Teatro

Teatro Ghazafellos volve ao FalaRedes con Monstros no Camiño, unha divertida comedia para nenos e nenas de 4 anos en diante e as súas familias, que o pasarán de medo con esta historia.

O público asistente terá que ir cambiando de escenario e seguindo os actores, que irán percorrendo todo este espazo dotado de singularidade histórica e paisaxística. A compañía iralles amosando un lugar que é máxico porque, dende a idade do bronce ata o século XIX, acolleu as ofrendas ao Deus Berobreo que lle ofrecían tanto os seus habitantes como viaxeiros chegados de todas as partes.

Reserva de entradas e máis información na Casa da Xuventude de Cangas

“Empanadilla da casa” é un espectáculo onde se combina a música ao vivo do álbum “Zaragallada”, de “Banda Migallas” con sketchs humorísitcos a cargo da actriz María Campos, de “Migallas Teatro”. http://migallas.gal/o_cantante_e_as_mulleres

Ela é a nova proposta de Caramuxo Teatro para tódolos públicos. Recrea un mundo fantástico a través das cores, a arte e o universo creativo da pintora Maruxa Mallo.

Unha mestura de poesía, humor,teatro e danza onde descubrir o imaxinario desa muller excepcional. Un poema plástico para gozar en familia.

Dirección: Juan Rodríguez e Laura Sarasola

Elenco: Juan Rodríguez, Laura Sarasola e Suso Jalda

Dirixida por Avelino González, a partir de textos de Roi Vidal e Xurxo Barcala, e cos cómicos Fran Rei e Isabel Risco á fronte, Dous no Camiño foi creada especificamente para a programación do Xacobeo  Vive o Camiño 2017.

Neve, tres pingüíns, o desxeo e dous boletos para a A.R.C.A. (Aparello Rescatador de Animais) de NOÉ (Novos Observadores Especialistas da Evacuación) son os elementos desta historia narrada cunha linguaxe sinxela e contundente. Os pingüíns reflexionan sobre o valor da amizade: como facer para salvarse os tres cando só teñen dúas pasaxes? Cando está permitido, e cando non, romper as regras?

Unha viaxe escrita e dirixida por Fina Calleja, con Sabela Gago, Fernando Dacosta e Elena Seijo.

Liberto é unha peza teatral de Rebordelos Teatro ofrecida polo Fondo de Proxectos Culturais Xacobeo 2021 e ambientada na Galicia actual. Logrou facerse co máximo número de finalistas na derradeira edición dos Premios de Teatro María Casares nas categorías de mellor espectáculo, dirección, actriz protagonista, actriz secundaria, música orixinal, adaptación e iluminación.

Versión musical de Avento producións dun dos máis fermosos contos de As mil e unha noites, ambientada nun Oriente máxico e suxestivo.

Aladino é un bo rapaz que fai pequenos traballos para os mercadores de Agrabah co fin de conseguir unas moedas coas que mercar algo para comer, mais os rumores sobre o seu bo corazón chaman a atención de Jafar, o malvado visir real, que utilizará os seus enganos para obrigalo a roubar a lámpada máxica da cova das marabillas. Por outra banda, no palacio, o sultán trata de atopar un príncipe co que casar a filla, sen o consentimento desta.

O público asistente terá que ir cambiando de escenario e seguindo os actores, que irán percorrendo todo este espazo dotado de singularidade histórica e paisaxística. A compañía iralles amosando un lugar que é máxico porque, dende a idade do bronce ata o século XIX, acolleu as ofrendas ao Deus Berobreo que lle ofrecían tanto os seus habitantes como viaxeiros chegados de todas as partes.

Reserva de entradas e máis información na Casa da Xuventude de Cangas

A compañía Galeatro, da man do Fondo de Proxectos Culturais Xacobeo 2021, ofrece en 7 concellos da Rede de Dinamización Lingüística un espectáculo teatral e participativo dirixido a nenos e nenas a partir de 4 anos e ás súas familias.

Nel atoparemos a Xan, que quere participar no concurso “O Camiño da Lingua” coa intención de levar o gran premio final. Para iso terá que superar unha serie de probas relacionadas co Camiño de Santiago, coa cultura e coa literatura galega. Pero el só non é quen de superar todos os retos e solicita a axuda do público.