Maxia

Durante milleiros de anos, os alquimistas, nómades con grandes coñecementos nas matemáticas, na física, na química, na astroloxía e incluso no ocultismo, viaxaron cos seus laboratorios ambulantes por todos os lugares do mundo cun obxectivo concreto: atopar a Pedra Filosofal. O soño dos alquimistas era dominar a natureza, o lume, e finalmente o tempo. Os alquimistas crían que a pedra filosofal podería concederlles tanto a cura de todas as enfermidades para gozar da vida eterna como a riqueza, co poder de transformar metais en ouro.

Tras o éxito de público e crítica das catro edicións do Nadal anteriores chega por quinto ano consecutivo A Gala Internacional de Ilusionismo GALICIA MAGIC FEST. Os mellores e máis premiados magos do mundo chegan a Galicia para deixarche coa boca aberta. Poderás ver en directo números de maxia asombrosos, únicos, espectaculares, arriscados, ensoñadores acompañados dunha produción de iluminación envolvente e impactante baixo a dirección artística do Ilusionista Pedro Volta.

Un espectáculo que xira en torno a unha roda de afiar dos anos 30 herdada polo mago Teto dos seus ancestros.

O afiador, un oficio que tivo o seu apoxeo nos séculos XVIII e XIX , e prácticamente extinguido no século XX, desprazábanse centos ou milleiros de kilómetros por uns días ou anos coa única compaña da sua roda.

Miles de historias e aventuras doutros tempos son postas en escena coa axuda do ilusionismo.

Para os efectos de maxia deste espectáculo empréganse elementos típicos dos afiadores como poden ser coitelos, tesoiras, navallas e parauguas.

 Encantamentos a cor é un espectáculo de maxia, humor e participación do público, que percorre todo o espectro óptico das fantasías e ilusións.

A través dos sentidos viaxaremos pola e coa imaxinación, nun espectáculo con sorpresas apoiadas en todo tipo de trebellos, adobado todo cun guión cargado de intres inesperados e imprevisíbeis.

Espectáculo para experimentar sensacións fascinantes, cheo de gargalladas, colaboración da concorrencia, moita luz e claridade.

O Mago Richard  comenzou coa maxia dende moi pequeno realizando actuacións esporádicas dende os 13 anos.

Trátase dun show  onde o público é o gran protagonista. Unha coidada selección de números orixinais. Números visuais con fondo musical. Interacción total do público coa maxia e coa música.

Fusión de maxia e humor  nun espectáculo creativo, cheo de tolemia e vida propia.

Contamos cunha dilatada experiencia profesional no mundo do ilusionismo.

Realizamos espectáculos para institucións públicas, empresas, eventos etc., dende todos os recantos da nosa terra até Xapón,  espallando un xeito diferente de transmitir sorpresas, abraios, maxia, igualdade e lingua.

Maxia para soñar é un espectáculo sorprendente,para gozar en familia, onde o ilusionista  Mago Marco propón unha viaxe de soños envolto en misterio

Meigo Rafa é un ilusionista nado en Lugo que leva máis de 15 anos traballando con dous obxectivos comúns, divertir e sorprender. Durante todos estes anos traballou para conseguir un estilo que o caracteriza, a proximidade.

Os seus espectáculos baséanse na proximidade co público, de maneira que eles marquen o ritmo da diversión para dar lugar á sorpresa.

Antonio Romarís é un mago, produtor e director de maxia de recoñecido prestixio de Galicia que sempre destacou por ter unha ampla e completa visión do mundo do espectáculo.

Traballou sempre desde o punto de vista do público e dos seus principais clientes, os Concellos, creando propostas escénicas innovadoras e atractivas para ambos.

Nun programa cultural ou nun programa de festas os seus espectáculos destacan sempre entre os máis lembrados polo público.