Divulgación

Mostra bibliográfica sobre o escritor Alfonso Daniel Rodríguez Castelao, para conmemorar o 129 aniversario do seu nacemento, que coincide coa celebración do Día da Ilustración en Galicia. 

Nesta mostra faise un percorrido cronolóxico da historia da escritura e os seus soportes dende a sua aparición ata  os soportes electrónicos como os e-books.

Esta exposición fai un percorrido polo proceso de industrialización en Galicia dende os seus inicios, a mediados do s.XVIII, ata a actualidade. Detense nos sectores produtivos máis representativos da economía galega dos últimos séculos, dende a pesca e a gandaría á industria naval, a téxtil ou da automoción.

A partir de mediados do século XV e nunhas poucas décadas nace, se desenvolve e chega a cumes artísticos e técnicos extraordinarios unha técnica e unha arte completamente novas. Tanto e tan rápido que se fala a miúdo do milagre ou da marabilla dos incunables. Estamos no nacemento da imprenta. Xa na época non era rara a utilización de adxectivos como divina, venerable ou sagrada para designar a nova arte, que era mesmo vista como un regalo e inspiración de Deus.

Exposición de xogos populares, a cargo da Concellaría de Xuventude do Concello do Grove. Nesta mostra pódense ver máis de 40 xogos, e  xogar con varios deles. Moitos están relacionados ou proceden de Pontevedra. Tamén estan expostos os máis de 20 libros de xogos populares e tradicionais galegos da organización, e outros xogos, libros e fotografías que forman parte dos fondos da propia biblioteca.

Mostra bibliográfica sobre Antón Losada Diéguez, co gallo da celebración do 130º aniversario do seu nacemento.

Mostra bibliográfica de obras relacionadas co libro e a edición, facendo especial fincapé na produción editora da cidade da Coruña, con motivo da celebración do Día da Edición.

Exposición realizada polo persoal da biblioteca con fondos da biblioteca sobre contos de Nadal con personaxes ruíns.

Exposición  nas instalacións da biblioteca e organizada con motivo do XIX Festival Internacional de Títeres Galicreques 2014

Mostra bibliográfica realizada polo persoal da biblioteca para dar a coñecer os fondos cos que conta a bibliteca desta figura, co gallo do 130 aniversario de seu nacemento.