A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Grupo de música extremo festeiro de repertorio taquicárdico, que vai das melodias balcánicas a coñecidas pezas da música clásica e do cine, pasando pola música tradicional galega e latina, aportandolle sempre o espírito necesario para o baile e a festa.
A banda está integrada por instrumentos de vento-metal e percusións varias. A formación principal a compoñen: trompeta, clarinete, saxo alto, saxo tenor, trompa, trombón, tuba, caixa re-adornada, timbais e bombo-platos.
A través da palabra e a música de tradición oral percorreremos historias que falan da xente, do amor, da liberdade e da desobediencia, porque somos un pobo que discrepa e temos unha peculiar forma de enfrontrarnos á vida e á morte. Historias de disidencias cheas de heroínas que non existen nos libros e heroes sen nome. Historias de vida que beirean a morte e de mortos que volven a este mundo.
Tanto nos Ten leva máis de 15 anos formando parte da escena musical galega. Empregan con maestría as voces e os instrumentos tradicionais como as gaitas, o clarinete, o acordeón, o tamboril, o bombo con pratos, a pandeireta ou as cunchas. Instrumentos aos que fana falar coa súa súa sempre propia e festeira linguaxe. Pasodobres, muiñeiras, foliadas, rumbas e outros ritmos bailables conforman o que o grupo chama ‘música tradicional furtiva’. Con este pasarrúas animan calquera romaría, festa e celebración que se lles poña por diante!
Esta é a proposta musical mais festeira de Soul&Roll cun repertorio desenfadado, de sobra coñecido e para todolos públicos. Trátase de un espectáculo ubicado nos anos 80 con música que marcou a moitas xeracións e desperta un sentimento de nostalxia onde todo o público se desata a cantar eses grandes éxitos do pop-rock español que sinalaron una época. Cancións en maiormente español pero sen olvidarnos dos éxitos internacionais que tamén estivieron presentes nesos anos, e como non podía faltar, algún que outro temazo en Galego que tamén deu a Volta ó mundo.
Leti da Taberna trae o seu primeiro monólogo no que explora en ton irónico a nosa relación coas redes sociais e como nos inflúen no noso día a día. En galego e con perspectiva feminista, Enredadas enche o escenario de luz e enerxía, provocando que a espectadora se vexa identificada coas situacións que se presentan e acabe ríndose de si mesma.
Henriko é un peculiar feiticeiro, mago, bruxo, ¿charlatán? que sente que realiza trucos increibels. Proezas que superan o entendemento humano. Pero en realidade é unha fraude de mago ao que mesmo os nenos lle cazan os trucos. Aínda así, sendo o único que segue crendo na súa maxia, ten a caradura de continuar có espectáculo como se todo estuviese a saír segundo o planeado. Pero trala aparencia deste desastroso feiticeriro agóchase un veterano malabarista que realizará arriscados xogos con coitelos e perigosos equilibrios.
A maxia en esencia é un xogo e con ela podemos facer que as palabras aparezan, desaparezan, se transformen ou mesmo leviten diante dos nosos propios ollos. Nesta proposta máxico-teatral non faremos trucos de mans, non desviaremos a atención, non faremos aparecer coellos. Faremos maxia da boa a partir das nosas palabras, da nosa historia, do noso patrimonio cultural material e inmaterial.
“Magic Mateo Show” é un espectáculo de maxia familiar que busca tocar todas as ramas da arte do ilusionismo. Mestura maxia, humor e participación do público. Un espectáculo para gozar en familia e pasar momentos cheos de ilusión da man dun dos ilusionistas máis novos do panorama máxico galego.
De Ninghures é unha banda do novo panorama da industria musical galega. Presentan un repertorio de música galega mesturado con outros lugares da Península Ibérica, Latinoamérica ou o Magreb. Unha proposta que mestura o audiovisual feito en directo coa música de instrumentos analóxicos, cantando e bailando e que xera un ambiente de festa fresco e frenético.
Este espectáculo musical e teatral da Banda do Verán baséase no libro-disco editado por Galaxia Estamos no verán!!!
Quen non pensou algunha vez de pequeno na posibilidade de montar unha banda de música?
O artista Xoán Curiel protagoniza este show. Partindo do relato de como comezou a coñecer e conectar ca música, as nenas e nenos o acompañan nesta aventura mentres o espectáculo vaise transformando nun concerto.
