Un traxe especial para un rei especial. Aquel traxe novo e máxico prometía ser un capricho inigualable, e unha ferramenta perfecta para saber o nivel de intelixencia de calquera habitante da corte. Pero, ¿podía ser certo?, ¿funcionaría?. De algún xeito sí, pero non coma él esperaba.
Unha aventura que fará as delicias de nenos e nenas entre 4 e 8 anos de 21 localidades da Rede de Dinamización Lingüística.
Nino e Mambrú son dous excéntricos limpabotas que interrompen na cidade buscando ao seu próximo cliente, se jactan de ser os mellores no seu traballo e ser respectados no mundo enteiro. Os dous irmáns desenvolveron un estilo único e incomparable na súa profesión, a lustrada. Quen terá a honra de ver os seus zapatos brillar como unha patena?
Nino & Mambrú, os irmáns limpabotas.
Donas e cabaleiras, señoras e señores, picarada toda… Benvidas ao concurso sobre a lingua onde apañamos as palabras coma se fosen berberechos, onde o rotacismo forma parte da banda sonora e o seseo nos ha facer viaxar entre valumada . Se non oístes falar do cínefre, ou non sabedes o que é un día de garabullos, se nunca se pousou en vós unha lagáchima, andade atentas! Abride ben os ouvidos e deixádevos levar por esta música de salitre. Remangade ben o pantalón, que para apañar palabras é preciso mollar os pés! Preparádevos para recoller eses vocábulos que case nunca medran nos libros.
Esta comedia chega a concellos do Camiño de Santiago da man do Fondo de Proxectos Culturais Xacobeo 2021 para contar a historia de Xulia e Román, que acaban de coñecerse e gústanse, pero o traballo, as clases de ioga para liberar o estrés ou de piano para atoparse co eu perdido, os deberes dos nenos (fillos de parellas anteriores), as actividades extraescolares... dificultan a continuidade da súa nacente relación. Como facer cadrar as axendas para quedaren? E, sobre todo, poden asumir algún compromiso máis?
Carabela conta a historia dunha cociñeira dun barco que naufraga na Illa Pequena de Plástico. Está soa, rodeada de peixes mutantes que lle advirten que son tóxicos, de paxaros que non paran de queixarse por ter comido substancias sintéticas e de verteduras que non alimentan. Para aliviar a tristeza, Carabela constrúe unha nena de plástico á que lle conta historias de como é o mundo fóra da Illa Pequena.
Cinco mulleres que comen tortilla é unha comedia delirante e enxeñosa que transporta ao espectador á América dos anos 50 grazas ao humor e a unha coidada posta en escena totalmente inmersiva. Un búnker esmeradamente decorado no que se integra ao público desde que entra pola porta, asignándolle a cada persoa un nome. Cada un dos espectadores é unha máis das irmás, unha máis das viúvas convidadas ao concurso de tortillas de Susan B. Anthony.
Unha escura versión do clásico de Ibsen para dous actores, que concentra todas as forzas antagónicas nos seus personaxes protagonistas: Nora e Torvaldo. Xoán Carlos Mejuto propon ao espectador unha inmersión na intimidade do matrimonio e o convirte nun mirón indiscreto, obligándoo a reflexionar sobre un dos paradigmas máis arraigados da nosa sociedade: o sistema patriarcal.
Un home preséntase a unhas probas psicolóxicas remuneradas. O que pensa que será unha maneira sinxela de conseguir os cartos que precisa para resolver os seus problemas económicos converterase nunha auténtica trampa. Unha atractiva psicóloga formularalle preguntas e enigmas que o porán nervioso obrigándoo a sacar o mellor del para evitar un fatal desenlace.
Esta comedia negra, escrita maxistralmente por Jordi Casanovas, fai unha apoloxía ás incomensurables dimensións da estupidez humana. Protagonizada por Machi Salgado e Susana Sampedro baixo a dirección de Alex Sampayo.
Unha nai xa con demasiados anos, unha embolia, unha gripe e moi poucas ganas de morrer; un fillo próximo aos 50 cunha muller posesiva e medio calva, unha empresa que se afunde e unha xubilación que se afasta, que se afasta; outro fillo de 42 que a coida, báñaa, peitéaa e case a mata (á da embolia); unha ?Testemuña de Jeová? que os visita cada mércores; moitos cadernos e poucos aforros; unha casa que hai que vender " pero, xa!
