A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Estabades agardando por unha gran festa e por fin chegou! Chega... PEQUE DISCO MOC MOC!!!
Con este espectáculo no que mesturamos música, circo e clown convertiremos nunha auténtica disco móbil circense infantil e familiar todo espazo ó que levemos este espectáculo.
Música, bailes, circo e humor nunha velada chea de sorpresas na que o DJ MeRe Clown fará gozar a nenos, nenas e maiores coa mellor música infantil, rock, hip hop, techno... ¡YES BABY!
“A CHUNGATRONA”
Despois de rodar por toda Galicia co seu primeiro espectáculo, Peter Punk crea un novo conxunto de rutinas, que confirman a súa intención de converterse nunha referencia do novo circo galego como pallaso.
O Concerto PunkInfantil é a nova tolemía de Brais das Hortas e Peter Punk Pallaso. Unha proposta a medio camiño entre un espectáculo teatral e un musical.
O novo espectáculo de Brais das Hortas e Peter Punk Pallaso flúe empregando a música como fío condutor, onde a técnica musical e a técnica teatral combínanse abríndoas cara a novos estilos e públicos. Un espectáculo musical e de clown para todos os públicos
Dous músicos que chegan por equivocación a un mesmo escenario coa intención de ofrecer un concerto. O primeiro, un concerto infantil. O segundo, un concerto punk.
Este é o primeiro espectáculo no que Peter Punk comeza a súa andaina como pallaso. E no que se perfila a súa personalidade divertida e irreverente, que fará as delicias d@s cativ@s e tamén dos maiores, creando un universo propio no que a linea de traballo é a diversión, o xogo e unha visión do mundo moi persoal.
Mostrará a súa destreza (ou non) con elementos que van aparecendo da súa maleta: pelotas, un prato chinés, fachos de lume e o clásico tartazo reinventado ao máis puro estilo deste irreverente pallaso internacional.
Concerto no que se versionan aos grandes do rock de todos os tempos.
Nos seus concertos pódense escoitar temas míticos da escena musical internacional, como por exemplo: Neil Young, The Black Crowes, Prince, Police, Rolling Stones, Lenny Kravitz, The Doors, Beatles, Bob Dylan.
Ou Dallecopé de Pulpiño Viascón é un concerto dun home orquestra, único é diferente cun set de percusión nunca visto ata agora en Galicia, ou Farmer Foot Drums, un sistema de tambores e pratos que se activan tocando co pé cun ritmo frenético e ou acordeón (Trikitixa) de Pulpiño Viascón. Non deixarás de mover vos pés co Dallecopé!
“De cando os animais cantaban” . Un traballo cheo de sentimento, rítmo e cor que amosa sen complexos a vitalidade e a contemporaneidade da nosa música de raíz. Toda unha reivindicación da música como necesidade vital do ser. Os doce temas que o compoñen son unha aposta por amosar a potencialidade de boa parte das mesturas tímbricas existentes na nosa tradición viaxando dende as melodías de gaita, clarinete e acordeón ata as inmensas posibilidades das percusións tradicionais e das nosas voces, tanto monódicas como polifónicas. Todo isto resulta nun directo potente, fresco e variado.
"Fazulas e o ladrón de paraugas" é o especta´culo baseado no exitoso libro "O ladr´pn de paraugas", de Xosé Lueiro, ilustrado por Sara Valcárcel (Editorial Galaxia), que xa vai pola terceira edición tras un ano desde a súa estrea. O espectáculo conta a viaxe iniciada por Fazulas, o gato persa de dona Adelaida, na súa manóa por saber de que cor é o vento. Para dar resposta a ese misterio, emprenderá unha fanta´stica aventura, collido da empuñadura dun paraugas.
Catuxa Salom é unha artista galega de raíces arxentinas e unha das voces máis destacadas do movemento folk-electrónico do momento. En 2022 publica o seu disco revelación Nunha aldea, un EP de debut producido por Marcos Bayón en Prasat Bayon Studio, que reflicte en cada canción un universo sonoro que vai da música tradicional galega aos ritmos latinos. Un disco envolto por unha atmosfera tribal que convida ao baile e nos conecta co noso lado máis puro e salvaxe. De Aimogasta ás montañas de Lugo, Catuxa Salom crea un lugar onde o fogar e o amor pola natureza están moi presentes.
Un monólogo caracterizado pola retranca galega posta na pel dun personaxe ó que lle pasan un cento de cousas, analiza a realidade actual e, como non, fala das relacións de parella.
Este monólogo de Tito Rober trata sobre as súas vivencias como rapaz Ourensán dende a súa infancia ata a actualidade e a influencia do zume en tódalas etapas transcendentais na vida dun home, contando sempre co apoio dunha nai incondicional preocupada polas vitaminas.
