Teatro infantil baseado no conto clásico de Carapuchiña vermella.
Sinopse: Todo o mundo a quere moito. A súa avoa regaloulle un bonito vestido cunha carapucha vermella que sempre leva posta, dende entón todos a chaman Caperucita Roja. Un lobo malvado quérea comer e... ata aí se pode contar...
Elementos de percusión variados sobre o escenario onde se desenvolve un espectáculo didáctico con aires de circo. Preténdese que o público infantil se entreteña e aprenda a importancia do ritmo e da percusión, á vez que recoñeza certos estilos musicais dentro do espectáculo.
Sinopse: Por que brillan tanto as mazás? Que ten dentro o Cola-Cao? É mellor limpar con lixivia ou con Disiclín? E sobre todo... van os expresidentes do Goberno ao supermercado?
Supermarket ofrece ao espectador 59,99 minutos de auténtico e orixinal stand up poetry para escachar coa risa.
Espectáculo que conta co Bono de Teatro con descontos para funcións nesta sala, ademais de no Salón Teatro e Teatro Principal.
Musical onde a música lembra ao mundo a figura, o xenio e o mito de José Monge. É unha viaxe onírica polas paisaxes humanas, estado de ánimo, etapas vitais e formas de encarar a propia existencia. Un percorrido que, a través do seu impresionante legado musical, trata de expresar sensacións e sentimentos universais.
Mónica de Nut canta acompañada por Virxilio da Silva á guitarra en Dos fíos invisibles chegan as cores, combinación de música clásica, jazz, rock e tradición galega; música palleira, mestura de razas e estilos, dispersión sonora que acouga nas tripas. O repertorio nace de melodías tradicionais, clásicos da música barroca e temas propios remexidos entre delays, distorsións e sons acústicos.
A peza para teatro El triunfo de la libertad é unha colaboración entre La Ribot, o coreógrafo Juan Domínguez e o actor Juan Loriente. Froito dunha experimentación intensiva e un cuestionamento rigoroso, El triunfo de la libertad culmina nun medio de representación inesperadamente minimal e, tras a súa estrea no Festival de La Bâtie de Xenebra en 2014, provoca (e continúa xerando) moita discusión. A obra, que chega por primeira vez a España, absorbe ao espectador nunha complexa rede de narración, anécdotas históricas, fragmentos poéticos e citacións.
Sobre a base das ideas levadas a cabo por Elias Canetti en Masa y poder, a metáfora da multitude como un lugar para a liberdade emerxe como as diferentes partes da peza que se xuntan. Despois de viaxar por festivais de todo o mundo (La Bâtie de Genéve, Tanz Im August, Zuricher Theater Spektakel, Panorama Rio de Janeiro ou TransAmériques Montréal), a peza chega a Santiago de Compostela no debut en España de Marcelo Evelin. Baile tribal e contemporáneo, o regreso ás raíces e á terra natal acaba sendo un canto de amor ao corpo, á fisicalidade e á orixe do mundo.
Ficha artística
Teatro invisible é unha declaración de principios, un encontro artístico directo co público, no que prima a función fática e a dicción filosófica en amalgama de accións escénicas sutís. A obra parte dun encontro entre Ana Vallés e alumnos da ESAD en 2012, que se concretou nunha conferencia de aparencia teatral que deu lugar a un coloquio. A partir desta experiencia nace Teatro Invisible, onde se mostran as principais claves do teatro de Ana e Matarile. Matarile Teatro é unha compañía indispensable para entender o teatro galego do século vinte e vinte e un.
Os Miserables sacode ao seu público a través dun épico conto de sonos rotos, amor non correspondido, paixón, sacrificio e redención co trasfondo dunha nación ao bordo da revolución.
Esta apaixonante historia é un testamento universal e atemporal da capacidade de supervivencia do espírito humano.
Esta nova produción, que Cameron Mackintosh estreou en 2010 para celebrar o 25 aniversario do musical, renovou o interese e paixón por un dos musicais favoritos dos amantes do xénero.
