Un espectáculo no que crear contextos de socialización en galego que vinculan o presente e o pasado para seguir xerando unha lingua de futuro. Sofía Espiñeira presenta esta proposta da súa compañía, Teatro ao Cubo, na que desenvolven un espectáculo de circo totalmente interxeracional e para todos os públicos, para gozar en familia e dende calquera idade.
Valentina soña con ser trapecista, pero cre que nunca poderá conseguilo por ter síndrome de Down. A súa avoa, que lle ensina a xogar ao xadrez e moitas cancións, anímaa sempre a perseverar: “Se os vermes conseguen converterse en bolboretas, nada é imposible. Nunca debemos perder a ilusión nin as gañas de aprender; mírame a min, eu aínda estou decidida a ser directora de orquestra algún día!” Pero Valentina non está moi convencida, pensa que un verme é demasiado noxento para se converter en bolboreta… Como será esa metamorfose da que fala a avoa?
Bella e Henry son os mellores amigos do mundo. Xuntos decidiron montar un espectáculo de circo na súa pequena cidade, onde Ela Bela asombrará a todos cos seus números de maxia e a axuda de Henry. Pero entón chega Johnny, un neno novo na veciñanza, con xoguetes caros e unha bicicleta espectacular, cegando a Henry.
Un espectáculo de narración oral para a infancia con monicreques e música en que se conta a historia do primeiro tranvía a vapor de Galicia, protagonista de innumerábeis cancións e anécdotas.
Neste espectáculo a participación do público é continua: aprendendo a pronunciar o "Trabalinguas" das trisílabas ou a cantar a Maturrangaina, na que o público miúdo se exercita en dicir os números en galego do un ao dez. Ao final da función agasállase o público cun xogo recortable coa canción á que fai referencia a imaxe, co obxectivo de que poidan xogar e cantar con el na casa.
María Faltri, tamén vocalista da Banda das Apertas de Magín Blanco, chega agora cun espectáculo orixinal e sorprendente: unha picadiscos de música infantil. Durante o seu espectáculo María brindaralle aos cativos e cativas unha escolla da mellor música infantil galega para que non deixen de xogar e bailar. Tamén para que aprendan as cancións da man dos libros da súa pequena biblioteca ambulante.
Emilio Rúa e Xosé Carlos Caneiro presentan unha proposta dobre no FalaRedes 2022. A segunda parte dela é este espectáculo pensado para vencer os malos tempos, un traballo inusual dentro do mundo musical e cultural galego que inclúe textos de Xosé Carlos Caneiro, con fondo musical orixinal de Emilio Rúa, capaces de emocionar a quen os escoite.
O músico Emilio Rúa e o escritor Xosé Carlos Caneiro ofrecen no FalaRedes unha dobre proposta. A primeira parte dela é esta velada literario musical que quere conmemorar o 20 cabodano do pasamento do xenial escritor Carlos Casares con cantos e recitados dunha serie de textos que xiran arredor da súa obra, todos orixinais do escritor Xosé Carlos Caneiro. Son narracións, poemas e cancións con música de Emilio Rúa, que interpreta os seus temas acompañado da súa guitarra.
Este espectáculo nace da fusión entre o traballo que o actor Fran Rei vén desenvolvendo desde o ano 2017 no Obradoiro de Dramatización e Teatro da asociación Avante e da súa propia experiencia previa na creación e produción da peza Retrincos de Castelao, de Culturactiva Producións.
A miña lingua, a túa lingua, do grupo de música infantil O Viravai, é moito máis ca un concerto. Trátase dun espectáculo participativo pensado para nenos e nenas de 6 a 11 anos de idade no que se inclúen cancións en galego e inglés, un idioma que se introduce partindo da lingua propia de Galicia.
Xabier Díaz chega ao programa de dinamización lingüística FalaRedes cunha proposta musical de luxo destinada ás familias con bebés e, moi especialmente, aos pais e nais que optan por transmitirlles a lingua galega aos seus fillos e fillas. Levantarse e caer. Arrolos e abrentes é ou novo disco de Xabier Díaz, quen ou presentará en Mos e en Ribeira dá man dá Rede de Dinamización Lingüística.
