Adaptación escenificada de Emilio Arrieta. Unha lección de bel canto nesta obra puntal da lírica española. Trátase dunha historia de amor, en segredo, de Marina e Jorge, ela unha mociña orfa e el un mozo que chega a capitán de barco. Unha sucesión de equívocos e leas sentimentais, que afortunadamente rematan cun final feliz.
Markeliñe gusta dos textos clásicos e coñecidos para poñelos en escena. Xogarán cun náufrago solitario na súa illa para facer unha metáfora da vida. Crusoe aprenderá a comer polos seus propios medios e a relacionarse nun contorno diferente. Nunha illa solitaria verá como pasa o tempo e os barcos sen que ningún se deteña a recollelo.
Tres personaxes e unha cadeira xigante saen a tomar o fresco, xerando situacións cómicas no seu percorrido. Escenas cotiás e ao mesmo tempo surrealistas que, levadas ao extremo, se converten en cómicas. Visual e con poucas palabras.
Superclown é unha proposta teatro - musical coa que se quere concienciar da importancia da reciclaxe na nosa vida diaria. Catro personaxes, heroes e pallasos que, a través da interpretación, van tendendo unha ponte cara á reciclaxe. Ensinarán a regra das catro erres: reducir cantidade de lixo, reutilizar envases e bolsas, reciclar materiais e recuperar para volver a utilizar.
'Espida' ofrece un ollar peculiar sobre a identidade de xénero desde a discusión da normalidade. Partindo dos lugares privado (íntimo) e público (social), facemos unha viaxe entre a fortaleza e a fraqueza da persoa... Como nos vemos? Como somos en realidade? Somos o que queremos ser? E as nossas diferenzas? Un pantalón ou unha saia? E se nos espimos entón... que temos?
Da man de Talía Teatro presentamos Voa, voa, unha peza pensada para relembrar e divulgar a arte de xogar coas palabras; para animar a nais, pais, avoas e avós a relembrar os seus xogos de infancia e o vocabulario que neles había e enredaren coa xente miúda de hoxe empregando os ditos, retrousos, xogos de man... que chegaron a eles transmitidos xeración tras xeración e cos que tanto se divertiron de pequenos.
A animación, o clown e a música toman as rúas con Trío Refugallo, unha nova proposta da man de grandes músicos e actores con experiencia en compañías e grupos como Odaiko, A Magnifique Bande dos Homes sen Medo, Os Tres Trebóns... Coa dirección de Fran Rei, esta mestura de clown, música sobre instrumentos feitos a partir de materiais de refugallo, participación e interacción co público crean un novo concepto de pasarrúas que espalla risa e ritmo.
A 37ª Mostra de Cangas contará con 10 espectáculos galegos, tres deles estreas absolutas: O Monte das Aras, a cargo de Teatro de Ningures; Hell Brothers, por CirKompacto; PYKA, por Cinema Sticado, e As boas actrices, pola compañía 3 (Clara Gayo, Mónica Camaño e Arantxa Villar). A estas propostas súmanse Commedia, de Contraproducións; Guerra de identidade, de DeuVe; Liberto, de Rebordelos Teatro; Só, de Xanpatito Pato; Dúas donas que bailan, de Teatro do Atlántico, e As virxes salvaxes, de Teatro do Noroeste.
Camerata Lírica de España, escolleu está obra do xenial compositor por ser a ópera máis representada nos últimos cen anos nos principais teatros do mundo. A súa programación é sinónimo de afluencia e éxito de público e algunhas das súas melodías traspasaron o meramente operístico para converterse en parte da banda sonora da humanidade, como o famoso brinde. A súa fama é tan enorme que calquera persoa, por moi afastada da música clásica que se atope, recoñécea como ópera.
30 e tantos ósos é unha viaxe de catro mulleres de 30 e tantos anos que, cansas de vivir agochadas baixo carcasas prefabricadas, adoptando condutas alleas, deciden transcender a pel e a carne a través da figura mítica da Loba, para chegar os seus ósos, á materia máis elemental, onde se inscribe a súa historia persoal e colectiva e se atopa, desterrado, o seu potencial máis vital e salvaxe.
INTÉRPRETES: Diana Mera, Merche Pérez, Teté García e Belén Bouzas
DIRECCIÓN EN ESCEA: Diana Mera
