Xoán Porto 'Guancho' (acordeón e voz) e Suso Vaamonde (zanfona e voz) forman Cantata Vernácula. Este dúo humorístico-musical galego está considerado pola crítica actual como o máximo expoñente da rexurdente corrente denominada 'Nova Troba Truana'. De feito, son os únicos representantes deste estilo.
As novas promesas Joshua Bernal (mago), Pablo Meixe (actor e humorista), Carmen Picado (cantante e música), Irene Cerqueiro (actriz e música) e Guillermo Gantes (actor).
Mini pezas teatrais, maxia, mimo, scketches de humor, música...
Atlántica achega nesta edición as voces de contadores do Uruguai, O Xapón, Arxentina, Portugal, Madeira, Zamora, Canarias e Galicia.
Chega a noite, a porta da taberna ábrese, hai unha cadeira dentro que ten o nome dos que saben escoitar. Benvidos un ano máis! Compostela arrecende a contos!
Autoría e dirección: Laura Sarasola e Juan Rodríguez
Elenco: Juan Rodríguez e Suso Jalda
Caramuxo teatro presenta Feo! un espectáculo de pequeno formato inspirado en El patito feo de Hans Christian Andersen.
Sinopse: A pequena fábrica de parrulo de goma produce todos os días centos e centos de parruliños do mesmo tamaño e cor, pero un día sae un parrulo diferente.
Feo! é un conto á diversidade e é esencia dun mesmo, unha comedia para toda a familia.
Un espectáculo infantil no que os maiores gozarán tanto coma os cativos dunha representación multimedia de música e teatro.
Coidadísimas composicións de funk, swing e rock, acompañadas de divertidas e participativas letras conforman o fío condutor desta obra coral na que dous actores e catro músicos contan a historia de Bim, o pingüín, e Kiwi, o paxaro que non pode voar.
Elenco: Anita Baker, Keke Diez, Manuel Brey, Carlos Clérins, Javier Sampedro e Nacho.
Dirección: Carlos Sante
Texto orixinal: Benxamín Queiro
María Fumaça achega este proxecto musical no que non falta o bo humor, cancións-lambetadas e ritmos-aloumiños.
Nos vagóns soan ritmos de muiñeira, rumba, samba, rock e fox-trot.
Obra dinámica de Os tres tenedores, mais nesta ocasión, as portas do peculiar restaurante abrense dispostas a ofrecer aos seus comensais as músicas máis saborosas, acompañadas dos platos máis suculentos e innovadores. Que as nenas e nenos vaia preparando o seu padal e collendo asento, porque poderán saborear os momentos máis deliciosos e doces do teatro, da música e do humor. Que aproveite!
Tony Lomba e Manuel Manquiña reinventan neste espectáculo unha especie de underground elegante, onde convidan o público a viaxar á España dos setenta, que caracterizan como un país namorado das suecas, de Benidorm e da música melódica.
Sinopse: Vouche contar a miña historia –teño que facelo perfecto. Son un estándar singular, bastardo entre a norma e a excepción. Ben, síntoo. Non era así. I’m so sorry. Entro en bucle. Teño que ser eu mesmo. Son unha icona única, ideal coma un algoritmo, exacto coma unha máquina.
Esta obra forma parte do Bono Teatro Galego-Portugués, con descontos para espectáculos na Zona C, Salón Teatro e Teatro Principal.
Alicia no país das marabillas é un musical que narra a historia dun conto de ampla tradición literaria co formato escénico máis actual: audiovisuais, música en directo, humor e diversión para toda a familia.
Nesta versión conta coa particularidade de unir e mesturar elementos do conto clásico e da súa segunda parte, Alicia a través do espello nun brillante exercicio da síntese literaria e escénica. A versión inclúe a posta en escena e interpretación de seis cancións orixinais, e unha perfecta transposición do humor de Lewis Carroll ao século XXI.
