O xogo e a diversión combínanse unha vez máis coa aprendizaxe da man dos coñecidos personaxes de Pepe Carreiro. Loli, Chispa, Tatá, Braulio, Sonia, Pili e Carlos, Os Bolechas, volven con outra aventura chea de diversión que atrapará a cativada desde o inicio da función.
A compañía Caramuxo, pioneira no teatro para bebés en Galicia, trae ao FalaRedes a súa coñecida peza Ñam! para nenos e nenas de un a seis anos e as súas familias. Con elas complementa o proxecto audiovisual homónimo presentado ao fondo TeCeRedes, que poderá verse proximamente no Portal da Lingua Galega.
A compañía de teatro infantil Baobab chega este ano ao programa de dinamización lingüística FalaRedes cun espectáculo para os máis pequenos da casa que foi galardoado co Premio Barriga Verde de textos teatrais en galego. É unha peza tenra, divertida e chea de intriga que trata sobre a aceptación das diferenzas a través dunha historia de amizade, de superación dos propios medos e de amor. Ademais, introduce os espectadores de idades temperás nos contos tradicionais, nas cantigas, e na tradición oral.
“A Festa Maimiña” está dirixida ás persoas máis pequenas da casa, para que as familias poidan gozar de diferentes espectáculos de contos, de música e dun obradoiro de arrolos. Un ciclo deseñado e pensado para crear un vínculo afectivo co galego e coa cultura galega nas primeiras idades. Esta festa xunta propostas artísticas de calidade e de éxito entre as familias con Gloria Mosquera de Mamá Cabra, a banda musical Golfiños, a contadora Jara Ortiz e a Compañía Eléctrica.
“A Festa Maimiña”, de XesCultura, está dirixida ás persoas máis pequenas da casa, para que as familias poidan gozar de diferentes espectáculos de contos, de música e dun obradoiro de arrolos. Un ciclo deseñado e pensado para crear un vínculo afectivo co galego e coa cultura galega nas primeiras idades. Esta festa xunta propostas artísticas de calidade e de éxito entre as familias con Gloria Mosquera de Mamá Cabra, a banda musical Golfiños, a contadora Jara Ortiz e a Compañía Eléctrica.
No mundo hai linguas de todo tipo e tamaño. Unhas máis falangueiras, outras máis longas, algunhas tan enormes que enchen a boca, outras tan morniñas que non dan dito nada, e algunhas tan afiadas que mesmo parece que aguilloan ao falar. E entre todas elas está a nosa, a galega. Con “A parábola do angazo” e desde o humor e a reflexión bótase unha ollada ao noso pasado, para poder ter outra perspectiva do presente e mesmo mirar de esguello o que haberá no futuro.
Este novo espectáculo teatral forma parte da andaina lingüística iniciada con “Bicos con lingua” e “Pelos na lingua”.
Elefante Elegante presenta este espectáculo teatral de fantasía, humor e poesía dirixida a público infantil e familiar que evoca a amizade, as separacións, a necesidade de coñecemento e a aventura de medrar desde a igualdade, rompendo os arquetipos de xénero.
Chega ao FalaRedes unha peza teatral pensada para público de máis de 14 anos e destinada a poñer en valor a educación en lingua galega e a igualdade, ao tempo que se reivindica a figura da pedagoga coruñesa María Barbeito. Escrita por Paula Carballeira e dirixida por Fina Calleja, está interpretada por Mónica Camaño e Anabell Gago.
“C@nto contigo” é un espectáculo onde a música, o baile e as risas farán que saquemos a nosa lingua a voar, achegando o galego á xente miúda e ás súas familias de xeito lúdico e divertido. Retrousos e cancións para participar activamente, bailando sen complexos, acompañando coa voz, coas palmas ou con acenos. Un percorrido por cancións da súa traxectoria percorrendo un amplo abano de estilos musicais , dende o techno ao rock, aínda que sen esquecer as influencias tradicionais.
“Cadernos de cores e cancións” é un espectáculo musical de Magín Blanco e Pablo Vidal dirixido ao público infantil e familiar que propón un percorrido pola creación musical e literaria das cancións. Partindo do legado dos trobadores e trobadoras, esta proposta de dinamización en formato concerto-obradoiro repasa diferentes cancións en lingua galega e facilita un espazo de interacción e intercambio co público para que, de forma colectiva, se cree unha nova peza.
