Logo do seu éxito en Matalobos e de xirar con "Gaivotas Subterráneas", Luis Iglesia B. e Xabier Deive dan renda solta ao seu lado máis salvaxe e divertido e presentan Sede de mal unha comedia a 12 cordas sobre o lado escuro da vida.
Humor, teatro, música ao vivo con blues e rock and roll á galega con dúas das personaxes máis importantes da escena galega dos últimos anos.
ACTORES: Luis Iglesia B., Xabier Deive
PRODUCIÓN: Boneca Lareta
The Funamviolistas florece como resultado do encontro de tres mulleres singulares. Unha historia que comeza con tres soidades e que a través da unión, a perseveranza e a amizade chegará á realización dun soño común. Tres músicas de corda, tres actrices que cantan, bailan e, sobre todo, emocionan.
O espectáculo combina con beleza e orixinalidade un grande abano de disciplinas artísticas, creando unha fusión case máxica. The Funamviolistas sorprende, emociona e divirte a todos os públicos.
Foi recoñecido co premio Max ao Mellor espectáculo Revelación.
Un total de 19 temas 'a cappella' divertidos e orixinais, pero á vez cunha dobre vertente: "(Di)versiones" de temas clásicos universais de diferentes estilos que se alternan con cinco temas "Orixinais", composicións propias que reflicten a versatilidade creativa da formación.
Cómicamente ofrece a oportunidade ao espectador de ver sobre un mesmo escenario a humoristas de diferentes estilos, co obxectivo de reunir nunha mesma cita, artistas con diferentes enfoques á hora de facer comedia. Para esta primeira ocasión e baixo a premisa de ofertar unha proposta fresca, divertida e de calidade, presentamos este evento que conta con algún dos novos talentos do humor, que nos presentarán fragmentos dos seus mellores monólogos.
Logo dunha xira de 3 anos poñendo en pé a teatros de toda España coa existosa e sorprendente "Yes, We Spain" Carlos Latre volta ao teatro para celebrar os seus 15 anos na profesión.
O actor confeccionou un one-man-show máis próximo e divertido ca nunca. Aproveita a ocasiónpara revisar todos os referentes do seu traballo na radio, televisión, cine, publicidade e teatro e actualiza a súa lista de máis de 500 personaxes...
Por primeira vez nun teatro... 150 personaxes en escea!!
Autor e director: Carlos Blanco
Elenco: Carlos Blanco e Luis Davila
Sinopse: O novo de Carlos Blanco, con Luis Davila, un debuxante de luxo. Ver debuxar a Davila en pantalla xigante, e en directo, as historias retranqueiras de Carlos.
Jamming On Tour é un espectáculo de improvisación, unha creación pura e no momento. Cada actuación é única e irrepetible e constrúese totalmente diante dos ollos do público.
En Jamming, o espectador é parte activa do show. Partindo de títulos escritos polo público nunhas tarxetas, os actores idean e interpretan unha serie de improvisacións acorde a uns estilings.
Baseada no Antigo Testamento e a obra Nabuchodonosor de Francis Cornue e Anicète Bourgeois.
Xoán Porto 'Guancho' (acordeón e voz) e Suso Vaamonde (zanfona e voz) forman Cantata Vernácula. Este dúo humorístico-musical galego está considerado pola crítica actual como o máximo expoñente da rexurdente corrente denominada 'Nova Troba Truana'. De feito, son os únicos representantes deste estilo.
As novas promesas Joshua Bernal (mago), Pablo Meixe (actor e humorista), Carmen Picado (cantante e música), Irene Cerqueiro (actriz e música) e Guillermo Gantes (actor).
Mini pezas teatrais, maxia, mimo, scketches de humor, música...
