Copenhague é un exemplo de teatro “de palabra” e “de reflexión”, sendo unha das pezas máis premiadas nos últimos anos. Narra o encontro que tivo lugar en 1941 na capital de Dinamarca, ocupada polas tropas nazis, entre o gran científico danés Niels Bohr e o seu ex-alumno Werner Heisenberg, representante dos estamentos nazis, inimigos pola situación dos dous países na Segunda Guerra Mundial.
Un africano que volve dunha longa odisea decide dirixirse aos seus. Convídalles a construír o día que virá a través da palabra máis poética. Por iso, é necesario proceder a unha luminosa transformación de
a experiencia cultural e histórica dun continente que coñeceu todos os altos e os baixos da condición humana.
Interpretado no escenario polo actor Étienne Mianoungou, esta palabra iniciadora convida á restauración do sentido, a rehabilitación do presente e á apertura de posibilidades.
Don Juan, un namorado insaciable, recibe finalmente o que merece. Don Giovanni, coa axuda do seu servo Leporello, intenta seducir a Donna Anna, para o que mata ao seu indignado pai "O Comandante". Despois fuxe do noivo da moza (Don Octtavio) que o persegue para vingarse. Coñece brevemente unha relación anterior (Donna Elvira), á que elude, deixando que o seu criado explique.
As virxes salvaxesé unha comedia sobre a absurda pero necesaria situación de recluír aos nosos maiores en institucións que os atendan e coiden.
Non sempre foi así. Nas culturas rurais, os maiores tiveron sempre unha función, unha ocupación que daba sentido as súas vidas até o final. Máis chegaron as présas e os apuros da cultura urbana e nela, os maiores non teñen cabida, son un estorbo, e preciso desfacerse deles amoreándoos en institucións concibidas para iso.
Nunha destas institucións, varias internas realizan, mesmo sen sabelo nin pretendelo, a súa propia revolución.
PIKA é un espectáculo do colectivo Cinema Sticado en colaboración co Trío Caspervek a partir dunha investigación persoal de Helena Varela ao redor da súa avoa.
Malala quere loitar a favor da educación, unha educación dominada por persoas que se cren ter o dereito de decidir.
Eu tamén son Malala e quero ler libros, quero ter un bolígrafo nas mans para escribir contos, quero estudar para saber cada día máis, quero ter un pupitre e unha aula, quero que todo o mundo teña este privilexio e este dereito, non teño medo, quero que o soño de Malala fágase realidade. As palabras e a cultura poden cambiar o mundo.
Clotaldo e Clarín vense sorprendidos polo público mentres botaban unha cabezadiña agardando a hora da función. Rapidamente dispostos e armados dos seus monicreques, estes cómicos e anciáns narradores, irannos contado a historia de Sexismundo, pechado nunha torre porque as estrelas predixeron que sería un rei malvado e cruel. Pero seica é xusto pechar a un home polo que ditan as estrelas? Pola súa lingua, a súa cor, pola súa raza, polo que pode chegar a facer sen ter feito nada? Por iso, o seu pai, o rei Basilio, decide sacalo da torre e poñelo a proba.
O venres 20 é a quenda de Noviembre Teatro e a Compañía Nacional de Teatro Clásico, con Arturo Querejeta, Isabel Rodes, José Ramón Iglesias, Rafael Ortiz, Manuel Pico, José Vicente Ramos, Elena Rayos, Antonio de Cos e Francisco Rojas, dirixidos por Eduardo Vasco, que interpretarán Entre Bobos Anda el Juego, versión de Yolanda Pallín da obra de Rojas Zorrilla. Don Lucas del Cigarral é un cabaleiro podente, ridículo e desmedido que pretende casar con dona Isabel de Peralta, que así e todo quedou prendada de don Pedro, curmán de don Lucas e tan aposto como pobre.
Manolo Rei, vello e enfermo, prepara un cocido e reúne a familia. A comida sempre é unha escusa. Desta vez para repartir a Casa entre as súas tres fillas. Pero o cocido sáelle cargado de traizón e desprezo, intragable polo amargor dun mundo novo, acedo e descoñecido, que trae do estranxeiro unha morte preconxelada e adobiada con fel.
O venres 13 ás 18:30 terá lugar a primeira representación para público familiar. Pedras de cartón, baixo a dirección de Pablo Sánchez e Laura Sarasola, e coa interpretación de Xosé Manuel Esperante, Xosé Vilarelle e Juan Rodríguez mostrarán o Lázaro de Tormes, un espectáculo baseado no coñecido clásico da literatura, por primeira vez contado case sen palabras. Un espectáculo para toda a familia narrado en clave de comedia a través dun coidado traballo de máscaras. No espectáculo dáse forma a cada unha das pasaxes máis coñecidas desta universal historia da picaresca española.
