Teatro

Borja Fernández presenta no Teatro Lauro Olmo Salvador, unha peza de teatro documento onde investiga o rastro do seu avó emigrado ao Brasil e a quen non coñeceu. Salvador é un proxecto escénico para un actor/músico e unha vídeo jockey/manipuladora de obxectos, sobre os movementos migratorios, as desaparicións e os encontros. Céntrase na figura dos avós, concretamente nos avós galegos emigrados a mediados do século pasado a Sudamérica, e do seu o impacto na historia recente na configuración das comunidades, familias e individuos contemporáneos.

Edu Soto presenta un espectáculo de tolería improvisada.

Bailará, coverterase nun bicho, hipnotizará ao público e cantará. De seguro que non deixará indiferente a ninguén.

Para conmemorar o Día Mundial do Teatro, a Biblioteca de Galicia organiza esta representación Fíos, a cargo da compañía Baobab Teatro. Un taller de costura será o responsable de que diferentes historias acariñen os nosos oídos. Unha modista que non para de coser recibe visitas, as veces esperadas e outras non, pedíndolle axuda. Coas súas puntadas descubrirá personaxes que penden de Fíos e queren viaxar, soñar, namorarse e contar os seus segredos.

Este espectáculo é un percorrido pola vida e obra de María Victoria Moreno Márquez, autora homenaxeada na edición deste ano das Letras Galegas, que se describía a si mesma coma unha señora que pasea pola rúa con dous cans preciosos. 

Escritora, mestra, loitadora, artista, defensora da lingua e pioneira da literatura infantil e xuvenil en lingua galega.

Todos os venres, sábados e domingos do 2 ao 24 de marzo, Teatrofilia 2018 encherá o municipio de Vedra do mellor teatro amador feito en Galicia. Once días para gozar de espectáculos musicais, comedias, clásicos, teatro infantil, de sombras, de rúa e moito máis.

A biblioteca cede o espazo á plataforma DIGNItex para a representación do espectáculo MADE IN por Moisés Mato. Un espectáculo construído con pequenos obxectos cotiáns que cobran vida ante os ollos do espectador. A historia eterna e sempre sorprendente do ser humano enfrontándose ao poder. En homenaxe ás 146 traballadoras do téxtil cuxa folga en 1908 deu orixe ao Día da Muller Traballadora. Entrada libre ata completar as 20 prazas dispoñibles.

Sergio fíxose cunha cobizada pintura para a súa particular colección, o problema é que onde el ve unha mostra sublime de arte contemporánea, Marcos advirte un simple lenzo en branco, mentres Iván réstalle importancia á polémica.

Co estilo que a caracteriza, a autora cuestiona a arte, a amizade, o éxito e o subxectivo da nosa mirada. 

O grupo de teatro Vuelta de Tuerka nace na Coruña relacionado co estudio de interpretación audiovisual La Tuerka Films a finais do ano 2017, e está composto polos actores Lara Boedo, Pilar Vázquez, Alex Blanco e Silvia Vázquez, baixo a dirección do licenciado en arte drámatico, actor e tamén profesor de teatro, Daniel Celester.

Este fin de semana estrea esta peza inédita de microteatro, escrita polo dramaturgo galego Xosé Mejuto. 36 metros cúbicos trata sobre a visión cómica dunha nova vida en parella despois dun naufraxio.

O grupo de teatro Vuelta de Tuerka nace na Coruña relacionado co estudio de interpretación audiovisual La Tuerka Films a finais do ano 2017, e está composto polos actores Lara Boedo, Pilar Vázquez, Alex Blanco e Silvia Vázquez, baixo a dirección do licenciado en arte drámatico, actor e tamén profesor de teatro, Daniel Celester.

Este fin de semana estrea esta peza inédita de microteatro, escrita polo dramaturgo galego Xosé Mejuto. Microtrapicheo trata sobre a intención dunha rapaza de mercar drogas na rúa.

Lucrecia Conti, a actriz máis grande da historia de España, morreu, e o Ministerio de Cultura organízalle un gran velorio nun teatro para que os seus admiradores poidan despedirse dela. Pero o velorio cambia por completo cando aparece a pantasma de Lucrecia e pecha a todos no teatro para resolver uns asuntos que lle quedaron pendentes. 

Protagonizada por Concha Velasco e Antonio Resines.