Teatro

As nubes chegan. Chove. Sae o sol. A natureza esperta para encherse de cores. Ó amparo dos paraugas atoparemos agocho, bailaremos, cantaremos, e acompañados de pintorescos animais seremos parte da mesma paisaxe. Nube nube sol métenos de cheo na diversión e na aprendizaxe de todo o que a choiva e o sol provocan na nosa contorna. A través do corpo, a xestualidade, o canto e a música, Teatro ó cubo achega á primeira infancia a maxia dos ciclos da natureza e a importancia da choiva para que todo medre.

O espectáculo que non pode faltar na programación de Nadal.  Cancións cantadas en directo, bailes divertidos, moneco xigante navideño, xogos, explosións de confeti, concurso de baile con premio para o gañador e un montón de sorpresas máis. O espectáculo interactivo máis divertido de todos os tempos.

Chegar e encher é un canto ao fracaso, un divertido monólogo teatral de Bea Campos onde conviven a improvisación, a narración oral e o cabaré. Pasen e vexan… esta muller que está no escenario era unha nena adorable que tiña todo o que precisaba para ser feliz… pero que nalgún momento tomou decisións que a afastaron dese camiño para levala sobre as táboas dos escenario... Chegar e encher é unha ácida e divertida reflexión sobre a imposibilidade de controlar as nosas vidas e a dificultade de encaixar nos roles de xénero marcados.

Adaptación para monicreques do clásico de Maurice Sendak, acompañada de pequenos contos monstruosos:

Onde viven os monstros.

Nesta historia, chea de humor e diversión, Max crea na súa habitación un mundo imaxinario onde é libre. Libre mesmo para ser monstro, o máis monstro de todos. Na súa aventura, desafía aos seus propios medos, a frustración, a rabia, a incomprensión ou o temor ao rexeitamento. Finalmente, atopar en falta o amor da súa nai faino regresar a casa e comprende que sempre hay que respectar aos demais.

“O monstro de cores”

Adaptación para monicreques do clásico de Maurice Sendak, acompañada de pequenos contos monstruosos:

Onde viven os monstros.

Nesta historia, chea de humor e diversión, Max crea na súa habitación un mundo imaxinario onde é libre. Libre mesmo para ser monstro, o máis monstro de todos. Na súa aventura, desafía aos seus propios medos, a frustración, a rabia, a incomprensión ou o temor ao rexeitamento. Finalmente, atopar en falta o amor da súa nai faino regresar a casa e comprende que sempre hay que respectar aos demais.

“O monstro de cores”

Sinopse de "Noitebras":

Segundo a Real Academia Galega: "Noitebra". Substantivo feminino.
1ª acepción: Calquera ave nocturna. Como o moucho e a curuxa.
2ª acepción: Escuridade da noite.

Psico-thriller teatral no que un cura secuestra a unha noiva antes da súa voda. Ela non tarda en decatarse de que ten máis poder sobre o seu raptor do que pensaba. Desátase entre eles unha loita psicolóxica por tomar o control da situación.

Sinopse de "Noitebras":

Segundo a Real Academia Galega: "Noitebra". Substantivo feminino.
1ª acepción: Calquera ave nocturna. Como o moucho e a curuxa.
2ª acepción: Escuridade da noite.

Psico-thriller teatral no que un cura secuestra a unha noiva antes da súa voda. Ela non tarda en decatarse de que ten máis poder sobre o seu raptor do que pensaba. Desátase entre eles unha loita psicolóxica por tomar o control da situación.

FRIDA é unha peza dirixida ao público familiar onde a través do corpo en movemento, títeres e obxectos poñemos en valor o poder transformador da arte. Reconstruímos cadros vivintes a través da danza e movemento de obxectos, onde a música xoga un papel fundamental. Trátase dun espectáculo poético, colorido e con moita, moita vida. Anxo García é o encargado de deseñar os títeres e seleccionar os obxectos que aparecen na obra. Frida era unha gran contadora de historias e botaba man dun pequeno teatriño de títeres para representalas. Contaremos con títeres tradicionais e con obxectos.

Historia dunha nena namorada do mar é unha peza de teatro chea de tenrura e comicidade. Dirixida ao público familiar tanto para infancia como persoas adultas, 50 min para rir, cantar e chorar!!! Esta Historia fala dos soños, da vontade de ser e chegar a ser o que a nosa alma expresa, sobre todo para unha nena galega que nace e medra preto do mar, ela quere ser Mariñeira. Fala de empoderamento persoal como muller nunha profesión de homes, de aprender por sí mesma a nadar, a remar, a compartir o que ten, a namorarse coa xente do mar e a xerga do mar.

Territorio regueifa é un espectáculo de humor, música e improvisación, no que dous regueifeiros e unha regueifeira introdúcennos na arte da regueifa, as súas orixes, a súa evolución, e a súa vixencia na actualidade. O espectáculo combina a parte narrada coa recreación de distintas escenas teatrais, como a primeira regueifa da historia, a incorporación da muller no mundo da improvisación rimada, ou como sería un telexornal da Galega feito en verso.