Contacontos/Narración oral

TRASTENDA DOUS CONTOS é unha compañía de teatro que vira ao redor da tradición oral e a palabra falada. Nel atoparás espectáculos de narración oral para todas as idades, todas as temáticas, todas as estacións do ano... Partindo de contos, lendas, feitos históricos, tradicións, cancións... propoñémosche viaxar a outras épocas, a outras persoas... outras vidas

Pero en Trastenda non só contamos historias. Nada máis rebuscar nos nosos andeis atoparás toda unha serie de produtos e proxectos que, sen afastarse da narrativa oral, achegan propostas frescas e novas para todos os públicos.

Celebramos o Día do Libro co contacontos “Na procura dun tesouro” da man de Sole Felloza. 

Que acontece cando un grupo de amigas e amigos, descobren o mapa dun tesouro?

Pois que saen a buscalo, claro.

Será ouro, pedras preciosas, moedas antigas?

Unha chea de libros servirán de moita axuda para entender as pistas e sinais que agocha o mapa.

Na procura, mil aventuras e un final sorprendente!

No salón de actos. Para nenas e nenos de 3 a 8 anos. A entrada é libre ata completar a capacidade da sala.

O soño de Sophie é ser unha deseñadora de moda con sona e, por iso, espía á modista do seu barrio, Dottie. Un día, Dottie, que estase a facer maior, non pode rematar un vestido a tempo e Sophie decide axudala ás agachadas. Como reaccionará Dottie cando vexa o vestido rematado? Acadará Sophie ser unha gran deseñadora?

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Neste contacontos empréganse contos e poemas como elemento de recuperación de palabras propias (que levou a choiva). Coa participación da rapazada nas diferentes historias a través de xestos, movementos e verbalizacións, traballamos tamén aspectos de educación emocional, sempre tendo en conta a igualdade e o respecto á diferenza como un elemento transversal.

No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.

Sesión de contos e cancións con miga que divirten e fan pensar sobre cuestións como a solidariedade, o consumismo , os xogos e a lingua.

-Público familiar, a partir de 3 anos

-Entrada libre ata completar a capacidade do salón de actos

Lugar: salón de actos

Entrada libre ata completar a capacidade da sala

Caramuxo Teatro

Caramuxo Teatro presenta o seu espectáculo inspirado en “O Parrulo Feo” de Hans Cristhian Andersen, para nenos a partir de 3 anos e familias.

A pequena fábrica de parrulos de Goma “Il Papero Giallo” produce tódolos dias centos e centos de parrulos do mesmo tamaño e cor, mais un dia sae un parrulo diferente... Feo! é un canto á diversidade e a esencia de un mesmo, unha comedia para toda a familia.

Lugar: ludoteca

Entrada libre ata completar a capacidade da sala

O sapo Manuel vive na súa poza contento de ser un sapo, pero hai unha princesa que sempre o persegue para darlle bicos.

Duración: 30 minutos

Lugar: salón de actos

Entrada libre ata completar a capacidade da sala

Bea Campos. Migallas teatro.

Cómo te chamas?
Comecastañas.
“Eu as como
e ti as apañas”

Contos de risa, trasnos e carapuchiñas perfectos para os días de festa. A tradición oral da man da literatura infantil. Co ritmo das ondas no noso maxín, entraremos no mundo da fantasía e da imaxinación…

Contos nas orellas é unha actividade para todos os públicos onde nenos e maiores poderán gozar das historias e da música.

Ata hai pouco tempo os contos infantís reflectían un mundo onde os mozos eran sempre os heroes que salvaban a unha débil princesa e case nunca aparecían mozas decididas e resoltas. En cambio, neste espectáculo agardan por nós viaxes cheas de aventuras nas que coñeceremos a nenas e mulleres bravas que loitaron contra os prexuízos para conseguir os seus soños. Contos que transmiten valores de igualdade, respecto e convivencia entre nenos e nenas e entre mulleres e homes.

Dirección e interpretación: Raquel Queizás

Buscaremos recursos sonoros para o conto de monicreques "Garavanciña e o esquío". Crearemos os sons con voces, instrumentos, chapas e obxectos cotiáns. Xogos musicais da man de Mirari, unha vasca establecida en Galicia, que nos axudará a poñerlle música ao conto e no que participará todo o grupo de familias participantes.