Concerto

Un personaxe camaleónico e pioneiro. Así é Paddy Steer, músico visionario de Manchester que prefire operar nas periferias. Fundador no seu momento do selo Ninja Tune, Steer cultiva os sons de maneira que o conxunto da súa obra abala entre o hipnótico e o irresistible. Podemos atopar ecos do jazz etíope ou de Sun Ra; entre os seus artistas inspiradores –aínda que como el mesmo di depende da semana- poden estar Hermeto Pascoal, Nina Simone ou Tony Allen. Paddy Steer constrúe as súas ferramentas de traballo: inventa instrumentos e deseña a súa propia indumentaria.

Unha sesión de contos para nenas e nenos de 0 a 5 anos coa música como fío condutor, onde a fantasía, a lingua e a ilusión serán as protagonistas.

Nela, Pablo Díaz irá mesturando contos con algunhas cancións dos seus discos Tic Tac, Toc Toc e, principalmente, Xente miúda, moita fartura.

Reservade a vosa praza.

O seu novo espectáculo 'Método Cardiofónico' baséase nos ritmos de latexos do corazón que o doutor Iriarte gravou nos anos 40.
Tomando como base eses latexos que o doutor Iriarte editou en placas de lousa, Germán Díaz crea todo un universo sonoro. O playasax, a rolmónica cromática ou o órgano de barbaría danse a man coa zanfona e a gravación de loops en directo para crear este espectáculo único. 

O ciclo 'Na Raíz' trae esta ben interesante proposta musical coas entradas xa á venda. 

Aquaserge, banda liderada por Julien Barbagallo, Julien Gasc e Benjamin Glibert, abre o ciclo  'Vello, raro, novo' cun concerto no Museo de Arte Contemporáneo Gas Natural Fenosa da Coruña.

 A entrada ten un prezo de 5 euros e podes mercala na Internet, na recepción do propio museo e en Discos Portobello. 

Formados en Sheffield en 2001, nun principio como trío (despois con varios cambios de compoñentes, até chegar ao cuarteto actual), 65daysofstatic é unha formación instrumental que se move polo post-rock de maneira moi persuasiva, cun estilo que nos inicios da súa carreira discográfica, alá por 2004, cando publicaron o seu LP de debut, "The Fall Of Math", foi acertadamente descrito como "a banda sonora dunha nova dimensión onde o rock, o dance e a electrónica son iguais". . A súa discografía consta de seis albums de estudio e un en directo, nove EPs e singles e dúas bandas sonoras.

Os asturianos Trash-Tornados encherán co seu neo-swing a tamén compostelá sala Riquela, onde o Festival Outono Códax quere recuperar a maxia dos concertos íntimos e de proximidade propios dos vellos clubs do xénero.

Banda siciliana que está a ser un dos revulsivos do actual panorama musical do xénero coa súa explosiva mestura de rhythm&blues e ritmos afrocubanos.

Cunha atronadora voz, un piano boogie, unha exquisita guitarra, un potente saxo, un sedutor baixo e unha batería chea de swing estes virtuosos resucitan o auténtico son de clásicos coma Clarence Garlow, Fats Domino, Smiley Lewis, Dave Bartholomew, Lee Allen ou Professor Longhair.

A norteamericana Martha High, unha das grandes voces do funk e o soul contemporáneos é protagonistas da segunda cita co Outono Códax Festival, o festival galego de música negra que este ano celebra, como é habitual en Santiago de Compostela, a súa 6ª edición, baixo o patrocinio de Martín Códax e coa colaboración de Pousadas de Compostela así como a de case un cento de establecementos hostaleiros e comerciais da capital galega.

Estará rodeada dunha banda de auténtico luxo, The Tighten Ups, formación encabezada polo gran Julián Maeso e na que tamén militan Mayka Edjole.

As secretarías xerais de Política Lingüística e de Cultura da Consellería de Cultura e Educación xunto coa Escola Oficial de Idiomas (EOI) de Santiago organizan "aRi(t)mar galiza e portugal",unha iniciativa apoiada tamén polo Concello de Santiago de Compostela e pola Deputación da Coruña. ARi(t)mar persegue o obxectivo de dar a coñecer e difundir a poesía e a música editadas en Galicia e Portugal, así como achegar a cultura e a lingua dos dous países, no marco das accións de desenvolvemento da Lei Valentín Paz-Andrade para o aproveitamento da lingua portuguesa e vínculos coa lusofonía.

O  27 de outubro conmemóranse os cen anos da primeira visita de Federico García Lorca a Galicia, unha viaxe bisagra entre a súa vocación musical e o comezo da súa carreira literaria.

O guitarrista Samuel Diz presentará o seu disco ‘Impresiones y paisajes, como el primer libro de Lorca’, nun espectáculo en diálogo cun dos maiores coñecedores da figura do poeta, o hispanista Ian Gibson

Música e pensamento uniranse neste concerto, apoiado pola Xunta de Galicia, á palabra da xornalista Carolina Alba, que declamará fragmentos da obra lorquiana.