Olalla Castro e Nicoleta Moise propoñen en De como non casar / How Not to Get Married un itinerario gráfico, audiovisual e performativo no que diferentes supersticións, rituais e tradicións relacionadas con Galicia e con Santiago de Compostela son recompiladas e reinterpretadas.
A censura e a prohibición naceron probablemente coa propia linguaxe e tamén probablemente se fixeron palpables co nacemento da escrita: fora mediante veto ou orde de mera destrución, dende os inicios da civilización houbo obras marcadas como tabú. A humanidade leva perdido así moitos escritos mesmo en conflitos bélicos nos que se utilizaron as bibliotecas como obxectivos ou botíns para ser destruídos, o cal podemos entender como un tipo de censura. Ademais destas perdas houbo obras que foron condenadas ao esquecemento, do que algunhas logo lograron recuperarse.
Na sala de exposicións da Biblioteca.
Mostra de Quixotes do fondo antigo da institución. Destaca o Quixote con gravados de Gustave Doré.
Na sala de exposicións da Biblioteca.
Todos os domingos de abril diferentes personalidades da cultura galega realizarán unha visita guiada e moi diferente no Museo de Pontevedra.
Ademais, ao final de cada percorrido o Museo convida a uns petiscos.
Programa de visitas:
Domigo 8 de abril: Música e Literatura. Sés e Xurxo Souto
Domingo 15 de abril: Música, Artes escénicas e Edición. Iria Pinheiro e David Cortizo
Domingo 22 de abril: Audiovisual e Edición. Nieves Rodríguez e Francisco Castro
Domingo 29 de abril: Cinema. Margarita Ledo e Xacio Baño
El palacio de las tres historias é un proxecto inicialmente concibido por Carlos Garaicoa para a Fondazione Merz de Turín. A exposición aborda como un caso de estudo o desenvolvemento da cidade de Turín, o seu simbolismo como primeira capital de Italia, a súa industria representada pola FIAT, así como a conexión que se produciu ao longo da década de 1930 entre a arquitectura de vangarda do movemento moderno e o poder do Estado representado polo fascismo.
A Biblioteca cede o espazo á Fundación Paz y Cooperación para mostrar arredor de 200 traballos escolares de 22 países, que reflicten os valores compartidos e os ideais das Nacións Unidas e que queren inspirar á mocidade para conseguir un mundo non violento, xusto e solidario.
Esta fundación, con estatus consultivo especial de Nacións Unidas, promove campañas de sensibilización escolar desde 1986, entre elas o Premio Escolar que leva o seu nome que este ano ten por lema Mirando a las estrellas - El futuro del mundo.
Mostra bibliográfica para lembrar a figura de Stephen Hawking, físico teórico, astrofísico, cosmólogo e divulgador científico británico, finado o 14 de marzo de 2018. Foi Premio Fonseca no ano 2008
A Consellería de Cultura, Educación e Ordenación Universitaria ofrece esta exposición divulgativa, comisariada polo ilustrador David Pintor, que mostra de xeito ameno e gráfico a vida e a obra da escritora María Victoria Moreno, homenaxeada no Día das Letras Galegas deste ano.
Pódese visitar no vestíbulo durante o horario de apertura da biblioteca.
A cargo de Dolores Fojón (Directora da Escola de Baile LODANZAS).
Exposición de vestiario e fotografías sobre o mundo da Danza. Bicentenario do coreógrafo Marius Petipa.
Na Sala infantil.
