Festexamos os 10 primeiros anos do Museo Centro Gaiás lanzando un programa de visitas comentadas singulares que vos levará a coñecer as entrañas e os recantos agochados deste sofisticado edificio —preparado para acoller exposicións de grande formato ou propostas culturais e eventos de natureza moi diversa— entrando ata en zonas normalmente restrinxidas ao público.
Esta fin de semana,nos días 4, 5 e 6 celebramos a Festa da Arribada 2022, que volve logo da pandemia.
A Casa da Navegación participa no evento con visitas comentadas nos días 4 ao 6, para grupos de mínimo 8 persoas, ás 11:00 e ás 18:00 cada día. É necesario inscribirse previamente no teléfono 986 356688 ou no enderezo electrónico: casa.navegacion@baiona.gal
Vestirse de época ten premio: as persoas que nos visiten vestindo atuendo de época, terán entrada de balde.
Un percorrido pola cidade da man das mulleres que a habitaron. Nesta visita descubrirás o papel da muller na historia de Compostela. Dende a lenda do Apóstolo á Compostela medieval, dende as campesiñas ás aristócratas e raíñas. Da súa representación na arte á vida cotiá. Unha mirada feminina á historia de Santiago.
Dirixido a público adulto. Máximo: 25 participantes. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.
A Agrupación Cultural O Galo organiza unha visita á exposición Ánxel Casal, 125 anos con Nós guiada polo comisario da mesma, Xan Leira. A continuación realizarase no salón de actos a proxección do documental Ánxel Casal, a luz impresa.
As persoas interesadas poderán retirar a súa invitación no mostrador de Información da biblioteca dende 30 minutos antes do comezo da actividade. A capacidade da visita guiada está limitada a 30 persoas e a proxección do documental a 60 persoas.
Se queres coñecer mellor a vida e obra do pintor Alejandro González Pascual podes asistir ás visitas guiadas á exposición dos venres e sábados ás 18:30h. Só tes que reservar praza no correo mu.belas.artes.coruna@xunta.gal
Tamén facemos visitas para grupos organizados de martes a venres no horario do museo, previa reserva no mesmo correo electrónico.
Neste segundo trimestre do curso escolar 21-22, dende o Gaiás propoñémosvos un programa didáctico arredor da exposición O Camiño Portugués. Lembranzas de mar e pedra, que inclúe visitas presenciais e en liña á exposición, así como unha divertida actividade didáctica (tamén presencial) pensada para alumnado de primaria.
Os vindeiros sábados 22 e 29 de xaneiro, familias, nenos e nenas están convidados a achegarse á exposición “Fábulas de Almada Negreiros” dunha maneira diferente. Da man da actriz Nerea Brey Fernández poderán coñecer aos animais protagonistas das obras e desfrutar dun día distinto e divertido no museo.
Animádevos!
Entrada libre e de balde ata completar capacidade.
Observaranse as medidas de prevención establecidas na lexislación vixente ante a crise sanitaria ocasionada pola covid-19
Quen foi Eduardo Cabelo?
Como foi a expansión do porto, e o contexto de Vigo na Galicia industrial?
Que importancia tivo a conserva, os estaleiros e a industria do frío?
Que papel xogaron nomes tan coñecidos como Freire, Alfageme, Cardama, Armada, Cerqueira, Albo, Pescanova, Barreiras?
O Hall de Tirantes, no Andar 0 do Museo Centro Gaiás, convértese neste Nadal nun paraíso de inverno, onde a maxia propia destas datas e o Camiño van da man. Así, atoparemos globos de neve a escala humana con varios elementos representativos do Camiño de Inverno no seu interior, facendo un percorrido a través de varias escenas que fan referencia a lugares emblemáticos da Ruta Xacobea.
Itinerarios de autor co obxectivo de sensibilizar sobre a Historia da Cultura Coruñesa.
É necesario apuntarse por teléfono, na propia biblioteca ou a través do formulario que atoparedes na páxina web
O inspirador cemiterio atlántico de San Amaro
