Co gallo da celebración do Día da tradución, a Biblioteca de Galicia resérvanos este xoves, 30 de setembro, unha xornada especial na que conversaremos sobre ese traballo fermoso que é o de levar dunha lingua á outra as palabras, os matices, e os sensos que cohabitan en cada texto e cos que nos achegamos á voz da persoa que escribe.
A Cidade da Cultura súmase á quinta edición das Residencias Paraíso na promoción de proxectos anovadores no ámbito da danza e as artes vivas. Ao longo do verán, os espazos de residencia do Gaiás dan acubillo á creación de parte das propostas que resultaron beneficiarias na convocatoria de 2021. Este programa, organizado polo colectivo RPM coa colaboración da Xunta Galicia e doutras institucións, pretende fomentar a aparición de novos proxectos de investigación e creación de novas linguaxes contemporáneas, alimentando o campo de acción da comunidade artística do noso territorio.
Filosofía para veraneantes é un programa de pensamento que se desenvolve durante unha semana do verán na vila Corcubionesa na Costa da Morte. Xorde ao abeiro da liña de traballo filosófica practicada durante anos pola Asociación Cultural Universidade Cromática á que tenta darlle continuidade. Este programa enténdese situado e por iso sinala dende o principio a súa pronunciada intencionalidade de incorporar a pegada filosófica no contexto máis próximo e cotidián tentando convertila en ferramenta que poda acompañar o ollar da vida da comunidade.
A biblioteca cede o espazo á Dirección Xeral de Xuventude, Participación e Voluntariado para desenvolver o programa #PrimaveraXove, da Xunta de Galicia, que busca ofrecer espazos seguros, informais, abertos e innovadores para que as persoas mozas poidan desenvolverse persoal e profesionalmente e aprender dun xeito ameno favorecendo a convivencia e o networking.
O terceiro encontro versará sobre educación emocional e contará co seguinte programa:
A biblioteca cede o espazo á Dirección Xeral de Xuventude, Participación e Voluntariado para a realización dos encontros #PrimaveraXove
Os encontros #Primavera Xove da Consellería de Política Social da Xunta de Galicia buscan ofrecer novos espazos seguros, informais, abertos e innovadores para que as persoas mozas poidan desenvolverse persoal e profesionalmente e aprender dun xeito ameno, favorecendo a convivencia e o networking.
Jesús Méndez Álvarez-Cedrón, director xeral de Caixa Rural Galega e economista, ofrecerá a conferencia "Caixa Rural Galega: Unha maneira de facer banca no século XXI"
Reunión Recreativa e Instructiva de Artesanos (“Circo de Artesáns”). Rúa Santo André, número 36 – A CORUÑA
As prazas están limitadas e para asistir é obrigatorio reservar previamente chamando ao número de teléfono: 981-222976
Trátase da primeira homenaxe de agradecemento ao poeta granadino por escribir estes textos no noso idioma. Durante todo o día sucederanse as actividades literarias e musicais. Ademais, incorporase á Illa dos Poetas unha instalación artística da escultora Soledad Penalta que interpreta, de maneira simbólica, o fondo sentimento e a grande altura literaria de Federico García Lorca, un andaluz universal que amou Galicia, as súas xentes, o seu idioma e a súa cultura.
A obra Thought and Desire inclúe o Soneto 45 de Shakespeare no que reflexiona sobre o pensamento e o desexo como calidades "presentes-ausentes"; como testemuñas dun vínculo coa persoa amada, pero tamén falan da distancia. Linda Catlin Smith escribiu esta obra como regalo dun aniversario de voda, unha canción de amor calma e íntima, que reflexiona sobre a longa convivencia entre dúas persoas e entre eses dous aspectos de nós mesmos: o pensamento e o desexo.
A ópera é moito máis que un fenómeno estético daqueles considerados como paradigma da grande arte. É o ámbito de desvelo da verdade, na que o ser humano propón preguntas e busca respostas sobre quen é e cal é o seu lugar nun mundo globalizado e devastado como o actual. Baixo o título Elas fan ópera, proponse un percorrido polas diferentes aportacións que teñen feito a esta arte contemporánea as máis sobresaíntes dramaturgas, compositoras, directoras de escena e cantantes.
O mes de xuño chega unha nova edición das Xornadas de Música Contemporánea, que este ano levan por título INVISIBLES E SONORAS. Serán un total de tres coloquios e nove concertos cunha programación case completa de obras compostas por mulleres; todas as actividades serán gratuitamente previa retirada de invitacións.
PROGRAMA
Martes 1
Só de arpa
Cristina Montes Mateo, arpa
20:30 h. Sala Mozart - Auditorio de Galicia
