Onde máis doe, de Manane Rodríguez (2022, 65′) Longametraxe documental de ficción sobre a violencia vicaria. Nel a cineasta reflexiona sobre o chamado síndrome de Medea, que se manifesta cando unha ou un dos proxenitores lles arrebata a vida ás súas fillas e fillos como instrumento de poder para vingarse da súa parella.
Na Dinamarca actual, unha sociedade multicultural, segregada e chea de tensións raciais, Talib, un mozo inmigrante de segunda xeración, entra en coma estando baixo tutela policial.
Mentres os axentes de policía Høyer e Andersen fan unha patrulla rutineira polo gueto de Svalegarden anúnciase a morte do mozo, noticia que desata violentos disturbios na veciñanza, que se converte nun inferno sen saída para os axentes.
Este ano o Circo de Artesáns cumpre 175 anos de vida. É, por tanto, a entidade cultural e social viva máis antiga de Galicia. O documentario foi elaborado pola produtora de e Nós-TV nel participaron historiadores, musicólogos e escritores. A través deste interesante documentario poderanse coñecer capítulos importantes e aínda descoñecidos do devir da cidade da Coruña e de Galicia nos tres últimos séculos. Durante o acto actuará o histórico coro de , Cántigas da Terrasempre estreitamente unido ao Circo de Artesáns ao longo dos anos.
Trinta anos despois do seu filme 'JFK', Oliver Stone regresa ao asasinato do presidente John F. Kennedy. Mostra novas probas e testemuños recentemente desclasificados sobre un dos asasinatos máis misteriosos da historia estadounidense. Acompañado polos narradores Whoopi Goldberg e Donald Sutherland, así como por un distinguido equipo de forenses, expertos en medicina e balística, historiadores e testemuñas, o director presenta probas convincentes de que no caso Kennedy a 'teoría da conspiración' é agora un 'feito conspirativo'.
París, distrito 13. Émilie coñece a Camille, que se sente atraído por Nora, que, á súa vez, cruza no camiño de Amber. Tres mozas e un rapaz. Son amigos, ás veces amantes e, a miúdo, as dúas cousas.
Este drama de madurez ambientado nos tumultos da Irlanda do Norte de finais dos anos 60, segue ao mozo Buddy mentres navega por unha paisaxe de loita obreira, cambios culturais e violencia sectaria. Buddy soña cun futuro glamuroso que se afasta dos problemas, pero, mentres tanto, atopa consolo no seu carismático pai e nai, e nolos seus alegres avós.
Actual People é un arriscado estudo antropolóxico sobre as xeracións millennial e Z. Nesta historia sobre a feminidade nun período transcendental, a veinteañera Riley debe afrontar, con frustración e torpeza, a crecente ansiedade que lle produce a súa vida amorosa, a súa contorna familiar e o seu futuro como mozo asiático-americana na súa última semana de universidade.
Músicas que saen de dentro, por necesidade. Estilos diversos para un mundo diverso. Historias cantadas con voz propia. Cun estilo persoal influenciado polas músicas de raíz, Sofía Espiñeira diríxese a un público heteroxéneo cun repertorio variado no que bota man do estilo directo que caracteriza á canción de autora.
Na actualidade atópase en plena xira de presentación do seu sétimo traballo de Estudio El Efecto Boomerang que inclúe seis cancións, unha delas en galego e o resto en castelán e varios textos ou poemoas escritos tamén pola autora coruñesa. O disco foi gravado en Madrid, no Estudio Raro Tempo de David San José, músico e productor de artistas como Víctor Manuel e Ana Belén, que se implicou moi directamente en cada arranxo do disco que lle valeu a Silvia para ser novamente Finalista na categoría Canción de autor nos Premios Martin Codax da Música galega 2020.
Nestes tempos onde revisitamos as nosas prioridades, a música emerxe como esa compañeira necesaria que pon banda sonora as nosas biografías. Nela escollemos as coordenadas que constrúen memoria, sentimentos, sensacións, fuxidas, soños e tamén as outras vidas que decidimos non vivir. A soidade mírase elegante nos seus acordes, sinalando un antídoto en cada abstinencia. Para que todo isto pase, alguén ten que rexistrar o son e, nese facer, achegar honestidade, paixón e unha voz propia.
