A obra sitúase cincuenta anos despois dos sucesos do 10 de marzo do 72 en Ferrol e compara aqueles momentos cos desafíos da realidade actual a través dos seus personaxes representados por un elenco de dez actores e actrices. O texto, comprometido e testemuñal, de Carlos Castrillón e Cristina Mariño, tamén directora, mestura a visión tráxica con dose de comedia nun intenso exercicio de memoria colectiva.
O Auditorio Municipal de Nigrán acollerá este sábado, 4 de marzo ás 19:00 horas, a representación da obra de teatro científico ‘Que traballo tan curioso!’, unha creación dirixida a público infantil, da Unidade de Cultura Científica do Consello Superior de Investigacións Científicas (CSIC) en Galicia. A divulgadora Luisa Martínez Lorenzo, veciña de Nigrán e responsable desta unidade, protagoniza esta obra como investigadora, convidando o público a que adiviñe cal é a súa profesión. A obra encádrase no proxecto 'Ciudad Ciencia'.
Ménage à Trois todo o que che gustaría saber sobre o sexo e algunhas cositas máis.
Despois do éxito da comedia A ansiedade non mata, pero fatiga, o actor Rafa Branca, a psicóloga Patri Psicóloga e o científico e divulgador Pere Estupinyà, únense nun novo espectáculo didáctico, divertido e picante: Ménage à trois
O guión teatral, baseado na novela de María Rei Vilas Flores de ferro, móstranos en primeira persoa as vivencias dunha moza (Camila) que a finais dos anos oitenta vese obrigada, por necesidades familiares, a regresar á súa aldea materna. Unha vez alí, as circunstancias levarana a coñecer de primeira man a verdadeira historia da súa familia e, por tanto, a súa. Unha historia descoñecida ata ese intre para ela pero da que xa non poderá escapar.
En plena campaña electoral, o alcalde Fulgencio Pacheco promete construír mil vivendas sociais nun dos barrios máis deprimidos da cidade.
Antes de terminar o primeiro edificio derrúbase causando a morte de tres obreiros africanos sen papeis. Co fin de ocultar tal fatal accidente, o alcalde decide levantar unha pista de skateboard no lugar onde permanecen sepultados ante a resistencia do xefe de obra que reclama xustiza para os seus homes e négase a que sexan esquecidos.
Sopla! cabalga sobre un ritmo trepidante no que unha gran variedade de técnicas de circo mestúrase coa música en directo e o humor sen palabras máis fresco. Sopla! é un espectáculo coral que sitúa aos personaxes a maior parte do tempo en escena, dando pé a novas combinacións entre técnicas e artistas.
Entra en escena é un espectáculo de luces e sombras. Un percorrido de microteatro con catro pezas onde o espectador verá un reflexo de si mesmo en catro personaxes que loitan contra a opresión.
Loita, vinganza, resignación e evasión son os catro puntos crave ao redor dos que vira esta experiencia teatral.
Un pintor, con moitos anos no oficio, leva tempo sumido nunha crise creativa. Desde que faleceu de forma imprevista a súa muller, que era todo para el, practicamente non puido volver pintar.
Estamos no verán e outono de 1975. A filla maior de ambos está no cárcere polas súas actividades políticas, e é nesas datas cando xorden os primeiros síntomas da enfermidade da súa nai que a filla vivirá desde dentro da prisión. É outro recordo permanente na vida do seu pai, que tamén agora revive.
Que pasa con todos eses Zapatos que xa ninguén usa?
Todos os días chegan a un recuncho dun escondido xardín fantásticas historias, as vivencias que traen consigo unha chea de zapatos de todos os tamaños e cores.
Unha moza é a encargada de coidalos, de dárles a benvida ao lugar onde vivirán para sempre, un lugar onde compartir emocións coas belas bailarinas, con Pechecho e os seus irmáns, cos namorados, co Sol e a Nube e con centos de compañeiros que teñen moito que contarnos.
Zapatos narra todas as historias que levan dentro os zapatos que xa non teñen dono.
Unha parella espera o seu primeiro fillo. Para festexar o feliz acontecemento son convidados a cear na casa da súa irmá e cuñado. Tamén asistirá un amigo común da infancia. Mentres agardan a chegada da embarazada, desvélase cal é o nome elixido para o seu futuro fillo. O desafortunado da elección desencadea toda una restra de rifas, recriminacións e ataques mutuos que acaban por converter a cea nunha auténtica batalla campal. Todo baixo a indiscreta presenza da veciña fisgona.
