Trovador panamericano radicado en Toronto desde 2007. Combina cumbia, bolero, son, huapango, ranchera, jazz, blues, country, bluegrass e reggae sen descoidar a conciencia social.
Quique Escamilla – guitarra eléctrica
Chris Butcher – trombón
Daniel Mock – baixo
Marito Marques – batería
Concerto do Womex 2016 con pase Full-Pass
Esta banda de irmáns afincada en Montreal combina a harmonía dun grupo a capella e unha banda eléctrica con moito ritmo. Góspel, soul, r & b, reggae e influencias do soul-jazz alimentan a esta banda que non deixa fóra as súas raíces da música do Chad.
Israel Rimtobaye – voz, teclados
Caleb Rimtobaye – voz, guitarra
Amos Rimtobaye – voz, baixo
Dono Bei Ledjebgue – voz, batería, percusión
Concerto do Womex 2016 con pase Full-Pass
A singular voz de José Mucavele é ben coñecida e querida en Mozambique. Esta voz cálida e sonora, acompañada sempre da guitarra, leva 45 anos de creación e só tres discos. A súa composición máis famosa, Balada para as minhas filhas, foi adoptada pola UNICEF como himno. Mucavele dedicou moitos anos a investigar o patrimonio musical de Mozambique, recollendo ritmos, cancións e estilos dese país. O seu traballo e a súa maneira de cantar convertérono nunha lenda da música mozambicana.
José Mucavele – voz, guitarra
Nakany Kanté utiliza unha combinación de música tradicional guineana e pop-malinké como vehículo para compoñer as súas orixinais cancións. Nelas conta historias morais, reflicte a realidade social e argumenta a desigualdade de xénero ou o abandono dos nenos. En paralelo, canta tamén con mensaxes de esperanza e con exhortacións a celebrar a vida. Nacida preto da fronteira con Mali, medrou rodeada de música, pero non é ata os 18 anos cando decide facer carreira musical e trasladarse a España.
Nado en París de pais caribeños, Pascal Danae seguiulle a pista ao seu amor intuitivo polo blues detrás do seu fogar ancestral en Guadalupe. El chamoulle ao seu proxecto de trio Delgres por Louis Delgrès, o oficial descendente de africanos que deu a súa vida loitando contra o intento de Napoleón de reinstaurar o escravismo en 1802.
Paixón e destreza combinados nunha experiencia impresionante e fermosa cando C4 tocan xuntos. Os tres virtuosos do ‘cuatro’ coñecéronse en 2005 compeetindo individualmente no concurso Siembra del Cuatro. Unha jam session casual levounos a crear un proxecto que os levou a conseguir múltiples premios e a xirar por Sudamérica, EEUU e Europa.
En 1964, no Festival dos Dous Mundos en Spoleto, un espectáculo chamado Bella Ciao causou moita controversia e marcou o comezo da recuperación da música folc italiana. Cincuenta anos despois, un prestixioso grupo volta para recuperar o seu influínte ciclo de cancións, que hoxe adquiren unha nova urxencia no mundo globalizado polos valores que promove: liberdade, paz e dereitos civís.
Oligarkh debuxa impactantes collages de sons, imaxes e palabras para crear xustaposicións de cultura urbana contemporánea, memoria folc e décadas de expresións populares de carácter nacional. O novo produtor de hip-hop de San Petersburgo fixo o seu debut en 2013 co seu album ‘Zemlya i Volya’ (Terra e Liberdade), descrito como “unha mestura de música espiritual, folc, chanson enmarcada por ritmos rotos e balalaika de 8 bits”.
Con apertura de xéneros, esta fusión de afrofunk, malinké guineano, dub árabe, candomblé brasileiro, samba, cumbia carimbó, e cantos brasileiros, e o que faga falta… Bixiga 70 lanzáronse á vangarda da escena instrumental brasileira contemporánea.
Nomeada logo do ‘melting-pot’ cultural do seu barrio paulista, Bixiga, xunto cos seus chapeus e a inspiración de Fela Kuti, estes dez músicos de procedencia diversa operan como colectivo, compartindo créditos na composición e xestionando o seu propio estudo de gravación.
É rock? É kuduro? Non, é Rockuduro! Unha colisión ultrarrápida perpetrada por unha conspiración creada nalgún lugar entre Angola e Portugal. Os conspirados son o cerebro do rock/electrónica (guitarra/teclados) Marco Castro e o percusionista do Porto Igor Domingues (a partir de agora coñecidos como Throes) e os explosivos vocalistas Diron e Mob Dedaldino desde Luanda (coñecidos como The Shine).
