Artes plásticas

Antonio Murado, artista recoñecido de maneira unánime por parte da crítica, vive e traballa en Nova York, onde ten o seu estudio. Na actualidade, a súa obra está presente en importantes coleccións públicas e privadas de recoñecido prestixio tanto a nivel nacional coma no estranxeiro.

AM 34 x 24 Vol. I articula unha serie composta por un cento de obras de idéntico formato. Trátase dunha revisión daqueles temas que forman parte do seu particular universo pictórico e que nos achegan á súa intimidade máis descoñecida, onde o lenzo se converte en verdadeiro testemuño autobiográfico.

Co gallo do Día da Ilustración 2015, a Biblioteca acolle esta exposición organizada pola Fundación Eugenio Granell acompañada dunha mostra bibliográfica realizada pola biblioteca.

Con esta mostra, a Fundación Eugenio Granell, continúa a actividade expositiva que conmemora a celebración do seu 20 aniversario (1995-2015). Esta exposición forma parte da colaboración establecida entre a Fundación Eugenio Granell e a Fundación Luis Seoane, completando un ciclo expositivo que fixo posible a realización da mostra Eugenio Granell. O regreso dos amantes, que se puido visitar o pasado verán na Fundación Luis Seoane.

O autor Kiko da Silva é o coordinador dunha mostra de importantes dimensións que estará instalada no Pazo da Cultura de Pontevedra.
A exposición "Spirou, de Champignac a Pontevedra" ten unha longa lista de artistas convidados (máis de setenta obras de autores, alumnos e nenos de Galicia xunto con autores convidados doutros puntos de España): Miguelanxo Prado, Miguel Robledo, Miguel Porto, Alberto Guitián, Norberto Fernández, Victor Rivas, Jano, José Domingo, Tirso Cons, Martín Romeu, Emma Ríos, Manel Cranio, Pinturero, etc. 

Unha exposición organizada pensando no que adoita ser o gran esquecido nos eventos que se crean en torno ao cómic: o guionista.

A exposición está composta por impresións pertencentes ás súas obras Spirou e Fantasio, Green Manor e Sós, máis unha obra inédita que se publicará en 2016, Un futuro sen nubes. 

Intertextual parte dunha selección de artistas pertencentes a unha mesma xeración, voceiros da realidade artística nacional e internacional dos últimos anos, que atopan nesa conexión de influencias un campo de traballo ideal. A proposta nace da necesidade de configurar lugares para proxectos que ofrezan aos artistas a oportunidade de producir obras específicas, a partir da recreación e consolidación dun espazo que ofrece un lugar privilexiado, tanto polas súas dimensións e características coma polo tránsito continuo de visitantes, para a visibilidade dos proxectos.

Exposición Pereira desenvolvida por Castor Díaz Pereira con varias obras plásticas do artista.

O artista ourensán Romar recolle nesta mostra 30 obras pictóricas que reflicten os seus sentimentos e plasman o seu "caos mental".

Leandro Sánchez naceu en Palma de Mallorca onde realizou os estudos de Belas Artes e Historia, así como, técnicas de pintura e modelado. Despois de 43 anos de aprendizaxe e oficio na restauración, pasou a ser o responsable das restauracións levadas a cabo no Museo de Santa Teresa en Ávila. En 1999 abandona o mundo da restauración para embarcarse no mundo da pintura. Despois de varios anos pintando realismo, evolucionou para pintar abstracto e colocar detalles de realismo en cada obra.

Escolma de pinturas de José Famos e Eladio González que aportan dúas visións distintas representadas por dous estilos pictóricos ben diferenciados.