nesta visita descubrirás o papel da muller na historia de Compostela. Dende a lenda do Apóstolo á Compostela medieval, dende as campesiñas ás aristócratas e raíñas. Da súa representación na arte á vida cotiá. Unha mirada feminina á historia de Santiago.
Dirixido a público adulto. Máximo: 25 participantes. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.
