Contacontos/Narración oral

Contos, cancións, poemas e adiviñas para durmir.

“O meu neno pequeno,

quérese durmir.

Cántanlle os galos,

o kikirikí”

Contacontos baseado en todo aquilo que rodea ao soño. A hora de durmir, é moi importante nestas idades; e tratarei de axudar a papás e mamás dándolles recursos para que sexa máis fácil.

Por suposto, de forma amena e divertida para captar a atención dos máis pequenos.

Duración: 30 minutos. Capacidade:

15 nenos/as acompañados por 1 adulto.

Idade: de 0 a 3 anos.

Cantando os cantares, é un percorrido polos "Cantares gallegos" de Rosalía de Castro, en forma de concerto, no que os máis pequenos descubrirán como esta importante obra da literatura ten moito que ver cos nosos soños e aspiracións, tristezas e alegrías. E é que os “Cantares gallegos” son os nosos cantares, falan de nós,…

Duración: 40 minutos. Capacidade: 20 nenos/as.

Idade: de 4 anos en adiante.

Reserva de praza na biblioteca ou no teléfono 886 120 445.

Sabías que en Sudáfrica vive un porco chamado Pigcasso que debuxa cadros sen parar? E que o Capitán dos Corvos da Torre de Londres é galego? Coñeces a Jonathan, a tartaruga mais vella do mundo? Descobre estas historias, inspiradas en feitos reais, que tratan sobre a amizade, a exaltación das artes, a importancia da sanidade e o coidado dos nosos maiores.

Duración: 40 minutos.

Capacidade: 20 nenos/as.

Idade: de 4 anos en adiante.

Reserva de praza na biblioteca ou no teléfono 886 120 445.

Unha homenaxe á vida e obra de Florencio Delgado Gurriarán. Sintoniza o programa de radio “Florencio nas ondas” para coñecer a este gran poeta galego combatente, ao que lle dedican as letras galegas neste ano 2022. Florencio Delgado Gurriarán contribuíu coa súa obra a dignificación de Galicia, e a normalización da nosa fala, nunha época escura. Defendeu o uso da lingua galega, sen complexos, ata desde o exilio.

"Hai quen conta ovellas para durmir…eu conto chibos”

O Arquivo do Chibo é unha fabulación libre arredor do conto clásico dos 7 cabuxos e o lobo. Ollaremos nos Arquivos do chibo e atoparemos cantigas de lobos esfameados, fábulas de carneiros teimudos e a historia de sete cabuxiños desobedientes.

Un teatriño con múltiples xanelas e espazos serven de viñetas para contar a xeito de banda deseñada este clásico actualizado empregando monicreques, xoguetes, sombras…e moita moita cachifallada.

Duración: 40 minutos.

Para nenas e nenos de 4 a 12 anos.

A través da estimulación sensorial e da narración os nenos e nenas desenvolverán os seus sentidos e poñeranse en contacto coa compaixón e o respecto á vida dos animais cunha historia tenra e sensible que toca un tema actual.

Duración: 30 minutos.

Para nenas e nenos de 0 a 3 anos.

Salón de actos.

Inscrición previa dende o luns anterior á actividade na sala infantil e no teléfono 982828329.

Canta, Buguina, canta! Canta para nenos e nenas, para viaxar xuntas en igualdade, con amor e respecto. Soprando a nosa buguina, comezaremos a viaxe polo mar. Visitaremos illas onde viven caracois, galiñas poñedoras e vacas. Regaremos a herba. Xogaremos coa marea que sobe e baixa. Cantaremos cancións sobre a lúa e faremos barcos de papel para continuar viaxando lonxe. Brincamos coa imaxinación recreando animais con obxectos, barcos e illas de papel, un mar de tea ao son da música e as palabras. 

Contacontos Homenaxe a Florencio Delgado Gurriarán e a poesía galega a cargo de Servando Barreiro que cantará algúns dos poemas do poeta valdeorrés homenaxeado esta ano no Dia das Letras Galegas xunto con algúns dos poetas homenaxeados en anos anteriores.

No salón de actos. Para nenas e nenos de 3 a 8 anos. Entrada libre ata completar a capacidade da sala.

Cando estamos de festa abrimos unha botella e brindamos. Cando estamos tristes afogamos as nosas penas nunha botella. En botellas gardamos os máis prezados perfumes, os máis perigosos velenos e as máis beneficiosas menciñas.

Coa chegada da primavera un día vímonos sorprendidos na biblioteca cunha sorpresa. Cada vez que abrimos un libro, do seu interior saen voando unhas bolboretas. Os contos enchéronse de paxaros e flores, e a biblioteca estaba cuberta de olores e cores. Unha contada interactiva onde as palabras e os libros xogan coas bolboretas e as flores para mergullarnos nunha primavera de cores.

No salón de actos. Actividade dirixida a nenas e nenos de 3 a 8 anos. A entrada é libre ata completar a capacidade da sala.