La excepcion y la regla achéganos a expedición que emprende unha comerciante estranxeira xunto a unha guía e a unha carrexadora locais a quen contrata para cruzar o deserto de Mongolia co obxectivo de descubrir uns pozos petrolíferos. A carreira por chegar a primeira deixando atrás aos competidores e a dureza do deserto ven mesturadas coas diferenzas culturais, sociais e de clase entre elas, o que poñerá aos personaxes en situacións límite.
O costume de escenificar ?Don Juan Tenorio? de José Zorrilla (1884) ao redor do Día dos Defuntos é unha tradición que ten as súas orixes para mediados do século XIX e que se debe ao feito que os mortos teñen un papel destacado na resolución desta obra.
O Teatro Colón pretende recuperar esta tradición, hai anos fortemente arraigada na cidade da Coruña, e faio con todo o respecto e ilusión, coa colaboración de Noite Bohemia, dirixida por Javier Fernández Mariño, e da Orquestra de Cámara Galega, dirixida por Rogelio Groba.
Con motivo da conmemoración do Día do Libro Infantil e Xuvenil o vindeiro 2 de abril, a Biblioteca de Galicia tráenos Rubicundo, unha función a cargo de Teatro Ghazafelhos e baseada na novela homónima de María Canosa.
Este espectáculo, que mestura a narración co teatro e o cinema, pretende divertir e espertar nas nenas e nos nenos o amor polo cine, descubrirlles o poder que teñen as imaxes e o cinema para transmitir historias.
Será Alice Guy, a nai do cinema, a que esperte a súa curiosidade pola orixe da sétima arte.
Alice, desde ben pequena, escoitou contos da súa avoa que acordaron nela o amor polos libros. Co paso do tempo chegou a ser unha gran contadora de historias que logo levaría á gran pantalla.
Dous tipos abandonados nas marxes.
Sen datos
Espectáculo pendente da estrea en maio de 2021
Dirección
Gonçalo Guerreiro / María Torres / Pablo Sánchez
A estreliña Vela está moi triste porque aínda non aprendeu a brillar, pero grazas á axuda da súa amiga Lyra e do montón de cousas divertidas que lle levou para xogar, poderán conseguir que Vela brille por fin?
Brilla Brilla é una obra de teatro sensorial para bebés que lles fará aprender valores tan importantes como é compartir.
A través de diferentes elementos sensoriais (campás, confeti, luz negra, instrumentos,...)os máis pequenos/as da casa gozarán desta aventura.
Isabel Risco protagoniza Bravas, o seu segundo espectáculo unipersoal, no que nos ofrece a súa particular visión da historia das mulleres galegas. Unha historia sempre roubada, agochada e invisibilizada.
Bravas é unha produción teatral sobre mulleres sen medo, mulleres que paren, amamantan, manteñen, constrúen cós alicerces da rebeldía, da rebelión, da ilusión, do inconformismo, da valentía, da xustiza social, da empatía, da humanidade.
Elenco: Laura Villaverde e Roi Fernández
¿Cal foi a túa última experiencia inútil?
Illas desertas válese das experiencias e reflexións de dúas dos grandes fracasos da historia, a aventura da aviadora Amelia Earhart e da expedición antártica do explorador Ernest Shackleton. Toda a obra está bañada pola súa transmisión cultural, polo seu camiño vital cara á utilidade desas cousas inútiles.
Amanda e Fran foron parella hai uns meses, adolescentes cuxa experiencia é a de tantos, unha relación que se viu truncada. Este feito non tivese relevancia algunha se inmediatamente despois desta ruptura Amanda non sufrise un terrible acoso virtual que leva aos seus pais a denunciar a posible autoría de Fran tras este feito. Ata que non se aclaren os feitos a dirección do instituto decide apartar a Fran das súas clases.
