Obra de teatro documental sobre a memoria e a experiencia da actriz Iria Pinheiro como muller, nai e víctima da violencia obstrética. Trátase dunha obra de teatro autobiográfica na que a actriz narra en primeira persoa diferentes momentos.
FestAlegre 2018 é un festival que inclúe dez espectáculos de circo, danza, música e teatro en seis escenarios diferentes de Santiago de Compostela.
Obra de teatro que documenta o movemento de insubmisión dos anos 80 e 90 en España. O eixo central da obra é a experiencia persoal que viviu César Goldi, veciño de Teo e actor que en 1993 foi xulgado e condenado a 2 anos, 4 meses e 1 día de prisión por negarse a realizar tanto o servizo militar como a prestación social substitutoria.
FestAlegre 2018 é un festival que inclúe dez espectáculos de circo, danza, música e teatro en seis escenarios diferentes de Santiago de Compostela.
Obra na que se representan catro contos extraídos da obra de Clarissa Pinkola Estés, Las zapatillas rojas, La vendedora de fósforos, Barba Azul e La mujer esqueleto. Todos teñen en común os os conflitos e as experiencias de mulleres que conviven coa represión do instinto, a vocación creativa, o encontro coa depredación e o renacemento.
Dirección:Ximena Vera
Elenco: Raquel Pardos, Ximena Vera, Marta Cuenca e Andrea Nespereira
Ela representa un mundo fantástico a través das cores, da arte e do universo creativo da pintora Maruxa Mallo.
Nesta obra de teatro están presentes a poesía, o humor, a danza, e como non, o teatro.
Autores: Laura Sarasola e Juan Rodríguez
Dirección: Laura Sarasola e Juan Rodríguez
Elenco: Laura Sarasola, Juan Rodríguez e Suso Jalda
Nas datas previas ao Nadal Lila Teatro representará a obra Diógenes.
Os Furabolos representan esta peza teatral, gañadora do Premio Manuel María de Teatro infantil.
No medio dun deserto un soldadiño chanta unha bandeira e coloca un valo de arame para sinalar a fronteira. Do outro lado, Sahara, un rapaz que foxe da guerra, trata de convencelo de que o deixe pasar, xa que está procurando un pozo onde poder saciar a súa sede.
O valo propón unha reflexión sobre a igualdade e a paz entre todas as persoas e comunidades.
Para público familiar.
No salón de actos. Entrada libre ata completar a capacidade da sala.
Dos creadores de Falar sen cancelas, chega agora Papar sen cancelas. Un delicioso espectáculo onde deleitarse cunha exquisita selección gourmet dos mellores pratos da nosa lingua. Linguas soltas, linguas hábiles, linguas deslinguadas, linguas para todos os gustos! Os espectadores poderán presenciar as artes de tres habelenciosos cociñeiros cómicos (Isabel Risco, Pedro Brandariz e Fran Rei ) preparando o menú para algúns dos personaxes máis distinguidos do panorama galego actual. Comedia de alta cociña sobre a cultura galega.
Sabela e Xacobe atópanse nun muíño de auga por un malentendido coas quendas. Ao ver que os dous non poden moer ao mesmo tempo comeza unha discusión na que o xogo, as lendas, a tradición e a música farán que as pequenas e pequenos, e os que non o son tanto se acheguen a un edificio que foi fundamental para a historia de Galicia. Muiñada é unha viaxe ao pasado para as nenas/vos de hoxe que serve para coñecer de onde vimos e para non deixar morrer a memoria das nosas avoas e avós. Múiñada é tradición, é festa, é música e, sobre todo, teatro para toda a familia.
Volve Paio, o teixugo molón, con novas aventuras e novos amigos, como o oso Aurelio ou o armadillo Armando.
Xuntos van descubrir o poder da música e da amizade. Invitan a acompañar nesta viaxe onde será posible descubrir a importancia de coidar o Planeta e tamén as criaturas que viven nel.
A casa do terror é unha aventura, na cal un grupo de amigos se ve obrigado a durmir nunha casa encantada e vive aventuras divertidas e terroríficas relacionadas coa música, a amizade e a superación dos propios medos.
A perspectiva do terror trátase neste espectáculo dun xeito divertido a través de orixinais personaxes coma as pulgas sombis, o lobo lover, ratatiburóns, gativampiros, o monstro da lavadora, a pantasma con asma, e un longo etc.
