Humor, retranca e nova oralidade son os ingredientes deste taller que o coñecido grupo De Vacas, que celebra en 2026 o seu décimo aniversario, desenvolverá coas agrupacións corais Canta Noia, OMM Carlos Barroso, Os d'aquí de Meira, Son Outeiro e Coral de Vilaxoán.
K'Paparota Teatro chega este outono por primeira vez ao FalaRedes cunha orixinal proposta dirixida a nenos e nenas a partir de tres anos e ás súas familias. Trátase dun espectáculo en clave de humor, protagonizado por Patricia Cameán, en que, a través de obxectos de mesa e monicreques, os cativos e cativas da casa poden mergullarse na maxia das lendas galegas. Xentís, trabes soterradas e cabalos capaces de dar saltos incribles acompañaranos nunha viaxe chea de fantasía que os levará, se son quen de non perder o rumbo, a atoparen os marabillosos pitiños de ouro.
A caravana dos Bolechas convértese nun escenario móbil onde o deporte e a música van da man. Nesta nova aventura, os irmáns organizan un gran karaoke deportivo ao aire libre e convidan o público a cantar, moverse e seguir o ritmo das cancións. Animádesvos a participar?
Carolina Rubirosa e Xavier Alcalá, autor de temas tan emblemáticos coma Teño Saudade ou Fogar de Breogán, fan un repaso pola obra de Andrés do Barro, contextualizando histórica, social e culturalmente o momento en que foron compostas e toda a Nova Canción Galega, e dotando o repertorio dobarriano de novas roupaxes sonoras. Unha ollada diferente para presentarlle o autor ferrolán ás novas xeracións e ofrecerlles información descoñecida a aqueles que viviron o ascenso de Andrés do Barro ao número 1 das listas de éxitos estatais cantando en galego.
A caravana dos Bolechas convértese nun escenario móbil onde o deporte e a música van da man. Nesta nova aventura, os irmáns organizan un gran karaoke deportivo ao aire libre e convidan o público a cantar, moverse e seguir o ritmo das cancións. Animádesvos a participar?
Ser galego é doado? Depende. Os galegos temos un xeito de ser característico e diferenciado e historicamente téñense empregado tópicos derivados del para ridiculizarnos e mofarse de nós, feito que explicaría en parte que arrastrásemos algo de autoxenreira.
Esta é unha proposta artística e participativa de Polo Correo do Vento para FalaRedes. Inclúe narración, música e ilustración en directo para achegarlle á cativada a figura de Begoña Caamaño, a quen este ano se lle dedica o Día das Letras Galegas.
A compañía Fantoches Baj presenta no FalaRedes a súa peza de teatro de monicreques para todos os públicos As sete boinas do aviador, onde se recrea a xesta do galego Joaquín Loriga, quen, hai agora 100 anos, cruzou os ceos para completar o impresionante raid Madrid-Manila. Este mes de maio Ponteceso, Mugardos, Palas de Rei, Teo e Vilagarcía de Arousa coñecerán a aventura do intrépido heroe galego grazas á Rede de Dinamización Lingüística.
A coñecida cantante Uxía réndelle homenaxe a quen foi amiga súa persoal e é este 2026 autora das Letras, Begoña Caamaño. Faino cun concerto en que estará acompañada pola arpista Bleuen LeFriec. Un dúo de luxo para unha escritora excepcional.
O concerto visitará esta primavera as localidades de Rianxo, Tui, Celanova e Ferrol.
Velaquí unha proposta teatral arredor da autora homenaxeada o Día das Letras Galegas 2026. Conta con texto de Paula Carballeira, Premio Nacional de Literatura Dramática 2023, e está interpretada por Rocío González, da compañía Berrobambán. A actriz dálle vida a unha xornalista que recibe en herdanza un caderno dunha amiga íntima de Begoña Caamaño e que decide realizar a gravación dun pódcast en directo para expoñer algunhas das facetas menos coñecidas da escritora.
