FalaRedes 2017 ábrese cunha actividade que, sen deixar de servir aos obxectivos de promoción do galego que guían dende sempre este programa de dinamización lingüística, constitúe tamén unha homenaxe ao autor a quen a Real Academia Galega lle dedica este ano o Día das Letras Galegas: Carlos Casares.
Nova actividade destinada ao lecer de calidade en galego que poderá gozarse, en exclusiva, en 10 concellos da Rede de Dinamización Lingüística este outono. Trátase dunha proposta escénica dirixida a todos os públicos a partir dos 8 anos de idade e cuxo obxectivo é que a cativada e a mocidade se acheguen ao teatro en lingua galega por medio dunha obra de coidada estética na que as emocións, os afectos, o humor e a palabra van da man.
Volve a FalaRedes a familia máis famosa de Galicia para animar a cativada a expresarse en galego nun espectáculo participativo en que o público ten moito que dicir. As rapazas e rapaces asistentes deberán axudar os seis irmáns Bolechas a vencer o seu antagonista Romualdo e conseguir o seu pase ás Olimpíadas de Río 20016.
A actividade terá continuidade a través das novas tecnoloxías, cun web interactivo e app para dispositivos móbiles.
Os aniversarios, a hora de durmir, a hora de gardar os xoguetes... son as temáticas das cancións do terceiro disco de Pablo Díaz, as cales integrarán o repertorio deste concerto que chegará a 18 concellos da Rede de Dinamización Lingüística co programa FalaRedes.
Acompañado de Carmen Rey (piano e voz) e de Tito Calviño (guitarra acústica), o músico coruñés (voz, harmónica, acordeóns e percusións) volve mostrar que a música cantada é o mellor vehículo para promover o uso da nosa lingua propia na familia e a súa transmisión interxeracional.
A actriz Laratiz Urruzola achégalles de xeito ameno a grandes e pequenos (a partir de 6 anos) a figura da autora máis coñecida das nosas letras nun coidadísimo espectáculo que combina interpretación actoral, monicreques de mesa e música.
Os recoñecidos músicos Uxía, Magín Blanco e Santi Cribeiro -que teñen mostrado a súa mestría para engaiolar o público infantil en traballos como María Fumaça, Rosalía pequeniña, A nena e o grilo ou Gatuxo- cantan os textos do poeta da Terra Cha neste concerto familiar que se desenvolverá en 15 concellos da Rede de Dinamización Lingüística.
Ana Carreira percorre este outono 10 entidades da Rede de Dinamización Lingüística no marco da terceira actividade do programa FalaRedes: Contos en Rede.
Estas contadas queren servir para incentivar o uso do galego oral como ferramenta de creación artística, aumentar a oferta de actividade cultural en lingua galega para público de todas as idades, así como apoiar e difundir o traballo dos artistas que realizan a súa actividade en lingua galega.
Santi Prego percorre este outono 10 entidades da Rede de Dinamización Lingüística no marco da terceira actividade do programa FalaRedes: Contos en Rede.
Estas contadas queren servir para incentivar o uso do galego oral como ferramenta de creación artística, aumentar a oferta de actividade cultural en lingua galega para público de todas as idades, así como apoiar e difundir o traballo dos artistas que realizan a súa actividade en lingua galega.
Inacio Vilariño percorre este outono dez concellos da Rede de Dinamización Lingüística no marco da terceira actividade do programa FalaRedes: Contos en Rede.
Estas contadas queren servir para incentivar o uso do galego oral como ferramenta de creación artística, aumentar a oferta de actividade cultural en lingua galega para público de todas as idades, así como apoiar e difundir o traballo dos artistas que realizan a súa actividade en lingua galega.
Chegan o bo tempo, as vacacións… e unha proposta de lecer en galego orixinal e refrescante: un concerto que ofrece variedade de estilos musicais –con mestura de funk, rock, pop, reggae, bossa nova ou blues- e coreografías sinxelas para que o público non pare de moverse aos seus ritmos.
Todo con moito humor e co obxectivo de que o público cante, baile e improvise en galego. Ocio participativo para toda a familia!
Espazos alternativos en caso de mal tempo:
