No ano 1993, na Mostra Internacional de Teatro de Ribadavia (MIT), estreábase Commedia, un juguete para Goldoni, un espectáculo que acabou sendo un dos fitos do teatro galego, con máis de 200 funciones en xira por España, Portugal e Francia.
Agora, 25 anos despois, o mesmo equipo creativo volve a levar a obra aos escenarios.
Rojo é unha adaptación feita por Jose Luis Collado da obra Red, escrita por John Logan e galardonada con seis premios Tony.
Baseada en feitos reais, narra como Mark Rothko, un dos grandes representantes do chamado Expresionismo Abstracto, enfróntase ao que quizá é o seu maior reto profesional e o seu peor dilema ético: pintar unha serie de murais, extraordinariamente ben pagos, que deberán decorar o elitista restaurante Four Seasons de Nova York.
Tal vez soñar é unha obra de Antonio Tabares dirixida por Mario Vega. É unha comedia sobre a estreita liña que separa a vida da morte e sobre o amor que perdura máis aló da perda dun ser querido.
Inma morreu, pero a súa relación cos vivos non deixa de ser moi estreita. Continuamente aparécese nos soños daqueles que a quixeron e quen dalgunha forma tiveron que ver con ela e resístense a esquecela.
A compañía Maldita Tú Eres Producciones adapta esta obra de teatro do escritor sueco Lars Norén. A obra mostra como, tras a ceremonia de incineración da súa nai, dous irmáns xuntan as súas respectivas esposas na casa de un deles. Durante toda a noite, as parellas enfrontaránse coa súa nai como testigo mudo dentro dunha urna.
Ahora todo es noche (Liquidación de existencias) é unha obra de Eusebio Calonge, dirixida por Paco de La Zaranda.
A obra converte a tres personaxes como Segismundo, Prometeo e o rei Lear en mendigos que esperan atopar un sitio onde pasar a noite, un refuxio para os temporais da vida. Os mendigos son eles porque a historia é en realidade a autobiografía da compañía La Zaranda despois de corenta anos nos escenarios.
Crimen y telón é unha obra creada pola compañía Ron Lalá, con texto de Álvaro Tato e dirección de Yayo Cáceres.
O argumento segue a investigación dun asasinato: o teatro morreu e o detective Noir ten que descubrir o asasino antes de que a Axencia Anti Arte desvele o secreto do seu pasado escuro. Para isto, percorrerá a historia do teatro en busca de verdades ocultas mentres unha rede de misteriosas personaxes conspiran na sombra.
La zanja é unha obra de Diego Lorca e Pako Merino que narra a historia de Miquel, técnico dunha multinacional minera, que é enviado a Sudamérica para negociar a instalación dunha explotación de ouro. A obra mestura temporalmente ese presente coa chegada de Francisco Pizarro ao territorio do actual Perú en 1532, e o seu encontro co último rei inca Atahulpa.
Cores é un espectáculo de narración oral para nenas e nenos (con idades comprendidas entre os 6 e os 11 anos) desenvolvido pola contadora Marta Ortiz e con música orixinal de Brais das Hortas.
A historia segue a Lila, unha rapaza que de súpeto comeza a soñar en branco e negro. Para recuperar a alegría de Lila e volver ás cores, os cativos terán que cantar, que bailar e que axudar a rematar os contos.
Sinopse: Contos no faiado conta a historia de Uxía, unha boneca que vive soa e abandonada nun faiado. Un día dáse conta de que alguén máis está con ella. É un gato tristón que non sabe nada da vida. Uxía intenta animalo contándolle historias pero o animal non fai outra cousa que comer ratos e paxaros, feito que non lle gusta nada á nosa protagonista. Será quen Uxía de que Gato deixe de comer outros animais? Poderá ensinarlle como é a vida?
Elenco: Alba Martínes e Tone Martínez
Espectáculo que ten como protagonista a unha pallasa que nos mostra a cara máis tráxica da vida, aínda que hai momentos divertidos.
Todo comeza cun cadro con catro anxos, onde hai un anxo distinto que ten o soño de voar para converterse nun anxo da garda. Trátase dun Paraíso Pintado.
