Merenda con pan de millo é un espectáculo de pequeno formato baseado no libro-disco Pan de millo, editado pola Editorial Kalandraka e coa produción musical a cargo de Paulo Nogueira e Magoia Bodega, do grupo Treixadura. Nel combínanse cancións e narración oral, co proceso de elaboración do pan de millo como fío condutor.
Adaptación por Maricastaña do libro de Arundhati Roy El dios de las pequeñas cosas.
Narra a vida de dous xemelgos nun mundo onde non se debe transgredir a historia, non se pode pensar o impensable... e o impensable, por tanto, non debe suceder.
Tres actores de distintas xeracións contan a vida de Marcelo Ndong, alias Manoliño Nguema, o pai do teatro moderno de Guinea Ecuatorial, que se formou na Ciudad de los Muchachos en Bemposta (Ourense). Unha viaxe persoal e creativa que o levará desde a Guinea postcolonial e a España do final dos anos 60 ata a actualidade, reflectindo os lazos históricos e culturais que unen os dous países.
Paraíso fala de vidas que converxen con outras e cambian de dirección, que se xuntan e se separan. Estamos condenados a buscar en alguén algo que nos libere da soidade, do medo, que nos achegue á felicidade, á calma... Que nos axude a pasar coa menor sensación posible de fracaso por este "paraíso terreal".
Hambre mestura música, teatro e gastronomía, unha proposta multidisciplinar polas necesidades máis primitivas do ser humano que parte da máis famenta das novelas: O Quixote.
Aquí en la tierra é unha traxicomedia do outro mundo. Unha distopía na que a xente sen futuro dá renda solta aos seus instintos máis básicos. O espectador vai descubrindo, en clave policíaca, que se esconde baixo a aparente sensibilidade de quen mantén as tradicións, tras as bondades do bo salvaxe. Descubrilo pode ferir a nosa sensibilidade.
Teatro poético, contemporáneo e clásico a un tempo.
A protagonista é Lisis, quen interpela ás sombras das esfinxes na evocación da infancia perdida e da emoción inocente do primeiro amor. Ela rebélase diante do destino que lle agarda e que lle deseñaron.
A flauta de pan e outros contos son unha serie de narracións teatralizadas que teñen esta personaxe coma eixo.
Pan namórase dunha das ninfas que habitan os bosques.
Ela é unha ninfa do rio, unha naiade. Chamase Siringe.
El, un deus exiliado do Olimpo, un lambón. O seu nome é Pan.
Carente da arte da sedución, Pan bótase a ela, que fuxe coma unha tola. Prodúcese unha persecución ata que, de súpeto, intervén o rei Midas.
Un achegamento aos nosos instintos primarios e aos nosos medos, da man dos relatos mitolóxicos gregos.
O Souto dos Prodixios conta a historia de Curuxiño: O gardián do Souto dos Prodixios. O Souto é un lugar no que todo pode suceder. Os ourizos falan en varios idiomas, os raposos cantan ópera lixeira, os sapos compoñen poemas que riman, os osos fan punto de cruz e os xirasois dormen de día.
Unha obra de Producións Dispersas para público de 3 a 10 anos.
Contos de María Victoria Moreno forman gran parte do repertorio deste Babacontos. Utilizando as ferramentas da narración oral tradicionais, coñeceremos algunhas das historias do libro Mar adiante, así coma contos/poemas de Eu conto, ti contas, e o amor que a autora tiña aos canciños e tantos outros animais, da man da actriz Larraitz Urruzola.
