Teatro

Tralo éxito acadado co noso espectáculo “Invisibles”, para público adulto, pensamos que sería preciso achegar unha proposta similar enfocada ao público adolescente co fin de concienciar, educar en igualdade e inculcar valores que preveñan a violencia de xénero. Neste novo espectáculo de Redrum Teatro viaxaremos a través da auto-ficción polo Camiño de Santiago tocando temas como o feminismo, as novas masculinidades ou a importancia actual das redes sociai

Este espectáculo foi beneficiario do programa “O teu Xacobeo”

A compañía Redrum Teatro estrea no Teatro Principal de Ourense o 7 e o 8 de maio a obra 'Un home con lentes de pasta', beneficiaria o pasado ano das axudas á creación escénica da Xunta de Galicia. A nova montaxe incorpórase á programación da Rede Galega de Teatros e Auditorios.

Este espectáculo potencia a procura da condición humana, desposuír ao individuo de todo o superfluo, conectando coa esencia da Natureza e buscando a empatía cara ao resto da Humanidade.

info:https://vimeo.com/497961238

Onde están as liñas vermellas da nova sedución?
Como substituír os vellos códigos caducos sen converterse nuns «mojigatos»?
Como facer o amor con plenitude nunha relación equilibrada e libre?
Saberemos afrontar esa necesaria renegociación de xénero?
Unha muller e un home, con 9 anos de boa relación e 14 meses de seca sexual, tentan atopar unha saída ao seu problema coa colaboración do público.
Moito humor, e ás veces tamén dor, para unha parella «en busca do sexo perdido».

Os Nortis son uns personaxes que habitan na dimensión da creatividade e a través dos libros axudan aos nenos e nenas a espertar a súa imaxinación. E con esta premisa comeza unha viaxe entre libros de cartón dos que xorden despregables pop- up, mecanismos móbiles e xogos de contraluz con imaxes. Unha aventura visual e de lendas para toda a familia.

Duración:50 minutos.

Idade: de 4 anos en diante.

Reserva de praza na biblioteca ou no teléfono 886 120 445.

Como mestres dunha cerimonia, tres intérpretes convidan ao público a atoparse cos momentos vitais de Miguel Hernández: infancia, adolescencia, primeiros amores, chegada a Madrid, emoción ante a creación, República, guerra, prisión. Os versos de Miguel Hernández e unha representativa banda sonora compoñen a dramaturxia de A. Iglesias, que mostra o percorrido vital dunha xeración de novos artistas nunha época de ansiosas transformacións.

Unha troupe de actrices e actores veteranos se reune clandestinamente pola noite para emprender a que quizais sexa a súa última aventura xuntos. Nesta noite revivirán o que non volverá para entender, para modificar, para reconciiliarse co que xa non está, á vez que reflexionan sobre o terceiro acto das súas vidas. Xuntos, analizarán o seu legado e proxectaranse  tamén no futuro incerto para falar sobre a vellez, a morte, os seus anhelos e desexos para esta nova etapa da vida.

Cun texto limpo, sinxelo e cheo de simbolismo, KATARSIS traballa a dirección escénica con atención ao movemento coordinado da actriz e dos obxectos que a rodean.

As palabras non son boas nin malas, o que importa é como se usan. Agora sei que as únicas malas palabras son as que calan.

Esta é a historia de Flor, unha escritora que, desde o seu escritorio, cóntanos como descubriu o secreto mellor gardado polos seus pais: a súa adopción.

Besta é a palabra crave da peza. A Besta política e económica, a Besta social, o que deixou a Besta nos nosos corpos, a miña propia Besta. A mirada sitúase no contexto socio-político actual, hoxe. Como está construído o sistema, como nos afecta, como nos relacionamos con el, como podemos evidenciar á Besta, como podemos destruír a evidencia.

Á fronte: o inevitable desastre, dentro do barco: persoas son persoas, durante a viaxe: o percorrido que nos move, sen compás, sen temón, pero con astrolabio.
Viaxe cara ao desastre (cartas de amor ás árbores) explora unha insensata posibilidade, a de levantar a voz en contra do deserto unidimensional que se levantou #ante os nosos ollos. Unhas cartas escritas por Nastasya Filippnova e enviadas a Julio Fernández tras a publicación nas redes da curta duns carballos centenarios en tempos de confinamento, leste é o punto de arranque da obra.