Esta exposición pretende ofrecer unha visión completa da obra da artista surrealista Maruja Mallo a través dunha viaxe polas obras doutros artistas surrealistas do seu tempo.
A mostra está formada por obras de artistas vangardistas como Luís Seoane, Eugenio Granell, Picasso ou Miró. As obras mostradas nesta exposición forman parte de diferentes coleccións públicas e privadas de Galicia.
O artista Manuel R. Moldes licenciouse en Arquitectura en Madrid e máis tarde en Belas Artes na Facultade de Cuenca.
Desde a década dos oitenta forma parte do grupo Atlántica, un colectivo multidisciplinar integrado por outros artistas como Antón Patiño, Angel Huete ou Menchu Lamas co que a día de hoxe segue colaborando.
Actualmente, Moldes é profesor na Facultade de Belas Artes de Pontevedra, faceta que compaxina co seu papel como académico na Real Academia Galega de Belas Artes.
A Biblioteca Pública Antonio Odriozola, presenta a exposición "As Paisaxes Imaxinadas". Unha mostra que fai un percorrido pola imaxinación pictórica da artista e creadora das obras expostas, Carmela Lazcano Novoa.
A exposición Sorolla íntimo. Bosquexos da serie Visión de España chega ao Museo de Belas Artes da Coruña, tras mostrarse na sede da Fundación Bancaja de Valencia e nos Museos de Alicante e Castellón.
De Castelao ao mañá: Unha ollada ao cómic galego, este é o título da exposición que presenta unha das facetas máis descoñecidas do autor, quen nos primeiros anos da súa produción fixo a súa achega nun campo que, hoxe máis que nunca, recibe a mirada do mundo da arte como unha forma máis de expresión. A exposición fará un percorrido polo mundo do cómic galego desde a obra e a época do autor ata os autores máis actuais.
Grace Schwindt (Alemaña, 1979) utiliza medios diversos como o cinema, a performance ou a escultura para abordar temas vinculados coa memoria e a construción das relacións sociais ou os sistemas de poder. Nas súas pezas tenta desmontar os sistemas establecidos (a comunidade, o Estado, os sistemas de crenzas).
A actividade creativa de Kukas abarca dende a pintura ou a fotografía ata á literatura, as artes escénicas ou a música. Graduouse en Artes Aplicadas, especialidade de Fotografía Artística. En 1993 recibiu o Premio Compostela de escenografía por Saxo Tenor. En 1997 recibe a Mención de Honor do Centro de Documentación de Títeres de Bilbao.
Esta exposición formula un percorrido polo traballo de María Luisa Fernández (Villarejo de Órbigo, León, 1955) no que se relacionan distintos grupos de esculturas, debuxos e instalacións.
As obras de María Luisa Fernández caracterízanse por incorporar linguaxes artísticas dispares: dende os post do conceptual e o minimalismo a elementos que proveñen dos cruzamentos entre os construtivismos e a tradición da escultura no País Vasco, lugar de formación da artista.
Intertextual parte dunha selección de artistas pertencentes a unha mesma xeración, voceiros da realidade artística nacional e internacional dos últimos anos, que atopan nesa conexión de influencias un campo de traballo ideal. A proposta nace da necesidade de configurar lugares para proxectos que ofrezan aos artistas a oportunidade de producir obras específicas, a partir da recreación e consolidación dun espazo que ofrece un lugar privilexiado, tanto polas súas dimensións e características coma polo tránsito continuo de visitantes, para a visibilidade dos proxectos.
Na mostra reúnense cadros dos últimos anos, nos cales Quintana leva aos o obxectos a primeiro plano, e aparece tamén nesta sala o salto á escultura nesa busca das caras do obxecto que a pintura non lle deixaba representar.
Os traballos máis recentes, dos últimos tres anos, unha especie de bodegóns urbanos. O artista toma fotografías de contedores de lixo á hora na que a luz do sol incide de maneira directa sobre eles, e despois, realiza unha serie de bosquexos, debuxos, acuarelas e cadros de distintas escalas.
