Durante un mes o Museo Nacional del Prado cede ao Museo Provincial de Pontevedra a obra del Greco, Retrato dun médico.
O museo de Pontevedra será o único de Galicia que acolla unha obra dentro desta iniciativa que conmemora o bicentenario do Museo Nacional del Prado.
A biblioteca únese á conmemoración do Día Internacional da Danza (29 de abril) cunha exposición sobre o mundo da danza a cargo de Dolores Fojón (Directora da Escola de Baile Lodanzas) na Sala Infantil.
Exposición de vestiario e fotografías sobre o mundo da Danza. Bicentenario do coreógrafo Marius Petipa. Danza e Espiritualidade.
A exposición acompáñase dunha mostra bibliográfica con libros sobre o tema seleccionados entre os que forman a colección da biblioteca.
O Día das Artes Galegas é unha celebración instituída pola Real Academia Galega de Belas Artes Nosa Señora do Rosario o 31 de xullo de 2015. Conmemórase cada 1 de abril.
Cada ano dedicáselle o día a un/unha artista de Galicia. Este ano está dedicado a Luís Seoane López. Nado en Bos Aires o 1 de xuño de 1910 e finado na Coruña o 5 de abril de 1979, foi un editor, escritor, xornalista, gravador e pintor galego.
A biblioteca está feita de comunidade. Por iso, queremos mostrar as recomendacións de libros que nos fan as nosas usuarias e usuarios nesta mostra colaborativa.
A mostra pode visitarse no 2º andar e noutros espazos da biblioteca ata o 31 de maio.
A biblioteca cede o espazo para a exposición organizada pola Alliance Française de Santiago en colaboración con Courrier International e Institut Français.
O obxectivo desta exposición é a de suscitar o debate sobre a liberdade de expresión, a raíz do atentado contra o xornal satírico Charlie Hebdo en xaneiro de 2015.
A exposición está formada por 12 paneis de tiras cómicas realizadas por máis de 50 caricaturistas de todo o mundo. Cada panel está adicado a unha temática concreta da liberdade de opinión: censura, internet, dereitos das mulleres, clima, deporte...
EXPOSICIÓN “350 ANOS DA OFRENDA DO ANTIGO REINO DE GALICIA A XESÚS SACRAMENTADO”
A mostra realizase con motivo de cumprirse neste 2019 os trescentos cincuenta anos do inicio do proceso que xerou a Ofrenda anual que seguen a facer en Lugo cada infraoitava do Corpus as cidades de A Coruña, Lugo, Ourense, Mondoñedo, Betanzos, Santiago e Tui, capitais do Antigo Reino de Galicia.
O Museo Provincial de Lugo acolle a exposición de Pradero de fotografía documental.
Estas fotografías mostran a paisaxe e á vida das persoas da Mariña de Lugo, principalmente o sacrificio que supón o traballo no mar. A exposición está composta por treinta e cinco imaxes nas que se mostran as emocións vividas polo fotógrafo na mariña lucense.
Esta exposición ten como obxectivo reivindicar a importancia dos obxectos persoais, o noso contorno e os itinerarios habituais e que están ao servizo da memoria.
A artista Sesé Santiso é a autora desta exposición na que se inclúen máis de trinta obras, entre cerámica, pinturas, fotografía e madeira.
Ana Soler, Fran Herbello e Joan Fontcuberta son os encargados de seleccionar as imaxes dos libros que publicou o Centro de Estudos Fotográficos de Vigo durante 30 anos e compoñen esta mostra.
Manuel Cendón e Xosé Luís Suárez Canal son os comisarios desta mostra sobre a actividade editorial que tivo o CEF de Vigo (Centro de Estudos Fotográficos) que en 2016, despois de 30 anos durante os que editaron 44 libros, cesou este labor.
Esta exposición amosa mulleres de distintas xeracións, nais e fillas, unhas fronte ás outras, para dar conta dos cambios alentadores que se deron na nosa sociedade en favor delas.
