Elenco artístico de Elefante Elegante:
Gonçalo Guerreiro e María Torres
Qué acontería se de súpeto deixase de chover? Non durante un mes, un verán ou un ano, senón para sempre? Esta é a pregunta que se fai o espectáculo de teatro xestual, con danza, manipulación de obxectos e monicreques. Os seus efectos cómicos, plásticos e poéticos advirten, divirten e fascinan.
O destino, a voz da conciencia, a intuición, o chimpo creativo.
Anxo ou demo, o susurro da voz interior que detén ou empurra.
Significado que podemos interpretar pero non comprender
Ialma, animal interior: profundo, fatal, opaco
Presencia oculta, imprevisible, que determina actos e decisións que non podemos explicar racionalmente.
Ás veces escondido e ás veces dous pasos por diante.
Ocúpanos, acompáñanos, céganos, impúlsanos.
Entra, aínda que pechemos a porta.
Sobre un texto propio, Antón Reixa, interpreta a un paciente dunha institución mental que recibe aos convidados nunha sesión de “portas abertas”. O texto, en clave satírica e na máis pura tradición do “teatro do absurdo” glosa o chamado estado de “melancoholemia”, a carencia de forma de ser.
En Ligazón, a avaricia é un colar que enxoia o espertar do desexo erótico máis primario e animal, pero sobre todo é un inmenso e brutal berro de reafirmación da propiedade da muller sobre o seu propio corpo. A confabulación da Raposa e a Venteira non será quen de afogar a ansia de emancipación dunha moza cos seus obxectivos perfectamente trazados. A noite, a lúa, os cans, delinean un pacto de sangue que conducirá á morte, máis tamén á liberdade.
Elenco: Fernando Dacosta, Elena Seijo, Fran Lareu, Sabela Gago e Fina Calleja.
"…, e porque vexo nos vosos ollos, señor Sochantre, tanta sorpresa como medo, quero asegurarvos de que toda esta compañía, aínda que sexa de réprobos, pantasmas, aforcados e sombras, é un batallón de xente pacífica.”
Un espectáculo de títeres de guante divertido, pícaro e tenro para exhibir en sala, rúa ou espazos atípicos que realiza un percorrido por aqueles conceptos que nos permiten reflexionar acerca da igualdade entre mulleres e homes nos distintos ámbitos, con especial énfase na reincorporación profesional da muller despois de ser mai e a corresponsabilidade do home como pai nos coidados do novo menbro da familia, bebé.
O espectáculo quere transmitir o testemuño real de Manuel Díaz, sobrevivente ao campo de concentración nazi de Mauthausen, a partir dos recordos gravados por el mesmo antes de morrer, aos que dá vida Inma González, a súa propia neta.
MAUTHAUSEN. A voz do meu avó é un canto á vida, á fortaleza do ser humano, á solidariedade e ao humor como unha estratexia, literalmente, de supervivencia.
Elenco: Patricia de Lorenzo, Miguel de Lira, Lucía Estévez e Leti Blanco
A historia da curva na que se matou España.
Nos últimos anos Chévere realizou unha serie de traballos que exploraron as posibilidades do teatro-documento e a memoria colectiva como desencadeantes dunha ficción teatral. Este proxecto é un paso máis para afondar nos mecanismos narrativos que xorden na fronteira entre a realidade e a ficción, entre ahistoria e a lenda, entre apantalla e o escenario.
Elenco
Luís Iglesia
Marcos Orsi
Despois do éxito da anterior montaxe, Sénior (2018), Culturactiva Producións volve convocar a Luis Iglesia e Marcos Orsi neste espectáculo cómico escrito por Jose Prieto.
Conexión Pingüín é unha comedia que quere falar da incomunicación entre os seres humanos. Este mal fai estragos todo os días e a todas horas, na casa, coa familia, no tráfico, no traballo... Estamos na súper era tecnolóxica, da conexión inmediata, da telecomunicación, mais nunca estivemos tan lonxe entre as persoas.
Comando comadres a través do humor e a creación escénica, ataca as fondas raíces do sistema heteropatriarcal explorando as moitas formas e manifestacións que adopta a violencia sexista, e cuestionando a persistencia dos seus valores no pensamento hexemónico.
O noso Comando establécese como un pequeno grupo de artivistas preparadas para as encomendas máis perigosas: levar a cabo incursións no territorio inimigo para poñer luz sobre a inxustiza e volver airosas da misión. É un Comando activo de estratexias irreverentes e impredecibles.
