FalaRedes

Uxía, Germán Díaz e Sèrgio Tannus únense nun espectáculo musical que pretende mostrar toda a beleza das músicas -históricas e imaxinadas- da tradición musical dos Camiños a Santiago.

As actividades do programa de dinamización do uso da lingua galega FalaRedes continúan cos obradoiros de rap, breakdance e estampado de camisetas. Co galego sempre como lingua vehicular, a mocidade (e quen sexa maior tamén, por suposto) gozará da aprendizaxe das expresións artísticas e deportivas da cultura urbana do máis alto nivel.

Calendario

"Cantigaéverso" é o título deste proxecto musical no que Francisco Castro e Federico Welicki repasan e revisitan os clásicos da poesía galega musicada.

María Faltri, tamén vocalista da Banda das Apertas de Magín Blanco, chega agora cun espectáculo orixinal e sorprendente: unha picadiscos de música infantil. Durante o seu espectáculo María brindaralle aos cativos e cativas unha escolla da mellor música infantil galega para que non deixen de xogar e bailar. Tamén para que aprendan as cancións da man dos libros da súa pequena biblioteca ambulante.

A exposición Orgullo da nosa lingua: o galego é un tesouro para compartir chegará en maio e xuño a catro entidades da Rede de Dinamización Lingüística: Boiro, Cambados, Ribadeo e Betanzos.

A mostra consta de 9 paneis que percorren particularidades do galego co fin de mostrar o seu valor e a súa riqueza, alimentar o sentimento de pertenza e convidar a cidadanía a falalo. A exposición poderá visitarse por libre ou ben coa guía dunha persoa dinamizadora que atenderá os asistentes en horario establecido por cada concello.

Fantoches Baj presenta unha enxeñosa peza teatral de monicreques para público familiar a partir do libro de Luísa Villalta As chaves do tempo. Unha novela de ficción histórica que se corresponde co último libro da autora homenaxeada no Día das Letras Galegas deste 2024.

Indóciles é unha peza multidisciplinar na que Vero Rilo, Nuria Vil e Mónica de Nut, crean un universo singular arredor do legado de Luísa Villalta.

Poesía, música e narración oral dan a man a unha linguaxe propia para explorar o mundo creativo dunha autora comprometida e versátil. A indocilidade, para elas, está na contundencia do sinxelo, nas palabras, nos silencios, nas presencias, na interrelación entre as tres en escena e co público, na espectacular naturalidade do cotián e do presente. Tamén nos coidados e no activismo social.

Unha obra que abre as portas ao humor reflexivo, á poética ao alcance de todo o mundo, a través dun texto que move e conmove.

Made in Galiza transita por momentos recoñecibles no día a día e combina temas de sociolingüística con maneiras de vivir e pensar amables e xenerosas ás que chegar mediante o lúdico e o divertido, con pouso. Un xeito de seducir en cuestións de lingua, non de impoñer nada a ninguén.

Desta volta, atoparémolos nun museo de arte onde se poden contemplar cadros do tempo dos seus avós, e dos seus bisavós, e dos seus tátara-tátara-tátaravós...

A divertida familia Bolechas chegará este outono a 21 concellos da Rede de Dinamización Lingüística.

7 de outubro, ás 18:00 h. Casa da Cultura do Milladoiro. Ames

21 de outubro, ás 18:00 h. Casa Habanera. Guitiriz

22 de outubro, ás 17:00 h. Auditorio Municipal. Celanova

28 de outubro, ás 12:30 h. Auditorio Municipal. Rianxo

28 de outubro, ás 18:00 h. Casa da Cultura. Pontedeume

A exposición Orgullo da nosa lingua: o galego é un tesouro para compartir chegará en setembro e outubro a catro entidades da Rede de Dinamización Lingüística: Arteixo, Ribeira, Marín e Redondela.

A mostra consta de 9 paneis que percorren particularidades do galego co fin de mostrar o seu valor e a súa riqueza, alimentar o sentimento de pertenza e convidar a cidadanía a falalo. A exposición poderá visitarse por libre ou ben coa guía dunha persoa dinamizadora que atenderá os asistentes en horario establecido por cada concello.