Bumba II: De Zigala a Zemambiquo é unha colaboración entre artistas de Santiago de Compostela e Maputo. Entre Fran “Narf” Pérez, un dos principais compositores e líderes da música contemporánea galega, e Timbila Muzimba, un colectivo fundado por un grupo de mozos mozambicanos músicos e bailaríns en Maputo no ano 1997. Todos xunto teñen actuado en España, Portugal e Mozambique ao longo dos últimos dez anos.
Formado por Jorge Montes, Fernando Buide e Alejandro Sanz contan neste proxecto coa colaboración de Juan Ibáñez e nace sen límites de repertorio, estilos ou formación. Basea o seu ideal de traballo na calidade e respecto pola música. O propio nome quere reflectir un meticuloso pragmatismo á hora de afrontar os proxectos, concertos etc. Na súa faceta didáctica é un proxecto multidisciplinar, que ten como principal obxectivo mostrar o punto de encontro entre diferentes linguaxes artísticas, partindo sempre dunha idea musical.
Afrofunk animado, ritmos hip-hop, jams de rapidísimas guitarras: a música de Jupiter Bokondji reflicte as súas moitas experiencias. Nado en Kinshasa, empezou a tocar cando a súa avoa, unha curandeira tradicional, en cerimonias e funerais. En 1974, o seu pai, diplomático, foi enviado ao Leste de Berlín, onde Jupiter descubriu o rock. Logo voltou a Kinshasa convencido de que a música que escoitara en Europa tiña raíces na historia dos 450 grupos étcnicos doCongo e que esa música podería ser unha forza unificadora.
No norte de Tunicia, entre as montañas e a fronteira alxeriana, atópase o pequeno pobo de Bargou. Situado nunha das zonas máis pobres de Tunicia, posúe un auténtico patrimonio cultural chamado ‘salhi’. Ritmos e instrumentación -tambores de marco, guembri, frautas- conectadas coa música bereber, pero o illamento rural de Bargou encargouse de que alí medrara un estilo propio, aínda que sen gravacións orixinais.
Kondi Band é unha asociación entre Sorie Kondi (Serra Leoa), que toca o kondi (thumb piano) e o produtor americano Chief Boima, que tamén ten ancestros neste país africano. O proxecto foi creado logo de que Boima se atopase cun vídeo dun dos temas de Sorie, ‘Without Money No Family’. Sorprendido pola súa característica voz, polas letras comprometidas e unha forma incrible de tocar o instrumento que el mesmo fixo, Boima tivo claro que tiña que mesturalo.
United Vibrations son os irmáns Ahmad, Kareem e Yussef Dayes e Wayne Francis II. O seu son é unha mestura de ska e punk. A súa lista de inspiracións musicais vai de John Coltrane a Fela Kuti, de Weather Report a Bob Marley, de Ali Farka Touré a Sun Ra e unha miríada de sons do mundo.
Ritmos altamente enerxéticos sacados dunha vella lata de paprika; un pandeiro e unha pandeireta dirixindo os cantos; un violín, unha gaita e un acordeón convidando a bailar antes de fusionarse nun suntuoso zunido para apoiar unha balada. Radio Cos explora a diversidade das profundas raíces da música folc galega para cantar e bailar coa paixón de celebrar a identidade desta histórica nación e as súas itinerantes influencias que moldearon a súa cultura musical actual.
Noura Mint Seymali é unha estrela adorada no seu país e un dos principais emisarios da música de Mauritania. Nada nunha importante familia dedicada á música, Noura comezou a súa carreira aos 13 anos como vocalista de apoio da súa madrastra, a lexendaria Dimi Mint Abba. A súa avoa adestrouna na arte da ‘ardin’, unha harpa de 9 cordas reservada só para mulleres.
Cita musical para coñecer o que ofrece o panorama musical galego con catro bandas da terra que navegan na órbita do rock e do pop.
A entrada en venda anticipada cota 4 euros e está dispoñible en Elepé. Na billeteira da sala o día do concerto será de 5 euros.
Rapero e produtor, Boogat vive entre Quebec e Cidade de México. Gañou fama cunha mestura de cumbia dixital, reggaetón e global bass, unha combinación feita desde a vangarda sen descoidar os comentarios sobre a situación social.
Daniel Russo Garrido – voz, MC
Eugenio Roberto Osorio – percusión
Ian Lettre – batería
Etienne Lebel – trombón, trompeta
Serge Pelletier – guitarra
Concerto do Womex 2016 con pase Full-Pass
