Espectáculo

Esta é a historia de dous irmáns: Santiago e Peque. É a aventura que emprenden para aprender a verse, e escoitarse de verdade, a aceptar ao outro tal e como é, coas súas virtudes e defectos. É un camiño desde o egoísmo cara á solidariedade e á tolerancia. Santiago e Peque aprenderán a apreciarse e quererse como irmáns, cantando e bailando ao son da música orixinal do espectáculo.

Esta programación pode sufrir modificacións. Confirmar datas e horas nos espazos onde se representa.

O famoso detective Sherlock Holmes tentará resolver outro emocionante caso. As xoias da Mansión dos Patterson foron roubadas. Sospéitase de todo o personal que traballa na casa, de todo aquel que estivera polas cercanías da Mansión o día do roubo. Coa axuda do público o famoso detective tentará descubrir ao culpable e recuperar as xoias.

Esta programación pode sufrir modificacións. Confirmar datas e horas nos espazos onde se representa.

O patrón dun circo no que xa non traballa ninguén debido á escasez de medios e á crise, verase na obriga de parodiar a todos os artistas do show para levantar o espectáculo. Pero, para desconcerto do público, as cousas iránse complicando ó longo do transcurso da representación.

Luis Iglesia B. e Xabier Deive dan renda solta ao seu lado máis salvaxe e divertido e presentan SEDE DE MAL unha comedia a 12 cordas sobre o lado escuro da vida… 
Sinónimos e sinónimas estes dous anónimos quedaron sen vacacións para ofrecerlle o seu público unha comedia da vida, unhas ensinanzas evanxélicas, un ”leit motiv” para non ser un pinpin!!!
Humor, teatro, música ao vivo con blues e rock and roll "á galega" con dúas das personaxes máis importantes da escena galega dos últimos anos.

Unha aposta pola maxia e a música en directo para levar as ilusións ós diversos espazos escénicos galegos.
Ao Ritmo da Maxia é un espectáculo dinámico e interactivo creado para dar entretemento e diversión a través de varios ámbitos da maxia nun formato orixinal.
Martín Camiña levará a curiosidade, o suspense e a ilusión  cunha ambientación compartida no escenario co grupo Muras Triofunk do músico Álvaro Muras para que o espectador de renda solta á imaxinación e disfrute do mesmo.

Os mellores solistas da Compañía Lírica de Galicia, acompañados por un piano e, cando proceda, dunha serie de solistas instrumentais (arpa, frauta traveseira, violín, violonchelo) interpretan obras maestras da Lírica, que seguro emocionan ao público máis esixente e non deixan indiferente a ninguén.

A 22ª edición do FITEUC, o Festival Internacional de Teatro Universitario da Coruña, terá lugar no Centro Ágora, Fórum Metropolitano, Teatro Rosalía e Teatro Colón.

6 de abril, no ÁGORA: Aula de Teatro da Universidade de Santiago de Compostela, "Sweeney Todd", de Christopher Bond, versión de Roberto Salgueiro.
7 de abril, no FÓRUM METROPOLITANO: Grupo de teatro Nova da Universidade de Lisboa: "Ectasy", de Irvine Welsh.
8 de abril, no TEATRO ROSALÍA: Encontro de danza

Heian é un espectáculo multidisciplinar onde circo, danza acrobática e música en directo fusiónanse para ofrecer ao espectador unha proposta cargada de forza e sensibilidade. A obra describe unha viaxe cara a un estado emocional, onde o diálogo entre música, movemento e control corporal xerará un carreiro de emocións que nos transportará a un estado de calma. Heian: do Xaponés Paz e Tranquilidade.

A programación inclúe un total de 35 actividades entre as que hai 27 espectáculos teatrais de compañías de nove países e catro continentes.

A 20ª MITEU inaugúrase o xoves, día 16 de abril, coa estrea dun espectáculo de rúa titulado: Donos do tempo, pola Aula de Teatro Universitaria Rosaura. Será ás 19.00 horas nas rúas Paseo e Bedoya. A representación ten unha duración aproximada de 60 minutos.

Premio FETEN 2015 pola súa orixinalidade, precisión e musicalidade.

Estamos afeitos ver a arte como algo que perdura no tempo, como unha obra que segue sendo viva logo da morte do artista. Pero o arte tamén pode ser efémero, pode ser arte por un instante, sen necesidade de converterse en perdurable.

Borja González, da compañía Ytuquepintas, presenta un espectáculo multidisciplinario que combina arte con area, circo, música en directo, marionetas de gran formato e pintura rápida.