Contacontos/Narración oral

O Contacontos está baseado no libro “Os nosos bosques” de temática medioambiental da editorial Miudiño, onde amosan a riqueza da vida que agochan os diversos bosques galegos, invitándonos a esculcalas e coñecermos as fragas atlánticas, as devesas luguesas, as carballeiras e soutos repartidos polo territorio… para descubrirmos a realidade que cubre boa parte do país, falarase do respecto pola natureza a posta en valor dos bosques como recurso…

 Carabranca é un espectáculo de narración oral pola igualdade interpretado por Iria Pinheiro, licenciada en psicopedagoxía e actriz (Premio María Casares mellor actriz e mellor texto orixinal 2019 e Premio Maruxa Villanueva á interpretación 2019) e baseado nun conto de Iván Sende. Carabranca é unha nena pirata que logra todo o que se propón, desafiando calquera perigo marítimo e terrestre. A partir do teatro de obxectos a actriz conta unha historia na que se entrelazan as aventuras co ánimo de superación e valores que fomentan a igualdade.

En escena, unha narradora e un músico fánnos viaxar a través do conto tradicional e noutras ocasións esbozan co seu camiñar novos vieiros, historias propias. *Camiño: Espazo trazado e disposto para poder ir dun lugar a outro.

Lara Soto é Maruxa Popins, unha nena-grande que con a súa xigante maleta e a axuda e sabiduría das nenas e nenos entenderá que o mundo pode ser mellor e máis igual para todas e todos. 

O espectáculo enlaza unha serie de contos que farán pensar aos máis pequenos sobre a igualdade, a integración e a cooperación, interactuando con eles e facéndoos participes das historias. 

Para finalizar dibuxarán colectivamente un mural. Unha actividade con música, historias e moita educación en igualdade. 

Nos tempos de María Castaña, cando os animais falaban, había un neno miudiño, miudiño coma un garavanzo. Tan pequeniño que ir ó mercado era unha aventura.

Para nenas e nenos de 3 a 8 anos. Entrada libre ata completar a capacidade da sala.

Contacontos interpretado en lingua de signos. A Federación de Asociacións de Persoas Xordas de Galicia interpretará contos na lingua de signos para as persoas que non poden ouvir e en voz alta para as demais.

Para nenas e nenos de 3 a 8 anos. A entrada é libre ata completar a capacidade da sala. 

No marco de Atlántica Miúdo estará con nós a contacontos Bea Campos con “Contos nas orellas”. Divertida sesión de contos para toda a familia! Como te chamas? Comecastañas. “Eu as como e ti as apañas”

Contos de risa, trasnos e carapuchiñas perfectos para os días de festa. A tradición oral da man da literatura infantil. Co ritmo das ondas no noso maxín, entraremos no mundo da fantasía e da imaxinación... Contos nas orellas é unha actividade para todos os públicos onde nenos e maiores poderán gozar das historias e da melodía das palabras.

Contos de paz na Biblioteca Ánxel Casal para conmemorar o Día Mundial das Persoas Refuxiadas. Contos para que a infancia medre nos valores da paz e non violencia, nos que está presente a resolución de conflitos e o respecto entre as xentes e os pobos do mundo. A través das diferentes historias a infancia coñecerá valores tan importantes como a paz, a solidariedade e a amizade.

Para nenas e nenos de 3 a 8 anos. Entrada libre ata completar a capacidade da sala.

O shériff ten un cabalo que sempre está durmido. O gran xefe atópao e, como non sabe que é do shériff, lévao para casa. Cando o shériff se decata sae correndo a buscalo. Quen quedará co cabalo ao final?

Actividade dirixida a nenas e nenos de 3 a 8 anos. A entrada é libre ata completar a capacidade da sala.

Lugar: ludoteca

Idade: de 0 a 3 anos

Un vermiño vai da laranxeira ao limoeiro.

Non é moito camiño, mais será unha viaxe apaixonante!

Un espectáculo pensado e creado para os máis cativos, con elementos sinxelos; caixas, ruídos, luces, cores... con esta pequena peza pretendemos que os nosos nenos e nenas abran os seus ollos e os seus sentidos.