Espectáculo

Os sons nacen no colo. Alí, no colo do Daniel, onde el mexe ao seu bebé, agora vemos un obxecto brillante e escuro. Casique podes voar, cando el acaricia o Hang como se fose o seu outro bebé. Brinca e baila cos brazos. E despois aparece un enxame de bebés que gatean en dirección ao brillo. Alí se calman nun xogo de deseños sonoros e despois adormecen. Algúns adormecen para ouvir mellor, outros inda queren saber de onde nacen aqueles sons. Bebés en trance. 

Zummmmm....ZimZumZumZómmm

Intérpretes:

A peza Silver Drops está inspirada na auga como elemento principall que nos leva a diversas situacións e escenarios imaxinarios, a partir de diferentes estados: a curiosidade, a sorpresa, a envexa sobre nós mesmos, o xogo e a alegría.

Xogamos a partir de diferentes estados e formas da auga e escenificámolas con diversos materiais: espellos, globos, burbullas, paraugas... grazas aos materiais combiandos coa danza recreamos situacións que nos lembran como imos crecendo. 

O colectivo de percusión creativa. Crassh preséntannos a súa proposta para bebés, nenos e nenas e familias.

Nunha combinación única de percusión, movemento e comedia visual. Todo é un pretexto para producir son, cunha enerxía contaxiosa.

Cucú Haiku, é unha delicada forma visual e poética para os máis pequenos, unha viaxe polo arco iris cos sete amigos do vento.

Nun xardín zen, sete bolboretas deixáronnos as súas cores para pintar o mundo. Outono, inverno, primavera e verán son os escenarios das cousas sinxelas e dos grandes cambios.

Porque todos crecemos e transformámonos, Cucú ao chegar a primavera será unha fermosa bolboreta.

Unha lenda, sutís coreografías e video-proxeccións, son os recursos que facilitan unha lectura global dos ciclos da vida aos espectadores máis novos. 

Un personaxe obsesivo, cuadriculado e meticuloso. 

Un ser único na súa especie rodeado dun sen fin de caixas que escapan ao seu control e coas que xoga para dar forma a sumundo.

Do caos xorde un universo delirante onde inventa a risa, creando unha tolemia cómica e transformándose nun novo ser cunha nova figura.

lmanaque musical mostra aos pequenos e pequenas o ciclo do ano con graciosas cancións acompañadas por Pelán.

Pelán ensinaralles o día que é, e todo o que abarca o almanaque e a súa relación coa lúa, as mareas, o campo, as festas. O arpa de Bea e a voz de Marcelo do Bode completan o elenco facéndonos cantar e bailar sen deixar de aprender.

Chegou o día a Vila Pengüín é unha creación orixinal do grupo Trilitrate pensada para os máis pequenos. Trátase dunha proposta que combina de maneira maxistral música e animación, creada ao vivo, capaz de sorprender a maiores e pequenos pola súa beleza e gran sensibilidade. Un malgaste de creatividade que nos leva de viaxe ao mundo da fantasía, da fantasía e das músicas do mundo a través de fermosas melodías que espertan o imaxinario dos máis pequenos.

Elena Vázquez, violín Marcos Padrón, acordeón Rubén Abad, guitarra Montse Piñeiro, animación e videocreación.

Esta é a historia da granxa máis famosa de todos os tempos. Un alegre campesiño xunto aos seus dous sobriños ensinaranvos a todos os animais que viven con eles.

Poderedes coñecer ao cabalo máis forte, á vaca máis divertida, ao lorito máis charlatán, ao pollito máis adorable, ata chegar ao galo máis famoso de toda a granxa. Estes amiguitos irán contando como é a súa vida nesta granxa tan peculiar coas súas mellores cancións e as súas historias máis divertidas.

Quixote é o segundo espectáculo de Pedras de Tarxeta. Nesta ocasión afrontan o texto de Cervantes, un dos máis coñecidos da literatura española, en clave de comedia. Cunha estética inspirada no pallaso clásico (moi ao estilo Fellini) e en clave de clown, afrontan as escenas máis icónicas da novela, da relación antagónica entre Quixote e o seu escudeiro Sancho. Un Velocípedo no que vai montado Quixote será o Rocinante, e un triciclo no que irá montado Sancho será o peculiar Rucio, o asno de Sancho Bandullo. Ambos os elementos fabricados en bambú.

Yo, la Peor del Mundo é un espectáculo musical vibrante de rabiosa actualidade que nos conta a historia dunha muller que se enfronta a todo e a todos para ser libre. Coa forza dos seus versos, Sor Juana Inés de la Cruz, enfeitiza a corte colonial mexicana dun Imperio decadente onde se converte en amante dos poderosos, musa do Século de Ouro e vítima dunha Igrexa que non pode someter o seu espírito rebelde. Este é un espectáculo  vitalista, contaxiado da cor, a música, a beleza e a imaxinación dunha muller que foi un xenio no seu tempo e que segue asombrándonos no noso.