Un fabricante de zapatos da vella fabrica de Montealegre chegará a Biblioteca Juan Compañel para camiñar con zapatos de cartón polos contos e as historias na percura da carta dos bosques para coidar a terra.
Duración: 45 minutos.
Idade: de 4 anos en adiante.
Reserva de praza na biblioteca ou no teléfono 886 120 445.
A señora Emilia atopou un pucheiro máxico onde se cociñan caldos e guisos deliciosos e a mellor marmelada do mundo. Pero a señora Emilia é moi agradecida e presta o pucheiro a quen o precisa a cambio dunha boa historia. E estes son os contos de aquí e de alá, de medo e de risa, tristes e enxeñosos que lle contaron á señora Emilia.
Duración: 45 minutos.
Idade: de 4 anos en adiante.
Reserva de praza na biblioteca ou no teléfono 886 120 445.
Obradoiro no que nos achegaremos ao funcionamento das imaxes e cine en 3D, descubrindo as súas orixes a través de pezas do museo e mesmo construíndo os nosos propios visores de imaxes tridimensionais.
O poemario "A (deas) memoria" de Clara Vidal fala dunha linguaxe difícil de entender, propio das persoas que empezan a sentir desvanecer a súa memoria.
Pola súa banda "Cartas dende ou esquenzo", de Baldo Ramos, é un diálogo entre un pai que envellece, afectado de perda de memoria e os seus fillos.
A presentación correrá a cargo da Presidenta de AFACO, Mª Carmen Martínez Pulleiro.
Desenvolverase un diálogo entre os escritores, con lectura intercalada de poemas. Posteriormente, facilitarase un espazo para o diálogo entre os asistentes.
Espectáculo de narración oral para público familiar da man da mestra e contadora Vero Rilo (Daboapipa, Rilo&Penadique, Apatacón, Pallasos en Rebeldía), onde achega unha selección de contos de autor e autora, tradicionais e de recollida xunto con xogos cotiás que xa non o son tanto. Un achegamento á memoria tradicional e familiar compartida.
No salón de actos. Para nenas e nenos de 3 a 8 anos. Entrada libre ata completar a capacidade da sala.
Sesión de contacontos destinada a bebés, e a adultos acompañantes, con ganas de compartir unha experiencia feliz, da man das palabras, as emocións que acompañan as palabras, as cancións, a lectura, os libros...Todo acompañado de obxectos manipulables para chamar a atención deste público inquieto, e á vez, ávido de experimentar, de gozar, xunto aos seus seres queridos.
Celebramos o Día do Libro tecendo soños e levando ilusión ao público infantil coas máxicas historias que se agochan nos libros. Convidámoste a soñalas.
No salón de actos. Para nenas e nenos de 3 a 8 anos. A entrada é libre ata completar a capacidade da sala.
O luns 21 de marzo celébrase o Día Internacional do Síndrome de Down e na Biblioteca temos un acto organizado pola asociación Down Ourense, un contacontos para nenos e nenas de 6 a 12 anos "O cazo de Lorenzo".
As prazas son limitadas polo que é necesaria a inscrición previa nos teléfonos 988 788385/ 86
No marco de Os sábados, choiva de contos leremos o manifesto do Día Internacional do Libro Infantil, escrito este ano polo autor Richard Van Camp e ilustrado por Julie Flett da sección de Canadá do IBBY, Organización Internacional para o Libro Infantil e Xuvenil. A continuación, teremos o contacontos “Acender a noite” que estará a cargo de Soledad Felloza. Contos para alumear no Día internacional do Libro Infantil e Xuvenil.
No salón de actos. Actividade dirixida a nenas e nenos de 3 a 8 anos. A entrada é libre ata completar a capacidade da sala.
Na Biblioteca os mércores son de conto con Sarabela Teatro, vinde ler, cantar, recitar e xogar entre palabras! Esta semana toca celebrar o Día do Libro!
Actividade pensada para nenos e nenas de7 a 12 anos . As prazas son limitadas polo que é necesario a inscrición previa desde o venres anterior á actividade ao 988 788385.
