A “irmá pequena” de Puerto Rico que ten seguido os pasos de Calle 13, refrescando os sons clásicos da música latina, desde o bolero ao boogaloo, servidos coa súas característica combinación de emoción e carisma.
Concerto do Womex 2016 co Full Pass
Reyfado Lisboa recrea a atmosfera das noites de fado nos vellos vecindarios lisboetas nos que naceu esta música. Recuperan, recrean e celebran o legado dos grandes e as grandes fadistas.
Pedro Moutinho – voz
Sandra Correia – voz
Matilde Cid – voz
Tiago Silva – guitarra acústica
Frederico Gato – baixo acústico
André Dias Portuguese – guitarra
Concerto do Womex 2016 co Full Pass
Desde 1998, Les tireux D’Roches deleita ás audiencias coa súa aproximación ás tradicións de Quebec, ás que incorpora un brillante xeito de tocar, historias surrealistas e unha xenerosa alegría de vivir.
Denis Massé – acordeón, guitarra, voz
Dominique Lemieux – guitarra, bouzouki, banjo, voz
Luc Murphy – flauta, saxofón, clarinete
Pascal ‘’Per’’ Veillette – harmónica, feet tapping
David Robert – percusión
Concerto do Womex 2016 co Full Pass
Dende 2003, Bareto explora os límites da cumbia peruana aos que de xeito audaz se incorporaron elementos do ska, do son, merengue, rock e reggae. Con esta combinación conseguiron un premio Grammy en 2012. Herdeiros da música peruana dos sesenta, incorporan sonoridades da música andina xunto a guitarras eléctricas surf para recuperar un rock psicodélico latino que volveu a tomar protagonismo musical na última década.
Niño de Elche é un cantaor, cantante de flamenco, pero non é coñecido por iso. As súas referencias non son Camarón ou Morente, el está máis influído por Bilxa Bargeld, Diamanda Galas o Scott Walker. É un artista multidisciplinar, que combina o xeito flamenco de cantar con toques de artista performático, poeta, improvisador, minimalista, e tamén maneiras de cantautor, algo de rock e electrónica. No seu disco de 2015, Voces del Extremo, compila textos de poetas contemporáneos que pertencen a un novo movemento poético chamado Poesía de la conciencia.
Xarnege é unha palabra gascona que se refire aos pobos de ambos lados da fronteira de Euskadi. Ademais de se expresar na súa propia lingua, a xente de ambos os dous lados comparten características culturais e tamén moitas cancións, para as que as melodías son comúns, pero están interpretadas con instrumentos diferentes e bailadas con diferentes pasos.
A fértil escena musical de raíz en Finlandia medra ben dentro dunha apla rede de creativos músicos, moitos dos cales colaboran simultaneamente en diversos proxectos. Okra Playground é un lugar de encontro para seis especialistas a través dos xéneros traendo icónicos instrumentos tradicionais, como o kantele, con sons electrónicos e percusión étnica global, baixo eléctrico e acordeón contemporáneo.
Cunha grande destreza tocando e unha enerxía entusiasta, The East Pointers están a abanear a vida do folk céltico canadiano e levándoo a unha nova xeración de ouvintes. Koady Chaisson -biólogo, ‘banjista’ e pescador de langostas- e o violinista (e exitoso cantautor) Timoty Chaisson son curmáns e pertencen á máis importante dinastía musical da illa Prince Edward.
Capas inquietantes, tensas e ambientais evolúen cara golpes insistentes con tons percusivos profundos, intensificándose e indo cara a estruturas rítmicas persuasivas onde a electricidade urbana se encontra co espazo pastoral. Black String opera nunha zona sen fronteiras entre a música tradicional coreana e o jazz contemporáneo, explorando elementos improvisatorios de ambos xéneros para atopar novos sons e formas de expresión.
Puerto Candelaria é o lugar real e imaxinario onde vive a banda underground máis innovadora e independente de Colombia. De aí sacn a súa inspiración, liderados polo incansable Sargento Remolacha, a.k.a. director e tecladista Juan Valencia.
Despois de 16 anos, Puerto Candelaria evolucionou desde os seus comezos no jazz colombiano ao burbulleo de todos os estilos de hoxe, apuntando acedos e humorísticos comentarios sobre a vida política colombiana mentres mesturan xéneros, desde o porro ao ska, vallenato e máis alá, gañando unha chea de fans na casa e máis aló.
