O obxectivo principal deste congreso é a análise e a reflexión sobre os novos comportamentos da arte de acción, tanto desde a práctica como desde a reflexión teórica.
Organizado pola Universidade de Vigo, coa colaboración do CGAC.
Participación no congreso: inscrición previa
Ciclo de accións: acceso libre
Volve o Café da memoria, desta vez para falar do persoal de traballo en casas alleas.
Traballaron como criadas, internas en fogares de persoas de maiores posibilidades económicas, ou como externas en cociñas, labores de limpeza ou máis recentemente, como coidadoras de persoas dependentes. En xornadas duras e, en moitos casos prolongadas, o traballo doméstico equivale non só a falar do "lugar natural" das mulleres, senón tamén dun traballo que pese a importancia social e económica que ten, é sistematicamente desvalorizado e invisibilizado.
A toponimia é a disciplina que estuda os topónimos ou nomes propios de lugar: os das aldeas e parroquias, os dos ríos e leiras, os dos penedos e fontes. Constitúe un aspecto fundamental do noso patrimonio que liga a lingua propia de Galicia coa xeografía, a historia ou a arqueoloxía de noso.
A Mariña Lucense conta ca maior porcentaxe de edificacións catalogadas de estilo indiano, é un legado que se está perdendo.
O organizador da exposición O legado indiano, propón esta mesa para falar sobre a creación dunha ruta turística/cultural.
No salón de actos, a entrada é libre ata completar a capacidade da sala.
Tomar un café falando de ciencia: esa parece ser a esencia dos cafés científicos que organiza o Centro Oceanográfico de Vigo e que se celebran os mércores de novembro no café Tinta Negra (Irmandiños, 2). O 22 de novembro falarán de A contaminación no país das mil marabillas, con Juan Bellas, e das Toxinas mariñas e mareas vermellas ¿Qué futuro nos espera?, con Francisco Rodríguez. O 29 de novembro será a quenda da acui-cultura, con Montse Pérez.
O ciclo Un vermú por Vindel achega ás librarías conversas entre libreiros, expertos e público en xeral. Coa figura de Pedro Vindel como referente, a secretaría xeral de Cultura ofrece a posibilidade de analizar o papel do libreiro como dinamizador cultural e mediador entre lectores e libros, así como de departir sobre as cantigas de Martín Códax, e os trobadores e o seu tempo.
A cita é os sábados, ás 12.00 horas.
Cancélase a charla informativa sobre o 15º aniversario do afundimento do Prestige do Grupo Municipal do BNG por motivos alleos á biblioteca.
No salón de actos. Entrada libre ata completar a capacidade da sala.
Nesta primeira sesión do ciclo Entre... e a arte, Entre o pensamento e a arte, reúnense tipos de pensamentos filosóficos ou intelectuais que tratan sobre a arte, pero que non son exclusivamente estéticos senón máis globais. Formulámoslles como punto de partida a idea de tradución: dunha lingua a outra, dunha imaxe visual a un relato, dunha proposta literaria a unha obra visual, ou a análise do propio sentido da tradución.
Os críticos Arturo Reverter e Victoria Stapells serán os encargados de impartir a quinta e última conferencia do Outono Lírico do concello de Vigo.
Reverter dirixe e presenta dende hai décadas o programa de Radio Clásica "Ars Canendi" no que analiza a arte do canto. Victoria Stapells é historiadora e investigadora do Arquivo Xeral de Indias en Sevilla, ademais de colaborar con diferentes publicacións sobre ópera.
A Asociación de Amigos da Ópera de Santiago organiza unha conferencia que, baixo o título Heroínas Verdianas: Gilda y sus hermanas, analizará os personaxes femininos dende o punto de vista teatral e musical no conxunto da obra de Giuseppe Verdi. A conferencia estará presentada por María Pardal Sánchez, membro da directiva da Asociación de Amigos da Ópera de Santiago de Compostela, e contará coa participación do crítico e comentarista musical Arturo Reverter e da especialista canadense Victoria Staples.
