A través da lectura e da escritura afondamos por medio do intelecto no mundo que nos ofrecen os sentidos, mesmo accedemos a outros mundos que os creadores e creadoras nos ofrecen. Con motivo do Día da Alfabetización queremos celebrar a aprendizaxe da lectura e da escritura a calquera idade con este centro de interese e mostra bibliográfica.
Do 13 ao 28 de setembro. Todos os públicos. Sala infantil.
O Museo das Peregrinacions e de Santiago acolleu este ano as Xornadas Europeas de Arqueoloxía 2024. Con tal motivo o museo preparou unha nova mostra virtual: «Desenterrando vitrinas. Ruta arqueolóxica polo Museo das Peregrinacións e de Santiago».
Acollemos esta exposición elaborada polo CEIP Raquel Camacho, da Coruña, gañador do Concurso das Letras Galegas 2024 na categoría de educación infantil e primaria. Trátase dun harmonioso conxunto de carteis nos que destacan a creatividade, a beleza estética, a cooperación de todo o alumnado na súa elaboración, o carácter integrador e inclusivo e o emprego de técnicas e recursos diversos (códigos QR, linguaxe Braille, pictogramas etc.), na procura de difundir a vida e a obra de Luísa Villalta entre a rapazada.
Acollemos esta exposición elaborada polo CIFP A Carballeira-Marcos Válcárcel, de Ourense, que resultou premiada no Concurso das Letras Galegas 2024 na categoría de secundaria, bacharelato e outras ensinanzas. Este traballo destaca polo seu carácter innovador ao nos amosar a protagonista das Letras Galegas como un avatar que nos convida a percorrer a súa traxectoria persoal e profesional a través do metaverso, unha realidade virtual na que descubriremos imaxes, recursos e actividades interactivas.
Charla formativa onde se explicará que é o mel, elementos necesarios para extraela. Diferenzas entre os individuos que habitan as colmeas e como son os panales onde as abellas gárdana con celo. E distinguir as distintas partes da colmea.
A figura do apicultor/a e do envasador/a, así como ás ferramentas precisas coas que traballa. Todo o ciclo de vida do Ouro Doce, desde as flores ata o bote de Mel de Galicia.
CATA DE MELES
Tes vista, tes olfato, tes gusto?
Conversa arredor da figura de Luísa Villalta, figura á que se dedica o Día das Letras Galegas.
Non só se falará da súa obra, tamén do compromiso social e cultural da autora, da súa faceta activista e da asociación música - literatura tan persoal e distintiva.
Para nenos e nenas de 6 a 12 anos (Familiar)
Duración: 45 minutos
Salón de actos
O día 2 de abril celébrase en todo o mundo o Día Internacional da Literatura Infantil e Xuvenil, conmemorando a data do nacemento de Hans Christian Andersen, autor de contos tan coñecidos como "O parrulo feo", "A princesa e o chícharo", "O soldadiño de chumbo"...
Centro de interese coas últimas novidades en literatura dramática e clásicos do xénero para chamar a atención sobre esta parte da literatura ás veces un pouco esquecida.
Qué reposo! ¡Qué luz...! ¡Qué garruleiro
brando cantar dos váreos paxariños
cando ó salir do sol polo quinteiro
douraba fontes, lagos e campiños!
¡Qué libre respirar...! ¡Qué placenteiro
ir e vir dos cabirtos xuntadiños!
¡Qué frescas, qué polidas, qué galanas
iban co gando as feitas aldeanas!
Sabiades que os fósiles permítennos coñecer a historia da vida no noso planeta? E a diferencia entre as rochas e os minerais?
Na biblio temos preparada unha exposición de fósiles, rochas e minerais na que poderás aprender o que nos din os fósiles sobre tempos pasados e coñecer as formas, cores e segredos que agochan os minerais.
Todas as pezas da exposición foron cedidas por Richard Romar Rodríguez.
Primeiro andar.
Poderá visitarse no horario de apertura da biblioteca.
