Compostela é unha cidade de circo, numerosos artistas circenses residen na cidade e queren celebrar o seu día, facendo unha mostra do mellor do seu traballo cos mellores números dos colegas do estado. A Gran Gala de Circo contará cunha completísima variedade de números das disciplinas máis sorprendentes e arriscadas.
Elefante Elegante presenta un novo espectáculo na liña do seu traballo xestual e cunha forte compoñente plástica e musical. Patapatúm propón unha reflexión sobre a presenza dos bens materiais nas relacións entre pais e fillos.
Un espectáculo de monicreques de luva divertida, pícaro e tenro para exhibir en sala, rúa ou espazos atípicos que realiza un percorrido por aqueles conceptos que nos permiten reflexionar acerca da igualdade entre mulleres e homes nos distintos ámbitos, con especial énfase na reincorporación profesional da muller despois de ser mai e a corresponsabilidade do home como pai nos coidados do novo menbro da familia, bebé.
Nunha Galicia invadida polas orquestras modernas, o cantante Sergio Zearreta, con moitas ambicións e pouco coñecemento de causa decide ser cantante da Gallaecia Big Band, unha elegante e clásica formación que reflicte toda a esencia das grandes Big Bands que facían bailar o gran público cun repertorio clásico e moi variado.
Arrerrú é unha palabra que vive na boca, non quere dicir nada pero o A abre o asombro, o RRE a repetición, e o RRU a delicadeza.
Comezamos axiña na vida a vocalizar e nos golpes de voz xa vai o arremedo de todos os estado de ánimo. Cando falamos de narración oral para bebés queremos dicir que a narración oral é importante desde os primeiros momentos da vida, introducimos cos bebés da man na selva das palabras e do sentido das palabras: nós sabemos dos carreiros, das hortas e dos agochos; eles veñen vindo de vagariño pero sen pausa.
Non te perdas o espectáculo Rock en Familia - Descubrindo a MECANO o domingo 17 de maio ás 12:30h
Unha oportunidade única para gozar en directo das mellores cancións de MECANO en compañía dos pequenos da casa da man de MAQUILLAXE, a súa mellor banda tributo.
Vivir os primeiros concertos cos teus fillos, sobriños ou netos á vez que descobren as mellores bandas da historia do rock será unha experiencia que nunca esquecerán.
Espectáculo inspirado na maxia dos poemas visuais do poeta catalán Joan Brossa. As letras cobran vida para lograr que, coa súa manipulación, o xesto transfórmese en verso e o verso en emoción.
Aura e Leo móvense, xogan e o día comeza.
Non hai cor e eles cantan. Entón a cor aparece, trae paxaros e estes, relatos. A necesidade para comer, o xogo. Despois vén a calma e un tren chega co seu misterio.Unha maleta.
O día pasa e a maleta finalmente é aberta. Trae unha sorpresa: Un carrusel que vira mentres Aura e Leo contan o día transcorrido. Ela dórmese. El despídese cun bico, e o día termina.
Intérpretes: Nerea Lovecchio, Pury Estalayo e Daniel Lovecchio
Autoría: música e dirección: Daniel Lovecchio
Asistencia de dirección: Pury Estalayo
Pouquiño a pouquiño vou saíndo do niño: ¿Onde estou? ¿quén son?....
Con cada son e cada paso vou volvéndome máis eu, constrúome á vez que che miro a ti e aos demais co compás da curiosidade, afástome da casa para descubrir novos lugares, novas aventuras e elixir o meu camiño, a miña canción. A canción que me fai ser quen son.
Kl´aa significa "cantar" en lingua hadzabe. Kl´aa é unha experiencia visual e sonora a través da voz, a canción e o movemento. Un concerto de creación dirixido aos máis pequeños, construido a partir dos sons que emiten os bebés para comunicarse.
A luna nun cazo é un tránsito polos recunchos emocionais máis profundos dunha lúa en constante procura da súa esencia. A felicidade como ferramenta innegociable para reencontrase.
Un canto ao optimismo dirixido a todos os públicos, tamén aos bebés e a primeira infancia, e coa aposta pola procura de novas formas de interacción co público que tan define a linguaxe de La Petita Malumaluga.
