Mostra de libros sobre as emocións e os sentimentos. Saber recoñecelos e aprender a xestionalos.
Esta mostra será a antesala dun novo centro de interese.
Na sala infantil pode visitarse durante o horario de apertura da biblioteca.
Selección de libros para conmemorar o Día Europeo das Linguas e darlle visibilidade ás linguas minoritarias europeas.
Por iniciativa do Consello de Europa en Estrasburgo, o Día Europeo das Linguas celébrase, desde 2001, o 26 de setembro de cada ano.
Na sala infantil. Pode visitarse durante o horario de apertura da biblioteca.
Por iniciativa do Consello de Europa en Estrasburgo, o Día Europeo das Linguas vénse celebrando, desde 2001, o 26 de setembro de cada ano. O seu principal obxectivo é fomentar a aprendizaxe de idiomas en toda Europa.
O Día Internacional da Tradución instaurouse no ano 1991 pola FIT (Federación Internacional de Traductores). Conmemórase o 30 de setembro, data do falecemento de Jerónimo de Estridón, tradutor da Biblia e santo patrono dos tradutores.
Esta mostra pode visitarse no 2º andar da biblioteca.
A biblioteca cede o espazo ao pintor compostelán Plácido Amboage para que realice esta exposición, na que mediante óleo, acuarela e pintura acrílica ofrece a súa interpretación de diferentes espazos da nosa cidade: a catedral, a praza da Quintana...
A inauguración da mostra é o luns 10 ás 12h no vestíbulo.
Pode visitarse durante o horario de apertura da biblioteca.
San Martiño Pinario acolle a exposición Gaudí e a Sagrada Familia. Unha experiencia interior, impulsada pola Junta Constructora del Temple Expiatori de la Sagrada Família, e que busca achegar ao público a experiencia de coñecer a basílica. A mostra aborda a figura de Antoni Gaudí, pero tamén a da que é considerada a súa obra mestra, a Sagrada Familia. Escenografías, maquetas e audiovisuais dan a coñecer ao arquitecto e a súa obra.
A pintura, fotografía e música estarán presentes por todo o barrio de Ferrol, e máis concretamente na praza da Auga e na praza da Tafona.
O xornalista Man Castro será o encargado de ler o pregón desta edición especial. Contará coa participación do fotógrafo Alberto García-Alix, que presentará o seu documental; e dos músicos Tony Lomba e Clarence Bekker Milton, entre outros, xunto con varios pintores que plasmarán as súas ideas nas paredes marcadas cunha M amarela polo barrio de Canido.
A mostra conforma un percorrido por máis de 350 obras que reflexionan sobre o símbolo do superheroe no século XXI da man de David Aja e David Rubín, dous dos artistas máis importantes do panorama actual de autores de cómic, que desenvolven a súa carreira no mercado norteamericano.
O Vello Cárcere recrea os últimos 30 anos de excavacións arqueolóxicas en Lugo coa exposición Desenterrar o pasado: un percorrido pola arqueoloxía de Lugo, que pon o broche de ouro ao ciclo de conferencias, que baixo o mesmo título que a mostra, serviu para pór en valor o rico patrimonio arqueolóxico da cidade e a súa importancia dende o punto de vista histórico, a través de distintas xornadas, nas que participaron unhas 650 persoas.
Coplas de cego. José Solla é a exposición que compila a traxectoria deste artista marinense que desenvolve a súa pintura entre Bueu e Mar del Plata.
Máis de corenta anos despois de acadar o primeiro premio na II Bienal Internacional de Arte da Deputación de Pontevedra en 1976, esa mesma institución, a través do Museo de Pontevedra, acolle unha gran exposición que reflicte boa parte do que foi a súa longa traxectoria no mundo da arte, formulada sempre entre dous espazos físicos, pero tamén sentimentais e sensoriais.
Afundación, a Obra Social de Abanca, albergará na súa sede da Coruña a exposición Dúas expresións, da pintora Novais e o escultor Antonio Souto.
Natural da Coruña, Novais formouse na Escola Pablo Picasso e tamén ten coñecementos en arquitectura de interiores, gravado, litografía, xilografía e talleres de arte. Como pintora realizou exposicións en diferentes cidades españolas, ademais de París, América do Norte ou Portugal.
