Teatro

A peza é o manifesto, o manual e o pacto de Voadoracoa experiencia escénica desde o brillo de todos os seus elementos: O movemento, a música e as imaxes.

Un compromiso co teatro que se sinte, máis que co que se pensa, para o que precisan de todos os vatios, todo o talento e toda a imaxinación do mundo.

Voadora quere firmar co aquí e o agora, co inesquecíbel e con todas esas cousas que o espectador non pode atopar en ningún sitio máis que nunha sala de teatro.

A poesía e a miseria únense nesta obra que reflicte a Italia da  Posguerra. Todo comeza cando unha rapariga inxenua e tranquila é vendida pola súa nai a un  forzudo de circo,  bravucón e violento para que lle axude no seu espectáculo ambulante.

No camiño xorde entre eles, nace, un indicio de amor, que non consegue aflorar a causa do orgullo del e a timidez dela. Ambos comparten unha profunda soidade e unha vida de marxinación, desarraigamento e miseria, ata que se atopan co Tolo, outro artista de circo que provocará os celos de  Zampanó e un tráxico desenlace.

A señora Amelia, unha severa profesora de canto, recibe na súa casa a Ramón, un home novo que desexa mellorar a súa técnica vocal para cantar no  memorial da súa nai falecida recentemente. A canción elixida, La golondrina, ten un significado especial para el e, ao parecer, tamén para Amelia, quen a pesar das súas reticencias iniciais accede a darlle unha primeira clase. A medida que a tarde avanza, os dous personaxes van debullando detalles do seu pasado, profundamente marcado por un atentado terrorista de signo islamita que sufriu a cidade o ano anterior.

Recital dunha das principais voces de hoxe, a soprano Sondra Radvanovsky, na que ademais será a súa primeira actuación en Galicia.

Concibido tamén como un tributo á gran Montserrat Caballé, con seleccións do máis puro belcanto ata chegar a Verdi, Radvanovsky estará acompañada nesta ocasión polo pianista Anthony Manoli.

A anécdota é cinematográfica: Unha muller e un home coñécense nunha previsíbel festa de fin de ano e comezan unha relación ilícita: os dous están casados con outras persoas. Un caso de adulterio entre persoas da clase alta. A rutina dos amantes consiste en cinema de barrio e motel barato, moi lonxe do seu ambiente. É unha aventura imaxinaria nun motel co ar condicionado avariado. Entre a fantasía do cinema e as obrigas conxugais desenvónlvese este drama escaldante.

Romancero Gitano é o primeiro gran libro de Federico, onde el descóbrese e recoñécese como poeta. Un libro de poesías, tan aparentemente fáciles, como  insondables. Por iso quedámonos aínda fascinados ao escoitar ese imán das palabras que encerran o misterio.

A Carreta Pantasma é un espectáculo singular no que se afonda nos límites entre a narración oral e o teatro. É, por tanto, un exercicio de sinxeleza ao levar á escena o poder da palabra amplificado con elementos de significación escénica, unha exploración sobre a emoción a través dos mínimos artificios.

Os Ghazafellos adaptan tres narracións da colección A igualdade conta de Edicións Embora -Flora e o seu segredo, A urna dos desexos e O país dos Mandóns- para contarnos as aventuras de tres amigos que conseguen transformar O País dos Mandóns no País da Igualdade e convidarnos a sentirnos iguais desde as nosas diferenzas.

Esta é a historia dunha bailarina de caixa de música e dun moneco de futbolín que queren cambiar de vida e que nos mostran que é posible mudar roles e romper cos estereotipos de xénero.

Adaptación dunha narración da colección A igualdade conta de Edicións Embora.

A compañía Ítaca Teatro leva á escena unha peza do dramaturgo venezolano Gustavo Ott en que se abordan temas como o amor, o suicidio, a familia, a violencia e a necesidade humana de imaxinar historias para fuxir da realidade. Todo isto, a través do diálogo de dous personaxes: Víctor, o supervisor dun supermercado, e Margarita, unha (ex)empregada de banco á que acaban de despedir e que está fuxindo dunha relación tormentosa que iremos coñecendo pouco a pouco entre decenas de citas literarias.